Populære bibelvers fra Jọn 15

Del

Mẹvwẹ hẹ vain na, ovwan kẹ ẹghọn na. Ọ rọ herọ vwẹ evun mẹ, re me da hẹ evun rọye, ọye ọ rọ sa mọ ini buebu, kidie ovwan de si oma nẹ uvwe ovwan se ru emuọvo-o.

Dia vwẹ evun mẹ, re me dia vwẹ evun rẹ ovwan. Kirobo rẹ oghọn na ọvo sa mọ ubi kẹ omobọ rọye-e, jokpa nẹ ọ herọ vwẹ evun ri vain na, eriyin na wa je sa mọ-ọ, jokpa nẹ wa herọ vwẹ evun mẹ.

Ovwan da herọ vwẹ evun mẹ, rẹ eta mẹ da dia evun rẹ ovwan, gba nọ kemu kemu rẹ ovwan guọnọre, ke ruo kẹ ovwan.

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Ẹguọnọ rẹ ohwo vwori rọ rhonọ ọnana gbe herọ-ọ, rẹ ohwo da vwẹ arhọ rọye kpahe otọ kẹ igbeyan rọye.

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Ọnana hẹ urhi mẹ, nẹ ovwan guọnọ ohwohwo kirobo re me guọnọ ovwan.

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Mẹvwẹ hẹ uvi ri vain na, Ọsẹ mẹ hẹ ọghwẹrẹ na.

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

Imu nana me ta kẹ ovwan, rere aghọghọ mẹ vwọ sa dia evun rẹ ovwan, rere aghọghọ rẹ ovwan yena vwọ vọn.

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

Ọnana mi ji kẹ owẹ, re ovwan guọnọ ohwohwo.

Ọ da dianẹ ovwan kẹ e rẹ akpọ na, akpọ na ka guọnọ erobọ rọye; ẹkẹvuọvo fikiridie ovwan rha dia e rẹ akpọ na-a na, ẹkẹvuọvo me jẹ ovwan nẹ evun rẹ akpọ na, kọye akpọ na vwo tuoma rẹ ovwan na.