Populære bibelvers fra Genesis 13

Del

Son ooilley yn cheer t’ou dy akin, dhyt’s ver-ym eh, as da dty luight son dy bragh.

As dooyrt y Chiarn rish Abram, lurg da Lot v’er ny scarrey veih; Trog nish seose dty hooillyn, as jeeagh veih yn ynnyd t’ou ayn, my-hwoaie, as my-yiass, as lesh y shiar, as lesh y sheear.

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

As dooyrt Abram rish Lot, Ny lhig da streeu erbee ta mee guee ort, ve eddyr mish as uss, as eddyr ny bochillyn aym’s as ny bochillyn ayd’s, son braaraghyn shin.

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.