Populære bibelvers fra Matta 21

Del

Nde nii on ngoonɗini, ko eeluɗon nder du'aa'u fuu no jaabetee.

Iisa jaabii ɓe, wi'i : —Goonga kaalananmi on : Nde nii on ngoonɗini, on cikkay, oɗon mbaawi ngaɗi ko ɓuri ko ngaɗumi ibbi kii. On mbaawan wi'ude baa waamnde ndee : « Ɗoofa, saamoy nder maayo », ɗum laato non duu.

Jama'aare wonnde yeeso Iisa ndeen, he tokkude gaɗa makko fuu no ilina, no mbi'a : — Hosanna  ! Jettooje ngoodani Taan Daawda ! Barkinaaɗo woni garɗo dow innde Joomiraawo ! Jettooje ngoodani Alla Toowɗo !

Nden o wi'i ɓe : —No winndaa nder dewte Alla ko suudu am noddirtee suudu du'aa'u. Amma onon, on ngartiri ndu wumpere wuyɓe !

Mbi'ee himɓe huɓeere *Siyon : Ndaaree da, laamiiɗo mooɗon no wara to mooɗon, no leesinkini, no waɗɗii ara, ɓinngel mum gorel no tokki.

Nden Iisa wi'i ɓe : —Ndenne on njanngaay ko winndaa nder dewte ɗeen, wi'aa naa ? Hayre nde nyiɓooɓe mboppi ndeen, kayre laatii hoore nyibdi ndiin. Ɗum golle Joomiraawo, haayne non duu he giiɗe meeɗen !

Ngam majjum miɗo wi'a on : —Laamu Alla no teetetee he juuɗe mooɗon, hokkee waɗirooɓe ngu ko haani.