Populære bibelvers fra Lucas 12

Del

Näyjyëtu'un miitsëty, apaatë myajpaatëty, jä'ä ko ja naaxwiinyëtë ja'ay ja y'U'unk jää myina'any ma ënäty ka'ap xyjyëjp'ixtën myinëty.

Miitsëty, jam xypyëjkta'aktëty ja mjot mwinma'anyëty ma xypyaatëty ja Tios ja kyutujkën ets myajmo'otëty tii mkaytyëp m'uuktëpën ets tii mnätyukxoxëtëpën.

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Jä'ä ko maa ja mwit mmeeny yajpaatën, nän jam ja mjot mwinma'any yajpaata'antë.

Näyjyëtu'un ënät, oy pën jënu'un tjamëmay tjamëtajy ja jyuukyajtën, ka'ap tjëkyepy pën tyajyonëty ja jyuukyajtën ets jeky jyuuky'atëty

Tääts ja Jesús t'ënëmaay ja y'ijxpëjkpëtëjk: Jä'äkyëjxmës jëtu'un n'ëna'any këtiipë xymyëmay xymyëtajtëty tii mtukjuuky'atëp, tii mkaytyëp m'uuktëp ets tii mwit'at mxox'atëp.

E miitsëty, mwaaypyaat yë Tios mëtyoy tyaj'ity. Paaty ka'ap mtsë'ëkëtëty, wäänëni'ik miits mtsoowpaatë këtiinëm yë joon.

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Ixtë yë jooky, ka'ap nyi'iptë ets ka'ap pyëjktä'äky tyajpëtë'ëktë, ka'ap jë'kxy pëky tnipëjkpätë ets ka'ap tii nyätyuknipëjkë'ëkëtë; e yë'ëjëty, Tios mooyëtëp ja jyi'kxy pyikyëty. Miitsëty wäänëni'ik ja Tios winë mo'oja'anëtë, jä'ä ko wäänëni'ik mtsoowpaatë

Paaty nëëmëtë: këtii xymyëmay xymyëtajtëty tii mkaytyëp m'uuktëpën.

Pën Tios xyojxyp ja aay ujts mëti'ipë tyam yoonpën aayjoty ujtsjoty ets ko jyëpom'atëty tëë nyatëtstnë, ¿këtii jëtää ja Tios miits mxoxëtëtyë? Miitsëty tim wäänë oy mmëpëktë.

Tu'kë'ëyë mëti'ipë kuyu'utsy ijtpën, nikëxë'kp ok, ets tu'kë'ëyë mëti'ipë ijtpën nipëky nituny, yajpatp yë'ë.