Populære bibelvers fra JUAN 12

Del

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

Te machꞌa ya xkuxutay te xkuxlejale, ya me xchꞌay. Pero te machꞌa makꞌ xkuxutay xkuxlejal liꞌ ba balmilale, ya xkuxuyin sbajtel kꞌinal stukel.

Jamal ya kalbeyex, teme ay pꞌejuk sbakꞌ triwu teme makꞌ xtꞌuxaj koel sok makꞌ xkꞌaꞌ ta lume, sigue yal jpꞌej. Pero teme kꞌaꞌe, bayal ya yakꞌ sit.

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

Pero te machꞌa ya yaꞌibon sluwar te jkꞌope, teme ma xchꞌuune, ma joꞌukon ya kal te ya xꞌakꞌot ta chꞌayel yuꞌune. Porke ma jaꞌuk talemon yuꞌun te ya kakꞌ bael ta chꞌayel te genteetike. Jaꞌ talemon yuꞌun te ya jkoltay.

Te xMariae la yichꞌ tal ol wan litro perpume te nardo sbiil te lom toyol stojole, y la smalbe ta yok te Jesuse. Te nax a la stakutesbe ta stsotsil sjol. Spisil te yut nae noj ta yikꞌ te perpumee.

Jich a sbojtalanik tal skꞌab palmera-teꞌ y lokꞌ staik te Jesuse. Xꞌawlajanik ta yalel: —¡Ben tsaꞌam te machꞌa talemix ta stojol te Kajwaltike! ¡Ben tsaꞌam slekil! ¡Ben tsaꞌam slekil te Rey yuꞌun te Israele! —xchiik.

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.