Populære bibelvers fra GENESIS 9

Del

Qamkunawanpas chaynataq llapallan qamkunawan kaq kawsaqkunawanpas wiñaypaq contrato rurasqaypa señalninmi kayna kanqa: Chirapaytam churani puyupi, chay chirapam kay pachapi kawsaqkunawan contratoypa señalnin kanqa.

Puyupi chirapa rikurimuptinmi chayta qawaspay yuyarisaq llapallan kawsaqkunawan hinaspa kay pachapi animalkunawan wiñaypaq contrato rurasqayta —nispa.

Pipas runamasin wañuchiqtaqa paytapas runamasintaqmi wañuchinqa. Runaqa Diosman rikchakuqmi rurasqa karqa.

Diosmi Noeyta hinaspa churinkunata bendecispan nirqa: —Achka wawa-churiyoqyá kaychik, kay pachatayá huntachiychik.

Chaykunatam llapallanta qamkunaman qoykichik mikunaykichikpaq, verdura plantakunatapas qosqayta hinam qoykichik.

Qamkunatam katkatataspa manchakusunkichik purun animalkuna, alton pawaqkuna, allpapi llapallan qasqonpa puriqkuna chaynataq lamar qochapi challwakunapas. Chaykunapimá munaychakunkichik.

Qamkunaqa achka wawa-churiyoqyá kaychik, kay pachamanyá huntaychik, kay pachapiyá miraychik.