Populære bibelvers fra Genesis 2

Del

Aypaꞌ ka buwat nat mga taw, tananan it lalaki i amaꞌ baw inaꞌ ya ka magsagpun na sira magꞌasawa. Ta egay beken, subung na sirat sang kabilu-bilugan.

Pagkapatakenaꞌ yat lalaki ngayti, maat siꞌ it AMPUꞌANG DIYUS, “Ega magayen i esa-esat lalaki ngaytu nga egay iba ya. Magayen muwat aku nagat iba ya, isaꞌun may katabyang ya baw maꞌiba-iba ya nga bagay talagat kanya.”

Bawnga garing kat lugtaꞌ binwat it AMPUꞌANG DIYUS i bilug it taw. Pagkaꞌman ya, inyepan yay mga lamun it urung ka binggayan ya it ginawa baw kaꞌgenan. Iyan i puꞌun it ginawa it taw.

Pagꞌabut duꞌun, siyagyaan talaga it lalaki ngayti, nga maat ya, “Ta, in iyan, may iba ku na! Ka tuꞌlang, isi, subung talagat aken nga pamilug i pamilug ya. Babay i panaꞌwag it kanya sabap pinsiꞌ kanya kat bilug it lalaki.”

Ipiyabetang it Ampuꞌang Diyus i ikapitu ngayting aldaw nga maꞌal baw mataꞌas pat beken nga mga aldaw, sabap it pagkaꞌbut it ikapitung aldaw, nakumplitu ya nay muꞌsang mga kugunaen ya.

Purus sira paꞌ maglelbas, babay baw lalaki ngayti, baw ega pay eꞌyaꞌ nira.