Populære bibelvers fra Matteu 28

Del

Andate puru: di tutti i populi fate ne discepuli, battizate li in nome di u Babbu è di u Figliolu è di u Spiritu Santu, amparate li à tene tuttu ciò ch'eu v'aghju cumandatu. È eu, seraghju sempre cù voi, tutti i ghjorni sinamente à a fine di i tempi.»

Ghjesù li s'avvicina è li dice cusì: «À mè hè statu datu ogni putere in cele è annantu à a terra.

Ma l'anghjulu disse à e donne: «Ùn vi spaventate. A sò ch'è vo circate à Ghjesù, u crucificatu. Ùn hè quì, perchè hè risuscitatu cum'ellu l'avia detta; merà, guardate induv'ellu era.

Tandu Ghjesù li dice: «Ùn vi spaventate. Andate à annunzià à i mio fratelli ch'elli devenu andà in Galilea: mi videranu culà.»

Quelli, dopu esse si aduniti cù i capipopulu è avè fattu cunsigliu, detenu à issi suldati uni pochi di soldi dicendu li: «Dite cusì: I so discepuli sò vinuti di notte è u s'anu arrubatu mentre chè no durmiamu. È s'ellu l'ampara u guvernatore, noi l'appaceremu è feremu chè vo ùn abbiate fastidiu.» I suldati piglionu quelli soldi è fecinu cum'ella l'era stata detta. È sta fola a contanu sempre ancu oghje indè i ghjudei.