Populære bibelvers fra Maak 13

Del

Nara maga zi wa ha mau domi maa tiŋ min daha. Nar di kanyita a vusi hali muksi ti wa peti, Koosa zi wa la o nyuhau a nyɛ un.”

Ma il a kisaksi ma kina, chen ni o wa zi wa jɛri ma. Ma wa zim saha naa chen zi wa ya.

Ba wa kpa ma la sɛria bar diili, ma ta nyɛ chenani ma kaa wa la sɛm sɛria nidiile ta wati kimuksi ma. Koosa siim weri ti zi wa biksi ma chenani ma zi wa la sɛmu.

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Ma wa nu laal wɛ ka a duglɛ akoo bar nyɛni bol, ma ta ɔmi. Chen wa biksi di tɛɛnɛ maga siili ti saha duglɛu.

A chi chenani o vɛɛn sɛm ba chen, mu ŋɔ mau. Ma kunyana zi wa dusumuu? Akoo tɔhɛsirɛ o kaa waa? Koo zimal yeligi saharɛ o kaa wa? Koo chɔɔsa pisirɛ o kaa wa? Ma wa zim. Maa il nɛnɛ, chen ni ma kunyan ti wa zi wa wa ka ma chɔ do. Chenani mu ŋɔ ma nan, min ŋɔ nara maga nɛɛ. Maa nyini nɛnɛ.”

Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu. Kina maga kaa wa piili wiilire.

Tɛɛnɛ nɔ maga nara zi wa te nu Koosa laaboor weri wɛu ka kin naa maga zi ya.

Nidamata zi wa wau a kpa mu sɔn a yir ba titi a ŋɔ di ba ya minnɛ a mur nidamata di baa tiŋ ba.

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

“A wuzuni ta namsi ti wa peti, ‘Nha wa pɛna zi wa burgi birsau. Wula zi wa li buudahau a chesi. Kin nawara nyɛn buudaha ni a kpok zi wa na muksiu kinkan.’