Populære bibelvers fra ԸՍՏ ՂՈՒԿԱՍԻ 13

Del

Ջանացէք նեղ դռնէն մտնել։ Կ՚ըսեմ ձեզի, որ շատեր պիտի ուզեն մտնել, բայց պիտի չկրնան։

Հոն կին մը կար, որ տասնըութը տարիէ ի վեր հիւանդ էր՝ չար ոգիէ բռնուած ըլլալով, եւ այս պատճառով՝ մէջքը ծռած կը քալէր եւ բնաւ չէր կրնար շտկուիլ։ Երբ Յիսուս տեսաւ կինը, իր մօտ կանչեց զայն եւ ըսաւ. – Ո՛վ կին, հիւանդութենէդ բժշկուած ես։

Յիսուս ձեռքերը անոր վրայ դրաւ, եւ կինը անմիջապէս բժշկուեցաւ եւ սկսաւ զԱստուած փառաւորել։

Եւ ահա այսպէս, շատեր որ հիմա վերջին են՝ առաջին պիտի ըլլան, իսկ շատեր որ առաջին են՝ վերջին։

Երբ տանտէրը մտնէ եւ դուռը փակէ, դուրս պիտի մնաք. պիտի սկսիք դուռը բաղխել եւ ըսել. «Տէ՛ր, Տէ՜ր, դուռը բա՛ց մեզի»։ Տանտէրը պիտի պատասխանէ. «Չեմ գիտեր թէ ուրկէ էք»։

Ո՛չ։ Կ՚ըսեմ ձեզի, որ եթէ չապաշխարէք՝ բոլորդ ալ նոյնպէս պիտի կորսուիք։

Անիկա պիտի պատասխանէ. «Ձեզի կ՚ըսեմ, թէ չե՛մ գիտեր ուրկէ՛ էք։ Հեռացէ՛ք ինձմէ դուք բոլորդ, անիրաւնե՛ր»։

Յիսուս հարցուց. – Ի՞նչ բանի կը նմանի Աստուծոյ թագաւորութիւնը, կամ ի՞նչ բանի հետ բաղդատեմ զայն։ Անիկա կը նմանի մանանեխի հատիկին, որ մէկը իր պարտէզին մէջ ցանեց։ Հատիկը մեծցաւ եւ ծառ դարձաւ, եւ երկինքի թռչունները գալով՝ անոր ոստերուն մէջ բոյն դրին։