Populære bibelvers fra San Lucas 22

Del

Nʌmu: Tatay, yʌ' toya maŋbapʌ'ʌs nʌcʌtʌjcupʌ, juca sunbamis wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

Pero ʌs oto'ŋʌwya'mʌs te' Dios mijcotoya uy myocha'u mis nwʌ'aŋja'moquiuy. Y mij, mbyaquipʌjcu'camij ndzoco'yojmo, paquitzi'ya mis atzita'm.

Pyʌjcu Jesujsis te' pan y ñʌjayu Dios yʌscotoya. Wyenu y chi'yaju y nʌmu: Yʌ'wʌte' ʌs ŋgüerpo maŋbapʌ'ʌs ndzi'oquia'u mijcotoyata'm. Tzʌctamʌ yʌ'šej wa'misʌj njamwʌtzʌctamu.

Ujcaŋbajcu'ca, pyʌjque'tu te' vaso, y nʌmu: Yʌ' vasote' te' jomepʌ trato ʌs nʌ'pinbit. Yʌ'wʌ maŋba 'yumbʌ'u mijcotoyata'm.

Tey nʌ tyoyapʌjcu'c, tyumʌtzocoy 'yoto'ŋʌyu Dios. Y nutzʌta'm inʌc tzu'nbʌ'pa ñʌ'pinbʌsa' nascʌsi.

Pero mi'ojmota'm ja'n tye'šej. Iwʌ más mʌja'ŋ mi'ojmota'm, yajchicstzʌcʌ wyin, y iwʌ cowi'na'pa, coyospawʌšej yajtzʌcʌ wyin.

Y ñʌjayu Jesujsis: Pedro, ʌsmij nʌjapya, antes que wejpa gallo, tuca'y ñacamij maŋba ñʌmu išo'oyj que ja'nmisʌj ŋgo'ispʌqui.