Populære bibelvers fra Yòhánà 11

Del

Tsí Yèésù sɛ̃̀ wà wí fúu ní: Òŋu ní náa fúnɛ náàyɛ̀#ɛ́. Òŋu ké ní náa dzí òkú ŋa gbo wá náyé#ɛ́. Ó ɖi, bí ɔ̀nyà-kã̀ gba òŋu gbɔ́, bí ɛnɛ nyɛ̀ŋɛ̀ kú gìɖì gbo, nákó sɛ̃̀ dzí ti náàŋírĩ-òkú ŋa wá náyé. Tsí ɔ̀nyà ɔ̀kã̀lɔ́ɔ̀kã̀ kpó yèé wà náàyɛ̀ si báàyí#ɛ́, bí ɔ̀nyà-kã̀ gba òŋu gbɔ́, ɛnɛ nyɛ̀ŋɛ̀ kàkó kú láyé. Ó gbàá gbɔ́ bɛ́ɛ̀ɛ̀?

Tsí Yèésù wà wí fúu ní: Òŋu kò ti wí fúu ní fee, bí ó gba òŋu gbɔ́, nákó rí lílákṹ-Ɔ̀ɖáyéè?

Tsí Yèésù dzì nɔ́kṹ.

Kíbí Yèésù gbɔ́ ikɔ̀#ɛ́, ó ní: Àrɔ̃̀-Làsárò#ɛ́, kò tsi àrɔ̃̀-ikú ni. Ó wà tsàkɔ̃̀rɔ̃̀, tsí kó ń nyɛ Ɔ̀ɖáyé ni. Tsí gbà ńǹtá-àrɔ̃̀ tɛ̀ɛ̀ ní ɔ̀nyà ŋa nákó rí ikpá-Ɔma bíbí-Ɔ̀ɖáyé#ɛ́.

Kíbí ó wúùre bɛ́ɛ̀ tã́#á, ó ɖúgbe kũkũ ní: Làsárò, fùɖá! Tsí òkú#ɛ́ fùɖá kíbí à tseé gbà tã́ná rìí#ɛ́. À mú atsɔ lákṹ-kã̀ bò fúu kútúkútú, tsí mú ɔ̀dzá ŋa, tsí ń ɖi akpá‐ɛ̀ òŋu ɛsɛ̀-ŋa. Tsí à mú ɔ̀dzá-kã̀ gbo, tsí ń ɖi ɛ̀ŋgbã̀ fúu. Ńbɛ̀ɛ́, Yèésù wí fú ɛnɛ yèé wà bɛ̀ ŋa#á ní: Ká tú iŋɛ́ ŋa#á nára‐ɛ̀, tsí ká kɔ̀ɔ́ dzɔ̀ɔ́, tsí kó lɔ.

Tsí inɔ́ tɔ́ wó Yèésù ró tsúù, tsí ó káà tó néèkpò#ɛ́. À ɖɛ̃ inɔ́-òkúta, tsí ri Làsárò ńnɛ̀ ni. Tsí à mú òkúta lákṹ tsítsédzú-kã̀, tsí ń ɖí arũ‐ɛ̀.

Kíbí ó wí bɛ́ɛ̀ tã́#á, ó sɛ̃̀, tsí wà wí fú ŋa ní: Ídza-àŋa, Làsárò sɔ̃rũ lɔ si, òŋu nákó lɔ káà dzíi.