Populære bibelvers fra Džiibén 3

Del

I džuvlý dykhciá, so kašt (drévo) sys lačhó vaš xabén, i so jov sys kuč vaš jakhá, pal-dová so déla džinybén, i joj lyjá léskire barjakirdé (plódy), i xaja; i adiáke-pac' dyjá joj péskire romeske pašýl láte, i jov xaja.

Sap sys mendredyr saré feldytkone murdaléndyr, savén Raj Devél (Jahvá), Devél sozdyjá. I phendiá sap džuvliáke: “Ci čačipén phendiá Devél: ‘Na xan ni savé kaštéstyr dre únta (sado)?’”

I naramanjo (namiro) keráva Me maškír túte i džuvliáte, i maškír ródo tyró i lákiro; jov javéla dro šeró te dukhavel tut, a tu javésa te dukhaves les dre pienta (khur).

I džuvliáke Jov phendiá: “Ubarjakirava Me i keráva but butýr tyré mén'ki dro dová časo, syr javésa tu te psirés pharí; dre dukhá javésa te bijanes čhavorén, i tyró kamiben ke tyró rom, i jov javéla te xulainél pe túte.”

Khamlynasa (potosa) pe muj tu javésa te xas péskiro maró, paka tu risjosa dre phuv, savjátyr tu sánas lynó; pal-dová so tu san práho, i risjosa dro práho.”

Adamoske Jov phendiá: “Pal-dová, so tu kandyjan peskirjá romniá, i xajan kaštéstyr, pal savó Me priphendjom túke, phení: ‘Na xa léstyr’, prokošny javéla pal túte phuv, pharipnasa saró tyró džiibén tu javésa te čaravespe látyr.

I Raj Devél, Devél phendiá: “Kon túke phendiá, so tu san nango? Ci na xajan tu dolé kaštéstyr, savéstyr Me zaphendjom túke te na xas?”

I Jov tradyjá Adamos krig, i pe vastóko pašýl Edemoskire únta čhudiá xieruvimos kurtalása (miečosa), saví xačola jagása, sob (kaj) ke džiibnytko kašt te rakhél drom.

I dyjá péskire romniake lav Jeva, pal-dová so joj iaciá dasa saré džidypnaske.