Populære bibelvers fra San Juan 12

Del

Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

Iwʌ's jene tyo'ya'ŋʌpya wyin yʌy maŋba yajtocoyu. Pero iwʌ's chi'oquia'pa wyin yʌy najsacopajcʌsi nʌte' quioquenu ja'n yayepʌ quenguquiotoya.

Wiyuŋše'ʌsmij nwiyuŋdzamjaytyamba juca te' trigo-puj ja'n quiuni najsojmo wa'y quia'u, ñaytyumʌ tzʌ'pya. Pero juca ca'apa, maŋba pyucsu wʌwʌ eyata'mbʌ tʌmbu.

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

Iwʌ's myatoŋba ʌs ndzambapʌ tiyʌ y ja'n quiojame, ʌs ja'nʌs ŋgʌme'tze. Jaminʌ'ʌj wa'yʌs ŋgʌme'chaju najsacopajcʌsita'mbʌ pʌn, sino que wa'yʌs nyajcotzoquiaju.

Pijche'ca Maria's pyʌjcu tumʌ libra jajsoquiuy cʌ'wingʌ'pyʌ nardo-omoma, wʌwʌ coyowapʌ. Y jyasjayu Jesujsis ñe'ŋbac y quiomocjayu wyapyit. Y entero tʌjcaju te' nardo-omoma.

Pijche'ca pyʌquiaju sa'ŋi-ay y maŋu pyʌjcʌchoŋyaju Jesús. Y weju'c inʌc nʌmyajpa: Viva. Wʌcotzamda'mitʌy yʌ' Israel-pʌ'nista'm Rey yʌy nʌ minupʌ Diojsis ñʌquiʌsi.

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.