Populære bibelvers fra San Juan 12

Del

Te tambʉn iwamp tʉs̈majyiyáj, ma tʉs̈natspoguiyac. Mit mam ʉ̱ tʉtsʉ̱nawa'n, jemey itsʉ̱nawa'n jeme tʉs̈majyiyámpay. Te tambʉn tʉs̈majyip, tʉnte̱t Dios igui-oyninʉmáj.

Jeme imoypay gustu ivida pa je'yu, i-actogoyáj. Po jeme igawatpay wename mit ivida en ayʉ̱́j mundu, je' iguarda̱táj pa tu'c vida cacʉs̈ámpay.

Iyacs̈ta'cway tʉnʉmgʉs̈ap ni'c te nani̱p tu'c trigupú̱j na̱s̈ni'c mit te capu̱tsp, je'yu tamp. Po te pu̱tsp, ye'gáj mit iwatáj may itʉjm.

Ʉ̱ tʉmín pa tʉs̈ta'cs̈cʉs̈wa'n jayajwat ayʉ̱́j mundujway, pa nu'pʉjʉn tʉs̈cupʉgámpay ʉ̱, magajayo'y mit ma̱jlat, ni'c ayé ma̱jlat as̈am chitimic.

Jeme imarapay lo que tʉnyʉmpay, mit igajayaumayp, ʉ̱ tʉngacondena̱táj, ni'c tʉgaminu pa tʉs̈condena̱twa'n jayajwat ayʉ̱́j mundujway, po tʉmín pa tʉs̈salva̱tcʉs̈wa'n.

Cʉs̈ María ipʉc tu'c limeta ijtʉway puru oyway perfume waticway de nardo, mit ayé tsowo'gaj, mit ijajtsau Jesús ita'ni'c, mit cʉs̈ i-actʉ̱jtsau mit icuajy, mit pa'cs̈u'cta̱c ayé perfume tujugum.

ipʉjcau tu̱ts-ajy, mit pichingau iguipa̱jtsóuga. Mit cotscau mʉgʉc, inʉmgau: —¡Hosanna! Mʉjninʉmic ayé mimpay, jeme el Señor igui-ajyu'tway. ¡Mʉjninʉmic Israejlatway irejyat!

Jesús ipo'ngʉs̈: —Coynup hora pa ʉ̱ jeme tʉjatway jayau tʉtsʉ̱nawa'n oyninʉmic.