Populære bibelvers fra Yòhánà 6

Del

Tsí Yèésù wà wí fú ŋa ní: Òŋu ká-òŋu ní dzɛ́ dzídzɛ yèé náa fúnɛ náàyɛ̀#ɛ́. Ó ɖi, bí ɔ̀nyà-kã̀ wá ńɖɔ̀-òŋu, tsí nɛ́ àkaralé si ńǹtá-òŋu, ebi kàkó kpaá láyé, tsí àŋgbɛ̃ gbo kàkó gbɛ̃ɛ̃́ láyé.

Ó ɖi, Mímí-Ɔ̀ɖáyé† ní náa fúnɛ náàyɛ̀#ɛ́. Ɔ̀nyà òŋu ká‐ɛ̀ kò nɛ́ àmí, tsí kó nyáa fú ara‐ɛ̀ náàyɛ̀. Afɔ̀ yèé òŋu náa wí fú ŋa#á náa ti ńɖi-Mímí-Ɔ̀ɖáyé ni, tsí náa fúnɛ náàyɛ̀.

Ó ɖi, ká máa wà tsitsɛ́ fú dzídzɛ yèé náa bàdzɛ́#ɛ́. Ká wà tsitsɛ́ fú dzídzɛ yèé kà bàdzɛ́ láyé#ɛ́, dzídzɛ yèé náa fúnɛ náàyɛ̀-àrìtã́#á. Dzídzɛ-ìrɔ́ nyɛ̀ŋɛ̀#ɛ́, òŋu, Ɛnɛ yèé ɔ̀nyà bí#ɛ́†, òŋu ní nákó fú ŋa ńnɛ̀#ɛ́. Òŋu ní Ɔ̀ɖáyé Boba mɔ́wɔ́ tɛ̀#ɛ́.

Ó ɖi, awù-Boba-òŋu ní dzɛ́ ní: Ɔ̀nyà ɔ̀kã̀lɔ́ɔ̀kã̀ kpó yèé nákó rí òŋu, tsí nɛ́ àkaralé si ńǹtá-òŋu#ɛ́, ká rí àyɛ̀-àrìtã́, tsí nɔ́dzɔ́-ìtã̀ntã́#á, òŋu kó dzí ŋa ti náàŋírĩ-òkú ŋa wá náyé.

Tsí Yèésù wà wí fú ŋa ní: Iŋɛ́ yèé náa dzɔdzú-Ɔ̀ɖáyé#ɛ́ ní dzɛ́ ní ká nɛ́ àkaralé si ńǹtá-ɛnɛ yèé ó bɛ̀ wá#á.

Ó ɖi, Ɔ̀ɖáyé Boba, ó tsã ɔ̀nyà kã̀ŋa si ní ká dzɛ́ tòŋu. Tsí ɔ̀nyà kpó yèé ó tsã̀ si#ɛ́, à nákó wá ńɖɔ̀-òŋu. Tsí bí ɔ̀nyà-kã̀ wá ńɖɔ̀-òŋu#ɛ́, òŋu kàkó kɔ̀ɔ́.

Tsí Sìmɔ́nì Òkúta wà wí fúu ní: Ɔlá-wa, ńɖi-nɛ̀ɛ́ àŋa kó lɔ? Ó ɖi, afɔ̀ yèé ŋa náa fúnɛ náàyɛ̀-àrìtã́#á wà nɔ́wɔ́‐ɛ̀.

Òŋu ká-òŋu ní dzɛ́ dzídzɛ yèé ti nɔ́ɔ̀rɔ̃#ɛ́, dzídzɛ yèé náa fúnɛ náàyɛ̀#ɛ́. Bí ɔ̀nyà-kã̀ dzɛ dzídzɛ nyɛ̀ŋɛ̀, nákó rí àyɛ̀-àrìtã́. Dzídzɛ#ɛ́ ní dzɛ́ ara tòŋu ká-òŋu#ɛ́, tsí òŋu nákó ń fú, tsí ɔ̀nyà kpó kó rí àyɛ̀.

Ɔ̀nyà-kã̀ kpókpó kàkó nyáa wá ńɖɔ̀-òŋu, bí Boba-òŋu, ɛnɛ yèé bɛ òŋu wá#á kò gbɛ̃́ɛ̃. Tsí bí ó sì fa ɔ̀nyà-kã̀ wá ńɖɔ̀-òŋu#ɛ́, nɔ́dzɔ́-ìtã̀ntã́#á, òŋu nákó dzí ɛnɛ nyɛ̀ŋɛ̀ ti náàŋírĩ-òkú ŋa wá náyé.

Ó ɖi, ɛnɛ yèé ti nɔ́ɔ̀rɔ̃, tsí wà fú ɔ̀nyà ŋa náàyɛ̀#ɛ́, òŋu ní dzɛ́ dzídzɛ yèé Ɔ̀ɖáyé wà fú ŋa#á.

Ó ɖi, òŋu ní dzɛ́ dzídzɛ yèé náa fúnɛ náàyɛ̀#ɛ́.

Tsí Yèésù kɛ́ kpɔ̃́nɔ́ ŋa#á, tsí ɖɔ́kpɛ́ fú Ɔ̀ɖáyé, tsí kpée kpíkpɛ̃́ fú àŋa yèé dzokó si ŋa#á. Ó kpɛ̃́ ɛdzã gbo fú ŋa bɛ́ɛ̀, tsí à dzɛ kíbí ó wù ŋá gbà#á. Kíbí àŋa kpó, à yó tã́#á, Yèésù wí fú ɔmatsɛ́‐ɛ̀ ŋa ní: Ká se àbùbɔ̀ yèé bɔ̀ ŋa#á, tsí ɔ̀kã̀ kpókpó kó máa rá.

Títí ká tu ɔkɔ̃̀#ɛ́ lɔ kíbí ìtsɛ́kòlò mɛ́ɛrɛ̃ nàmí mɛ́ɛrú bɛ́ɛ̀ gé#ɛ́, à rí Yèésù, tsí ó rɛ̃̀ ńǹtá-oɖò#ɛ́ bàa, tsí wà sɔ́má-ɔkɔ̃̀#ɛ́ bàa. Gbòkã́#á, ɔ̀rɛ̃rɛ̃-kã̀ kpa ŋá málɛ̀. Tsí Yèésù ní: Èmi ni, ɛ̀ɖɔ̃̀ kó máa ɖá ŋɛ́!