Populære bibelvers fra JOHN 15

Del

Keima lengga gui ka hi a, note a baa na hi uhi. Keima sungah tengin amate sunga kei ka ten leh amate in ga tampi a ga ding uhi, azieh pen kei loin note in bangma na bawl thei sih uhi.

Note sunga ka op bangin note zong keima sungah om un. Lengga baa pen lenggui tawh a kizop sih leh a matanga a ga thei lo bangin, no zong kei tawh na kizop sih uleh ga na ga thei sih ding uhi.

Keima sungah na op vua, note sungah ka thu a op leh na dei popo ngen locin note adingin ang kibawlpieh ding hi.

Note in kei nei teel sih vua, keima in note kang teelzaw hi. Tuale note pei-in a kimang zing ding gate a ga dingin kang se zo hi. Tuaci’n keima’ min suongin note in ama kunga na nget popo uh Pa in ang pie ding hi.

A lawmte adinga a hinna a pie ngam itna sanga a lienzaw itna koima in nei lo hi.

Ama in keima sunga a ga lo baa zosie a paimang ding hi. Ga nei a baate a ga semsem nadingin ama in heu-in a hasieng hi.

“Tami pen ka thupieh ahi hi, keima in note kang it bangin note zong khatlekhat khat na ki-it un.

Ga tampi ga-in ka nuazui na suona ziehun note in ka Pa’ min na thangsah ding uhi.

“Kei lengga gui tahtah ka hi a, ka Pa pen lengga lonei pa ahi hi.

Kei sunga a om lo poma a kipaimang a baate bangin a vulgawp hi; tua bang a baate kikhawm a, meikhuh sungah kipai-in a katum hi.

Note sungah ka kipahna a op thei nading le note’ kipahna a bukim thei nadingin na kung vuah tam thute kang gen zo hi.

Ka Pa thupiehte zui-a ama’ itna sunga ka op bangin, note in ka thupiehte na zui uleh keima’ itna sungah na om ding uhi.

Note khatlekhat na ki-it nadingun keima in tami thupieh kang pie hi.

Note pen leitung-a’ na hi uleh leitung in ama-a’ bangin ang it ding hi. Note pen leitung-a’ hi loin leitung pana kang teelsa na hi ziehun leitung in note ang muda hi.