Populære bibelvers fra MATEO 4

Del

La yal te Jesuse: —Tsꞌibabil ta Sjun Dios te ma jaꞌuk nax waj te ya xkuxuyin a te genteetike. Jaꞌ ya xkuxuyinik yuꞌun spisil te tut ya xlokꞌ ta stiꞌ te Diose —xchi te Jesuse.

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

La yal te Jesuse: —Sok jich tsꞌibabil euk: “Ma me xꞌawilbe yoꞌtan te Kajwaltik Dios awuꞌune”, xchi me —xchi.

Te Jesuse ikꞌot bael ta tꞌantꞌan kꞌinal yuꞌun te Espiritue, yuꞌun ya xꞌilbot yoꞌtan yuꞌun te pukuje. Te Jesuse maꞌ weꞌ kuarenta kꞌaal y kuarenta akꞌubal, y beno wiꞌnaj.

Te Jesuse la yalbe: —Laꞌ joyinaikon. Ta ora to jaꞌ awaꞌtelik ya xkꞌot te ya atsob tal genteetik te jkuenta —xchi. Jich a sjilesik ta ora te stsajkil-xchayike, y la soyinik bael.

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.