Populære bibelvers fra ᓗᒃ 22

Del

ᒂ ᐃᔅᒋᔄᑦ, “ᓄᑕ, ᐸᒋ ᐃᒐᓂᒧᐎ ᐅ ᑕᓐ ᓂᐸ ᐃᓯ ᐛᐎᓯᒐᔨᑕᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᔭᐤ ᓂᔾ ᓂᑦ ᐃᑕᔨᑎᒧᐅᓐ᙮”

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᒋ ᐅᑎᓇᐤ ᒪᒃ ᐸᒂᓯᑭᓇ, ᒋ ᓂᓇᔅᑯᒧᐤ ᒪᒃ ᑭᔭ ᒋ ᐸᒂᓇᐤ ᐊᑯ ᒂ ᒪᒥᔭᑦ, ᐊ ᐃᑕᑦ, “ᐊᐅᒄ ᐅ ᓂᔪᐤ ᐊ ᐃᓯ ᒥᔨᐛᓄᒡ ᒋᔨᐛᐤ ᐅᒋ, ᒧᐛᒄ ᐅ ᐸᒂᓯᑭᓐ, ᐅ ᒪᒃ ᐃᑐᑎᒧᒄ ᐊ ᒋᔅᒋᓯᑐᑐᐎᔭᒄ᙮”

ᐊᐅᑯᓐ ᐃᔭᐱᒡ ᑲ ᐃᑐᑕᐧᒃ ᐊ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ᒥᒋᓱᒡ᙮ ᒋ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ᓯᒋᓂᑲᑕᒡ ᒐᒋ ᐅᒋ ᒥᔨᑯᔭᒄ ᐊ ᐅᔅᑲᒡ ᓂᔅᑯᒧᐅᓐ᙮”

ᓇᔅᒡ ᑕᑈ ᒋ ᑯᓯᑯᑕᐊᔅᑲᑯᐤ ᒐ ᐃᓯ ᓂᒋᔅᑲᐧᒃ᙮ ᐊᑯ ᒪᒃ ᐊᑐᐎᔅ ᓱᒃ ᑲ ᐊᔭᒥᐊᑦ᙮ ᐊᓂᔭ ᒪᒃ ᐊ ᐃᔅᐱᔅ ᓱᒃ ᐊᔭᒥᐊᑦ ᒐᒃ ᒋ ᑈᓱᐤ᙮ ᒐᒃ ᒧᔭᒻ ᒥᐧᑯᔪᐤ ᐊ ᐸ ᐱᒋᑯᐎᔨᒡ ᐊᓐᑕ ᐃᔅ ᐊᔅᒋᒡ ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᐊ ᑈᓯᑦ᙮

ᒋᔨᐛᐤ ᒪᒃ ᐊᓐᑕ ᐊ ᑎᓯᔭᒄ ᐃᔭᒡ ᐛᔅ ᒋᐸ ᐃᑕᔨᑕᑯᓯᓇᐛᐤ᙮ ᐊᐛᓐ ᐛ ᐃᔅᐸᔨᑕᑯᓯᒂ ᐊᓐᑕ ᐊ ᑎᓯᔭᒄ, ᐊᑯᔅ ᐊᓐ ᐊᐛᓐ ᓇᔅᒡ ᐊᑲ ᐅᒋᒪᐛᔨᑕᑯᓯᑦ ᒋᐸ ᐃᑕᐃᓱᐤ᙮ ᐊᑯ ᐊᓐ ᑕᓐ ᐛ ᓂᑲᓂᔅᑲᒐᒂ ᐊᑯᔅ ᒋᑭ ᐎ ᑯᐸᓇᐛᔨᑕᑯᐃᓱᐤ᙮

ᒋᓴᔅ ᒪᒃ ᒋ ᐃᑕᐤ, “ᒋ ᐎᑎᒪᑎᓐ ᐱᑕᕐ, ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᒐ ᒋᓯᑲᒡ ᓴᔅ ᓂᔍᐤ ᒋᑭ ᑭᑭᒋᔭᓐ ᐊ ᐃᔅᒋᔄᔨᓐ ᐊᑲ ᒋᔅᒐᔨᒥᔨᓐ᙮”