Populære bibelvers fra BINZEN 3

Del

Tsüselo tenugi le, senbin tsügü shwipe zegwasa, a-sha le dihontse tyügwa yo, lo thasha chwiryü lo dihontse ndun thyü tiyo tse rüchün la. Tsügenyu a-le peha ryütyülo la. Lo a-le peha pe a-nyepfü tsüo a-ko tyü lola.

Tsükatsü Npugü Sunggigü le thyü keshü nyukhu dan nyu peri gü le kelikelu tsin thyü, A-le tenugi ka, “Sunggigü le hai no chwinyu senbin lihi sha-e tyünya lotse zoshü ole?”

Ale tenu gi hai jaka keshwinyü kemvu khishü ti, a-tsipwen lo n tsipwen no a-zintse keshwinyü mvu hüti. A-le npe kedüren ti lo nno a-pha ndu ti.”

Lo a-le tenu gika, “Ale nle nyuphu kepfü ka nkenjün kethyü thyü nchon shüti; lo nno kenjün thyüo nyu n nyuti, Hihontse bin-e nno n nyepfü nnyü ti, lo a-no nso gonti.”

N nyon pe nthyü keshü genyu, nle n nyon ngwa nila kemvuthen, nno nhokeli lo tseyhün-o nchvühyu tyüti. N nyon pe nthyüshü, lo nle n nyon thyü ni lati.”

Lo a-le temi güka, “Nle nnu khwenyüo ale nno tyünya lo tse keshü terasha gü tyü kela genyu, ngenyu kazü gü swetsü laso. Nno nyhun then nhokelio thathyüo nchvü hyu tyüti.

Tsüka Sunggigü le, “Segü le nle nkenben letse nka zoshü la?” “Nle ale nno tyünya lotse keshü terasha gü tyü la ole?”

A-le temi gü hüshwi la; tson-o Eden chwi nphozin Cherubim, lo jenthon lizin hizin kerü güla kehü mai hontse nme pe shüla. Hile temi ligü higü no kerhüntsü bin kho nni ryü mvu nrün genyu.

Adam le anu zan pe Eve thola, a-le temi aphu jvü gi genyu.