Populære bibelvers fra Lwiki 17

Del

N zɛ̃̀ n wɔ̀ bal mɔ́ nɛ: “Zɛ̃̀ ń vò. Ǹ gə́ zhí ni mú ce ǹ nɔ ǹ cìnə̀.”

Ń gə gwar mɔ́ twər tàlpyɛ̀ dɛ̃ rə̀dù wẽ́, n jà ń ká ń nə́ ń twí ń lwə̀l mó sǔbri twər ré rə̀myɛ́ yó w ga, sə́ pɔ̃ sǔbri.”

Mə̀dù y gə́ pwírí ń wárh, n ká n kwɛ̃̀ ń nə́ ń bya ń mə́ ń cèrhé Yi. N yí Yezu sono, n tu ń nə̀dwə́nə́ yó Yezu yé né, n zə ń yé n pú tɛ̃´ n ce ń nə̀báná. E jà bal mɔ́ ńmyɛ̌ yà ń wɔ́ Samarɛ lyì bal.

Dɛ̃̌na á cìnə̀! “Ǹ dõ gə gwar mɔ́, sə́ vò ń byili mu ń dóó wə́. Ń gə lwar bə̀ ń dówə́, sə́ pɔ̃ sǔbri.

Yezu zɛ̃̀ n wɔ̀: “È də̀ shí y gakó bə̀ wárh nà? Byɛ̀bɛ́ nə̀bɔ́ y nə ŋwɛ́nɛ́ yẽ̀?

N zɛ̃̀ n wɔ̀ bɛ: “Á Yi-ni-zhú mú gə yʼà yú ǹdə cǒ byǐ námpɔ́lɛ́ ta, á yʼâ mʼâ wɔ̀ cǒ w kɔ̀bɔ́ nɛ bʼò mǔr ò cìn o vò o zhele nə̀-fɔ̀lɔ̀ wẽ́, sə ò yʼà mʼa shɛ̀nɛ́ á nyí ni.”

Lò mɔ̀bɔ́ ǹ nə́ ǹ pyà ǹ myə̂l lé shilu, rə̀ mʼa jər, sə lò mɔ̀bɔ́ ǹ shɛ̀nɛ́ ǹ myə̂l lé jər, ǹ mʼâ ká nə rɛ.”

Yezu zɛ̃̀ n wɔ̀ ń kwã-lyì bí ni: “Lwarna bə̀ kɔn dɛ̀bɛ́ rə̀ nʼê ce lò lwɛlɛ wẽ́ tʼâ la jó yé, sə zwini bʼa zə lò mɔ̀bɔ́ ń nə́ ń tó rə̀ dɛnnɛ ń cìrh ń dõ ń ce lwɛlɛ wẽ́. Bə̀ gə yʼà lyẽ nə́kul-põ nə́kulu nánfɔ̀lɔ̀ ń byã nɛ́ bə cìrh mò bə ji mwə̃́ w cɔ̃̀ ń gə cìrh byɛ̀bɛ́ bə̀ yə̀ yírh swí mú mə̀dù cìcì ń co lwɛlɛ wa.

“Kɔn dɛ̀bɛ́ rə̀ yàl nɛ́ Nəwee yi ní mú, wɔ́ rə̀myɛ́ cìcì rə̀ mʼa yə̀ nɛ́ Numbyíní Byǐ twírí y myɛ yi ní. Nəwee yi ní, lyì bí yʼà nʼê jí, bə̀ nʼê nywɛ̀, bala yʼà nʼê jí kana, kana yʼà nʼê jí byə́nə́, kɔn mʼe yí dɛ̃ rɛ́ tɛ̀bɛ́ Nəwee zù bǔ-bwəl lé wə, dwà y nánfwɛ̀lɛ̀ y zɛ̃̀ e nyɔ̀, e gu lyì bí gakó mó.