Populære bibelvers fra यहून्ना 4

Del

परमेसर आत्मा आ, इधी कठे जरूरी आ कि तेसरी अराधना करणे वाले आत्मा होर सच्चाई किन्हें भजन करहे।”

पर से टैम आहूँआं, बल्कि ऐबे भी आ तेता मन्झ सच्चे बापू परमेसरा री अराधना आत्मा होर सच्चाई किन्हें करणा, क्यूंकि बापू आपणे कठे एह्ड़े ई भजन करणे वाल़ेया जो तोप्हा।

पर जो कोई तेस पाणी मन्झा ले पिंघा जो मां तेस जो देणा, तेस फेरी कधी भी सोखे नी हूंणां: पर जो पाणी मां तेस जो देणा, तेस तेता मन्झ एक सोता बणी जाणा जेस अनंत जिन्दगी रे कठे मुट्दे रैंह्णां।”

यीसूए जवाब दितेया, “अगर तू परमेसरा रे वरदाना जो जाणदी, होर ये भी जाणदी कि से कुणहां जो तेरे किन्हें बोल्हा, ‘मुंजो पाणी प्या,’ ता तू तेस ले मांगदी, होर से तुजो जिन्दगी रा पाणी देंदा।”

यीसूए तिन्हा किन्हें बोल्या, “मेरा खाणा ये आ कि, हांऊँ आपणे भेजणे वाले री इच्छा रे मताबक चलूं होर तेसरा काम पूरा करूं।

जनानिये तेस जो बोल्या, “हे प्रभु, तेरे वाले पाणी भरणे रे कठे कुछ भी नी आ, होर कुंआं बौह्त डुघ्हा। ता फेरी से जिन्दगी रा पाणी तेरे वाले केथी ले आया?

ज्नाने यीसू किन्हें बोल्या, “हांऊँ जाणहां ईं कि मसीह जेस्जो जे ख्रीस्ट बोल्हा ऐं, से आऊणें वाल़ा आ; जेबे तेस आऊंणा, तेबे तेस आस्सा जो सभ गल्ला दसी देणी।” यीसूए तेस्सा जो बोल्या, “हांऊँ जो तेरे किन्हें बोल्या करहा, हांऊँ सेई आ।”

“आऊआ, एक माह्णुं जो देखा, जिन्हें मेरी पिछली जिन्दगी रे बारे मन्झ मुंजो सभ कुछ दसेया। हलांकि हांऊँ तेस किन्हें पैहले कधी नी मिली, ऐई मसीह ता नी आ?”