Populære bibelvers fra Mat. 19

Del

Yesu fun a nyini ba a ŋɔ, “O li nibinsa wati, ba wa kikoti a wa zu dooni. Amaa o li Koosa wati, kundɔŋ wa to o zi ya a vɛ koti.”

Ba naa Koosa fun a nyɛ ba burgi nibɛgim chen, o wa deŋli di nibine nyɛ ba nyinbaan di ba waligi dɔŋ ni.”

Yesu fun ŋɔ ba, “Ba fun sɔbi a li Koosa sɛm tɔn ti ni di, ‘Saha naa Koosa fun naami tɛɛnɛ nɔ maga a li o piili ni, nibaal awa nihaannɛ o fun naami,’ a ŋɔ di, ‘Chen weru di nibaal zi gil o nyana awa o niinau a kpa haan, chen ni ba nara balɛ ta zi burgi nibɛgimu.’ Ma funɛ karimi chenuu?

Yesu fun ŋɔ o gantɛl tiŋsi ta ni, “Ma nyɛ bichɛsa ta kuwa mu wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?”

Nara kinkan ba naa te suwachak a ya nihɛɛta lalaknɔ, ba zi wa burgiu a tiŋ gantɛl. Ba naa tiŋ gantɛl zi wa burgi nihɛɛtau a te suwachak.”

Nar gil o dama, o maanasa, o niinbisa, o nyana awa o niina, awa o bisa awa o ŋmaha mu daha, Koosa zi wa kpa a kina kɔkwau a gbaari un a kpa o mi fali naa vɛ kpak bɔ a nyɛ un.

Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”

Yesu fun burgi a pɛɛsi un, “Yɛrɛ i pɛɛsi min kinkin naa were wɛ? Nandigi wa to a koti a ya nibin weri hali o wa peti see Koosa duŋduŋ. I daŋni i na o miisa naa vɛ kpak bɔ, ii tiŋ o chiksɛ.”

Ma nyɛ mu bukoo ŋɔ ma, bɔla koti a zu nɛɛsi bɔ, kin tiina gbanko zi koti a wa zu Koosa koor tiu.”

Yesu fun bukoo ŋɔ ba, “Nar haan si vɛ su un ka o vɛ un a bu kpa haan digi, o tum galimsau a du o haan ti ni. O ya chɔkumsa tiinne.”

Doone Yesu fun ŋɔ o gantɛl tiŋsi ta ni, “Ba naa ya kin tima, o zi bɔmu ba wati hali ba wa koti a zu Koosa koor ti.