Populære bibelvers fra San Lucas 6

Del

Sa'oytyamʌ y maŋbamij ñchi'ʌtʌjtamu. Oyepʌ mujcoquiuy, matzpajcupʌ y cota'nupʌ, hasta tajscomʌ'nupʌmij maŋba ñchi'ʌtʌjtamu. Porque tiyʌ mis muctamba ne'cʌ, te'wʌtijmij maŋba myucjatʌjtaŋgue'tu.

Te' oyepʌ pʌ'nis ñʌputpa oyeta'mbʌ tiyʌ choco'yojmoc quioquenbamʌy oyeta'mbʌ tiyʌ. Y te' yatzipʌ pʌ'nis ñʌputpa yatzita'mbʌ tiyʌ choco'yojmoc quioquenbamʌy yatzita'mbʌ tiyʌ. Porque tiyʌtʌ ŋguipspa ndzoco'yojmo, te'wʌtʌ ndzamba aŋnacapit.

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

To'ya'ŋʌ'oytyamʌ jeque jujcha' to'ya'ŋʌ'opya mista'm Ndata Dios.

Uy cʌme'tztame ya'iwʌ, uytya'mij Diojsis maŋu ŋguiʌme'tztaŋgue'tu. Uy ni'aŋba'toytyame y ja'nmij maŋu ñi'aŋba'tʌtʌjtamu. Yajcotoco'yoytyamʌ y maŋbamij nyajcotocoyatʌjtamu.

Pero como nʌmisʌj ŋgʌmato'ŋʌytyamu, ndzamjaytyamba'ʌsmij: Sundamʌ te' ŋgui'nišajpapʌ'smij, y tzʌcjaytyamʌ bien te' ŋgui'nišajpapʌ'smij. Oyecotzamdamʌ te' nyatzicotzamyajpapʌ'smij. Cuando iwʌ'smij ñisujtzʌyajpa, wa'coyjaytyamʌ Dioscʌsi ñe'cʌcotoyata'm.

Y jutz mis sundamba wa'y chʌquiaju pʌ'nis mijcotoyata'm, te'šej tzʌctaŋgue'ta mis, ñe'cʌcotoyata'm.

Y iwʌ'smij ñchaŋba tu'maŋbʌ acapajcʌsi, tzi'que'ta mis te' eyapʌ acapac. Y iwʌ's yajʌcʌ'japyʌ mis mbacac pama, uy coquipi ni mis niyam. Y iwʌ'smij ñiwa'cpa, tzi'ʌ. Y iwʌ's pyʌcjapya mis ndiyʌ'iwʌ u'ya wa'cwitu'i.

Juca oye te' cuy, chʌcpa oyepʌ tʌm, pero juca ja'n 'yoye te' cuy, chʌcpa ja'n 'yoyepʌ tʌm.

Porque tumdumʌ cuy ñe' tyʌmgʌsi tʌ ispʌcpa. Ja'ndʌ nduqui higo te' apit-a'ŋucucʌsi, ni ja'ndʌ nduqui uva te' apit-su'tʌcʌsi.