Populære bibelvers fra လံာ်လူၤကၣ် 23

Del

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

ယ့ၣ်ၡူးစံးဘၣ်အီၤ, “ယစံးဘၣ်တဲဘၣ်နၤတီတီလိၤလိၤလၢနၤမုၢ်မဆါတနံၤအံၤ, နကအိၣ်ဒီးယၤလၢပၤရဒံစူးအပူၤလီၤ.”

ဒီးအဝဲဒၣ်စံးဘၣ်ယ့ၣ်ၡူး, “ယ့ၣ်ၡူးဧၢ, ဖဲနဟဲနဲဒ်စီၤပၤအသိးန့ၣ်သ့ၣ်နီၣ်ထီၣ်ယၤတက့ၢ်.”

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

ဖဲအဝဲသ့ၣ်တုၤတၢ်လီၢ်တတီၤလၢအဘၣ်တၢ်ကိးအီၤလၢ, “ကီၤလၤကီၤသါ” လၢအခီပညီမ့ၢ်, “တၢ်ခိၣ်ဃံ” န့ၣ်, အဝဲသ့ၣ်ပျၤထီ ယ့ၣ်ၡူးလၢထူၣ်စုညါအလိၤဖဲန့ၣ်, ဒီးပှၤအၢပှၤသီခံဂၤစ့ၢ်ကီး, တဂၤလၢအစုထွဲ, ဒီးတဂၤလၢအစုစ့ၣ်န့ၣ်လီၤ.

ဖဲမုၢ်ဆါခီတဆံခံနၣ်ရံၣ်ဃၣ်ဃၣ်န့ၣ်, မုၢ်ဆိကတီၢ်ကွံာ်အတၢ်ကပီၤဒီး တၢ်ခံးမးလၢကီၢ်ဒီဘ့ၣ်ညါတုၤလၢဟါခီလီၤသၢနၣ်ရံၣ်, ဒီးတၢ်လုၢ်ဟံၣ်အယၣ်ဘျးတဒၢတဘ့ၣ်န့ၣ်, ယာ်ကွံာ်ဝဲဒၣ်ခံခီလီၤ.

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”