Populære bibelvers fra Matta 28

Del

Ndenne, njehee nder kappa kuula duuniyaaru fuu, ngaɗee lenyi fuu *aahiiɓe am, ngaɗanon ɓe *batisma dow innde *Baabiraawo, Ɓiɗɗo he *Ruuhu Ceniiɗo. Njannginon ɓe, ɓe tokka ko mbi'umi on ɗum fuu. Paamee ko miɗo wondi he mooɗon wakkati fuu sey nyannde duuniyaaru timmi.

O ɓadii, o wi'i ɓe : —Mi hokkaama baawɗe fuu tawaaɗe dow e ley.

Sey maleykaajo oon wi'i rewɓe ɓeen : —To kulee ! Miɗo anndi Iisa tontanooɗo oon tefoton. Amma o walaa ɗo, o ummitake hano no o wi'irnoo ɗum nii. Ngaree, ndaaree nokkuure to o fukkinaa nii.

Nden o wi'i ɓe : —To kulee ! Njehee mbi'owee giɗaaɓe am, ɓe njaha Galili. Toon ɓe ngi'oyta kam.

Mawɓe *cakkanooɓe Alla he mawɓe *Yahudankooɓe caawodiri, kokki soogeeji ɗiin ceede ɗuɗɗe, mbi'i : —Mbi'on *aahiiɓe makko ngari nder jemma tawi oɗon ɗaanii. Ɓe mbujji ɓanndu makko. Nde nii haala kaan yehi to kawjiiɗo leydi oon, min keɓan ko min mbi'i ngam suddude on. Min keedana on he torra fuu. Soogeeji ɗiin njaɓi ceede ɗeen, ngaɗi ko mbi'aa. Nii haala kaa fillortee hakkune *Yahudankooɓe faa warde hannden.