Populære bibelvers fra Yoano 14

Del

“Uhwimino ngunanuhichikila. Uhwimino wami ngunanwehe. Chanuhele wo ngwe chize akwa hashi akuhana. Kanda nulibikala, kanda nwivwa woma.

Yesu ngwenyi: “Yami nguli ye jila, ni we umwenemwene, ni we mwono. Niumwe meza kuli Tata shina ni yami.

Yesu yambila tumbaji twenyi ngwenyi: “Mbunge jenu kanda jilibikala. Fulielenu Zambi, fulielenu nawa yami.

Mwe Chikwashi, Mwiku wa Linanga, yoze Tata makatuma mu jina liami, makanulongesa yeswe, makanwiwulula yuma yeswe yize hinanwambulwila.

“Yoze wakufunga Shimbi jami ni wakujononokena, mwenawo wakunguzanga. Tata mazanga yoze wakunguzanga, ni yami nawa mungumuzanga ni mungulisolola kuli iye.”

Mungukaliumba kuli Tata hanga anwehe Chikwashi mukwo, hanga akabwe hamwe ni yenu miaka yeswe, we Mwiku wamwenemwene. Akwa hashi kaahashile kuutambula, mumu kaahashile kuumona, chibwe kuunyingika. Alioze yenu nunaunyingika, mumu kuuli hamwe ni yenu, ni muukabwa muli yenu.

Mungukalinga yuma yeswe yize munuketa mu jina liami, hanga uhenya wa Tata ukasoloke muli mwe Mwana. Nyi munungwita chimwe Chuma mu jina liami, mungukachilinga.”

“Nyi nwakunguzanga, munufunga Shimbi jami.

Mu zuwo lia Tata muyili yibatulo yinji. Ngunayi mu kunululikila muhela. Chahashile kunwambulwila cho, nyi hi chamwenemwene ko.

Muze hinanululikila muhela, mungukeza nawa. Mungukanwanda yami mwene, hanga ni yenu nukabwe kuze yami nguli.

Tomase yamukumbulula ngwenyi: “Mwene, kutwanyingikine kuze unayi. Ngwe kuchi tunahase kunyingika jila?”