Populære bibelvers fra JUAN 1

Del

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

Ta slijkibal ayix a te machꞌa Skꞌop Dios sbiile. Sjoyinej sba sok te Diose y jaꞌ mismo te Diose.

Te machꞌa sakil kꞌinale tilemix ta ijkꞌal kꞌinal, y te ijkꞌal kꞌinale ma xjuꞌ yuꞌunik stupꞌel.

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

Spisil te tutik aye stukel ta skuenta te Dios a spase. Ni maꞌyuk jkajuk te tutik pasbile te ma jaꞌuk la spase. Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

Te machꞌa Skꞌop Diose ayix ta balmilal. Stukel ta skuenta te Dios a spas te balmilale, pero te machꞌatik ayik ta balmilale maꞌ snaꞌbeyik sba. Jul ta yolil te jtejklum yuꞌun Diose, pero ma akꞌot ta jkuenta yuꞌun te slumale.

Te machꞌa batsꞌi sakil kꞌinal te ya xtil ta stojol spisil te genteetike, ya xtalix ta balmilal.

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.