Populære bibelvers fra Génesis 27

Del

Tios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën. May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Ënät yë Esaú y'ënäny: Tyimxëëw jëtu'un Jacob, jä'ä ko jëtu'un jyä'äy'äty. Mëmäjtsk'okës tyam ëka'any jëtu'un winë xypyëjkë. Më''ëka'any ojtsës xypyëjkë nkä'äxkopk'ajtën e tyam ja nkënu'kxënës ënät të xypyëjkë mëti'ipës xypyatpën. ¿Tatë këtii jap maa xyjyaakpëjkë'ëky etsës jeexyë näjyëtu'un wäänë xykyënu'kxpë?

Ënät ja Isaac y'ënäny: Mijts mëjëkäm'atëp ja naax kam ma winë y'ity wyintëyën, ets ma ja nëë tuu xëmë kyä'äyën. Kë'ëm nëjkx mnäkyuwa'anyë mëët ja mtujn mpujxn, yë m'uty yë'ë mëtunëp. E ko mëk mnäpyëjkta'akëtëty, tääts mnäyaj'ëwaatspëtsëmëtëty ma yë'ëjën.

Ja Esaú ni'ikyë ja kyajpx'ëtë'ëtsy: ¿Tatë tii këtiis mëpaat xytyimmooynyë ja kënu'kxënë, oyxyëp jeexyë ja tu'ukënë? Ënät jatëkok ja Esaú tyëjkëy yaxpë.