Populære bibelvers fra ଯୋହନ୍‌‌ 2

Del

ଜିସୁ ହିଦ୍‍ଲେକାମ୍ ଗାଲିଲି ନାର୍‍ତେ ମୁନେଙ୍କ୍‍ତେ ବାକ୍‍ୱାକାମ୍ ଆରମ୍ଭମାଡ଼ି ନିଜେତ୍ ମହିମା ମାଡ଼୍‍ଡ଼ିତ୍‍ତନ୍, ମେଣ୍ଡେ ଅନ୍‌ ଶିଷ୍ୟଡ଼୍ ଅଂକିଙ୍କ୍‌ ବିଶ୍ୱାସ୍ ମାଡ଼୍‍ତଡ଼୍ ।

ଆସୁଟେ ଜିସୁ ତାଙ୍କ୍ କେତ୍‍ତଣ୍ଡ୍, “ନି ତଡ଼୍ ନାୱାଦ୍ ବାତ୍ ଇଲେ, ନାକିଂଙ୍କ୍ ବାତେଙ୍କ୍ ଆଦିନାଗ୍ କାସ୍‍ପମାତ୍‍ତି ? ନାୟାଦ୍ ଦିନାମ୍ ଇଞ୍ଜେକ୍ ଆୟ୍‍ନା ହେୱକେ ।”

ଜିସୁ ଦାସଡ଼୍‍କିଂଙ୍କ୍ କେତ୍‍ତଣ୍ଡ୍, “କୁଣ୍ଡାନାଗ୍ ଏର୍‍ ବର୍ତ୍ତି ମାଡ଼ାଟ୍ ।” ଆସୁଟେ ଅଡ଼୍‌ ହାଉସାରେ ନିଣ୍ଡ୍‍ନା ଯାକ ବର୍ତ୍ତି ମାଡ଼୍‍ତଡ଼୍ । ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଇଞ୍ଜେ ଟେଣ୍ଡି ଅସ୍ ବଜିତ୍ ମୁକ୍ୟାନ୍ ଗାର୍‍ରେ ଆୟ୍‍ମୁଟ୍,” ଆସୁଟେ ଅଡ଼୍‌ ଅତ୍‍ତଡ଼୍ ।

ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, “ମିଡ଼୍ ହି ମନ୍ଦିର୍‍ତିଙ୍କ୍ ଉହୁସିମୁଟ୍, ମେଣ୍ଡେ ମୁଣ୍ଡ୍ ଦିନାତେ ଲୋପ୍ ନାନେ ଆଦିଙ୍କ୍ ତିଆର୍ ମାଡ଼ିଦ୍‍ତାନ୍‍ ।”

ଆଗାଙ୍କ୍ ଅଣ୍ଡ୍‌ ନଡ଼େତେ ୱେରଡ଼୍ ଇକ୍‍ଲେମ୍ ତିଆର୍ ମାଡ଼ି ମେଣ୍ଢା ନୁ ଗଡ୍‍କିଂଙ୍କ୍ ତଅସ୍ ସାରେତାୱିଙ୍କ୍ ମନ୍ଦିର୍‍ତାଗାଙ୍କ୍ ବାୟିଦେ ପେସ୍‍ପିତ୍‍ତଣ୍ଡ୍; ଡାବ୍ ବ୍ୟବସାୟି ନାରୁଡ଼୍‍ଡାୱ୍‍ ଡାବ୍‌କ୍‌ସାରେ ଲେକିସ୍ ଅଡ଼ାୱୁ ଟେବୁଲ୍‍କିଙ୍କ୍ ଉଲ୍‍ଟା ମାଡ଼ିତ୍‍ତଣ୍ଡ୍ । ମେଣ୍ଡେ ଜିସୁ ବଡେ ୱାମାନଡ଼୍‍କିଙ୍କ୍ କେତ୍‍ତଣ୍ଡ୍, “ହିୱିଙ୍କ୍ ଇଗାଙ୍କ୍ ଆୟ୍‍ମୁଟ୍, ନା ବାବାନ୍ ଲୋତ୍‍ତିଙ୍କ୍ ଆସାନ୍ ୱାମାନ୍ ଲୋନ୍‌ ମାଡ଼୍‍ମାଟ୍ ।”