Populære bibelvers fra Kuyamba 17

Del

Abhuramu paakhana magole makumi pfemba napfemba (99), Chawuta adabziwonesa kwayiye nkuti, “Ndine Mulungu, Nyamphambvu zentse, teyela njila zangu, khala wakulungama.

Un'zachemelewa lini nadzina lakuti Abhuramu pomwe, koma un'zachemelewa kuti Abhurahamu, pakuti ndaakukuchita apayi wamishowo mizinji.

Nin'zachita chibvano changu pakati payine nayiwe, nakum'badwe un'zabwela pambuyo pako, pakuti nichibvano chin'khala kufika lini nalini. Ine nin'zakhala Mulungu wako mpaka kum'badwe wako wentse um'bwela.

wona, ndikuchita chibvano ichi nayiwe lelo, iwe un'zawa apayi wamishowo mizinji.

Koma Mulungu adati, “Nee, Sara nkazi wako an'zakubalila mwana wachimuna wawun'zapasa dzina lakuti Isaki. Nin'zachita chibvano changu nayiye, chibvano changu nayiye chakufika lini nalini nakum'badwe wake umbwela.

Nakutenepo nin'zakupasa dziko lentse la Kenani, lawukukhala ninga mulendo, nin'zalipeleka kwayiwe nakum'badwe wako un'zabwela. Dziko la Kenani lin'zakhala nthaka yawo kufika lini nalini, pamwepo ine nin'zakhala Mulungu wawo.

Abhurahamu adakotamisa nkhope yake nkuyamba kuseka, iye nkuti chamuntima, “Munthu ana magole dzana (100) angabale mwana? Sara angabale mwana iye wawa namagole makumi pfemba?” (90)

Mulungu adati kwa Abhurahamu, “Sarayi nkazi wako leka kumuchemela nadzina lakuti Sarayi, kuyambila lelo waakuchemelewa kuti Sara.

Munfunika kugwatiwa panyama khanda lachimuna, chikhale chilatizo chachibvano changu pakati payine nayimwe.

Koma nin'zachita chibvano namwana wako Isaki, mwana wawun'zabaliliwa na Sara gole lamangwana panthawe ibodzi-bodzi ino.”

Mwana wentse wachimuna aninga wafikisa ntsiku sele pakati panu ngaagwatiwe khanda lachimuna, mwamuna wentse kum'badwe wanu, aninga abaliwa munyumba yanu, panango wakuguliwa namasheleni kuchoka kwawachilendo ali lini wam'badwe wanu. Wentse adabadwa munyumba mwako nawentse adaguliwa namasheleni anfunika kugwatiwa khanda lachimuna. Nakutenepo chibvano changu chin'khala munyama yako, chibvano chinsaya kumala.