Populære bibelvers fra Methiu 5

Del

Batti baar ke koi hañḍi ke nichche nai rakkhe hei, lekin uske uchcha jagha pe rakkha jaay hei ki u ghar meñ sab log ke añjora de saki. Aapan batti admi log ke saamne chamkan deo, ki jisse sab koi tumhaar achchha kaam dekh le aur tum aapan Pita jon swarag meñ hei uske naam ke baṛaai karo.

Tum puura dunia meñ ek batti ke rakam hei. Agar pahaaṛ pe basti hei, to u luke nai sake hei.

Dhann hei ulog jon ke dil safa hei kaahe ke ulog Parmeshwar ke dekhi.

Dhann hei ulog jon dharam ke waaste bhuuka aur pyaasa hei kaahe ke ulog ke sab cheej mil jaai.

Lekin ab ham tum se bolta hei ki aapan dusman se prem rakkho aur jon tumme sataay hei uske waaste preya karo.

Dhann hei ulog jon saadhaaran hei aur Parmeshwar ke sahaare jiye hei kaahe ke swarag ke raaj eisane log ke hei.

Dhann hei ulog jon sab ke milaay waala rahe hei, kaahe ke u Parmeshwar ke laṛka kahaai!

Dhann hei ulog jon dukhi hei ulog ke saanti mili.

Dhann hei ulog jon achchha kaam ke waaste sataawa jaay hei kaahe ke swarag ke raaj weisane log ke khaatir hei.

Dhann hei ulog jon dayaalu hei kaahe ke ulog pe bhi daya kara jaai!

Dhann hei tum log, jab admi log hamaar khaatir tumme sataai aur tumhaar waaste jhuuṭ aur kharaab kharaab baat boli, kaahe ke tum hamaar khaatir kaam karta hei. Khusi raho, tumme swarag meñ baṛa fal mili. Bahut roj pahile nabi log ke, admi log yahi rakam se sataain raha

Dhann hei ulog jon naram dil ke hei kaahe ke ulog dharti ke hakdaar hoiyeñ

Tum dharti pe sab ke waaste neemak ke rakam hei. Jab neemak ke sawaad nai rahe jaay hei tab u khaana ke keise sawaad kari? Uske to khali feka aur kachra jaai.

Yahi khaatir tum wahi rakam kaam karo, jeise tumhaar swarag ke Pita kaam kare hei

Jab tum promis karo to, “Haañ ya naa” meñ hoy ke chaahi. Isse jaada sab saitaan ke bagal se aay hei.

Jeise ki tumme bataawa gay hei ki, “Aañkhi ke badle aañkhi aur daañt ke badle daañt.” Lekin ham tum se bataata hei ki agar tumme koi kuchh kare to tum badla nai lena, agar koi tumhaar raaiṭ gaal pe thappaṛ maare to tum aapan lefṭ gaal de dena.

Yahi khaatir agar tumhaar raaiṭ aañkhi tum se paap karaay hei to uske nikaar ke feñk deo, kaahe ke tumhaar khaatir yahi ṭheek hei ki tumhaar deñhi ke ek hissa gawaay deo naa ki puura deñhi ke narak meñ jhok dewa jaay. Agar tumhaar raaiṭ haath se paap hoy jaay to uske kaaṭ ke feñk deo, kaahe ke tumhaar waaste yahi achchha hei ki tumhaar ek hissa naas hoy jaay aur tumhaar puura deñhi narak meñ nai chhoṛa jaay.