Populære bibelvers fra Matio 5

Del

Peikon wactenamakan nama iskahikatew tepirak kitci actakaniwok atamik askikok. Nitowatc actakaniwon neta ko ka ici tcimatakaniwonik kitci ki miro wactek mikiwamik, kaskina neta ka taciketcik kitci miro wapatakik. Ekoni tca e actek kitci irapatisiekw iriniwok otci, kitci wactenamowekok mia wactenamakan, kitci ki miro wapatakik aniheriw ka mirwacinik ka totamekw acitc kitci otci mirwatcimatcik Kotawiwawa wakwek ka tacikeritci.”

“Mia kaie wactenamakan kit iteritakosinawaw ota askik. Nama kata ki katakaniwon otenaw, okititin e ki ocitakaniwok.

Caweritakosiwok aniki tekaci ka mirwinakositcik otehiwak. Kata meka wapamewok Kice Manitowa!

Caweritakosiwok aniki ka pasoweritakik kitci ici pimatisitcik Kice Manitowa e ici nataweritamiritci. Kata meka mirikowok kaskina aniheriw ka ici nataweritakik.

Pitoc aric nin kit ititinawaw: sakihakok aniki ka cikerimitakok kaie aiamihectamowakok aniki ka nekatcihitakok.

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Caweritakosiwok aniki ka otamirotatcik pekaterimowiniw kitci miroparihitonaniwonik neta e ici taciketcik. Kata meka icinikatikowok Kice Manitowa ‘ninitcanicak’!

Caweritakosiwok aniki ka matotcik. Kata meka kakisomikowok Kice Manitowa.

Caweritakosiwok aniki ka nekatcihakaniwitcik, osam e itatisitcik Kice Manitowa e ici nataweritamiritci. Enko aniki tapwe ka ici tatakik Okimawiniw.”

Caweritakosiwok aniki ka kitimakerimatcik owitc iriniwawa. Kecko meka kata kitimakerimikowok Kice Manitowa.

“Ki caweritakosinawaw kecpin e kiraskinaniwok e marerimikoiekw, e nekatcihikoiekw, kecpin kaie kaskina wiec e itikoiekw e marerimikoiekw, osam nin e nosanehwiekw. Ekoni ici micta kice mireritamokw! Micta mireritamokw! Kecko meka ki ka micta cawerimikowinawaw wakwek. Ekoni peikon kaie wirawaw ka ki pe ici nekatcihakaniwitcik iriniwok weckatc ka pe nikan tipatcimowaspan, ka pe pimatisiwakopanen ota askik epwamoci kirawaw.”

Caweritakosiwok aniki ka pekatisitcik. Kata meka pe otitikowok askiriw ka ki itikotcik Kice Manitowa kitci mirakaniwitcik.

“Mia ciwotakan kit iteritakosinawaw ota askik. Kecpin aric aka awocamec nisitospokoke ciwotakan, tan ke ki totcikatek kitci koski ciwak? Nama aci wiec irapatan. Ekoni e ici orowepinikatek kitci takoskatakik iriniwok.”

Mia tca ki ka itatisinawaw, kotc e itatisitc Kotawiwaw wakwek ka taciketc.”

Tepirak ‘ehe’ ki ka itan, kekotc ma, ‘nama.’ Ekoni kotc ke itein. Minawatc awocamec iteine, Ka Matcatikositc ni ke itehisk.”

“Ki ki petakanawatake e itwaniwok: ‘Kecpin awik e namehak kickicikoriw e macikask, acteriw kaie wir ockicikw kitci namehamowakaniwitc. Kirika kecpin awik e maniwepahak kiwipitiriw e otamikwehisk, acteriw kaie wir kitci maniwepahamowakaniwitc owipit.’ Pitoc aric nin kit ici witamatinawaw: nama ki ka koski matci totawaw awik ka ki matci totask. Kecpin awik pasakwehwiske kinihiwinik itekera, ki ka pakitinaw kitci otamahwisk kinamatciwini kitamikikekanik.

“Kecpin tca kinihiwini kickicikw e pactatiwakein, manipata! Warawik iciwepina! Kirawe kata miroparinopan kir otci aka misiwe kitci takok kiwiawik, patok kaskina kitci takok e itikitiin kitci tca iciwepinikoin atamaskamikok.” “Kecpin kinihiwini kitcitci e pactatiwakein, kickitcitcehotiso! Warawik iciwepina! Kirawe kata miroparinopan kir otci aka misiwe kitci takok kiwiawik, patok kaskina kitci takok e itikitiin kitci tca iciwepinikoin atamaskamikok.”