Populære bibelvers fra Mat. 24

Del

domi nibinsa tum tagna la pisi bawu maga ni, nidamata wa zi bu daŋni dɔŋa. Nar di kanyita a vusi hali muksi ti wa peti, Koosa zi wa la o nyuhau a nyɛ un.

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Ma wa nu laal wɛ ka a duglɛ akoo bar nyɛni bol, ma ta ɔmi. Chen wa biksi di tɛɛnɛ nɔ maga siili ti saha duglɛu.

Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu. Kina maga kaa wa piili wiilire.

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Nidamata zi wa wau a kpa mu sɔn a yir ba titi. Ba maga zi wa ŋɔu di ba ya Kristo naa Koosa fun ŋɔ di o zi tumu wuzu digi chen a mur nidamata. Adaha ma fiɛŋ ma wa tiŋ ba.

“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha. Chen saha ti nidamata se wa zi bu wa su min. Ba zi wa li dɔŋ gantɛlau a ha dɔŋa. Witinsi ta nidamata ba naa vɛ zim Koosa, zi wa wau a mur nara kinkan

Yesu fun ŋɔ ba, “Ma doso ma ta nyɛ nandigi wa mur ma.

Ma wa zi wa lisi di mu waa nibine be zi bur wau, ka mu bur wa. Adaha o lawa maa saksiu saha maga.”

Ma wa zim a wuzu naa ma kunyana zi wa bur wa. Adaha maa il nɛnɛ.

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mu waali ti zi wa chi chenani o fun du Nowa saha tirɛ. Saha naa Nowa funɛ kɔɔri o arŋ zen chen, nara maga funɛ nyɛn ba tutɔ nyɛnirɛ. Ba yaa funɛ di diweu a la nyɔ kinyɔɔlɛ ka nibaala kpa haanasa. Ba funɛ ya chene hali a wuzu naa Nowa fun wa peti o arŋ ti a zu o tuha. Ba wa fun zim di Koosa zi wa tum niu o wa su tɛɛnɛ nɔ maga. Ba ka wa fun saksi di ba siti a siti. N waa nibine be waali ti zi wa chi chen saharɛ.