Populære bibelvers fra Matta 5

Del

Fye to so fye buzangna m. Fye fa kwa fun n aza vinya aba, n lonu ʼza ɓa gye efye atnu-tnu manayi ɓa la fye Dada tu n wo dna n ʼshe nyi.

Fye nu zhin buzangna anyi nya-ezhi n kwo kpe n ʼpe koyi kna buzangna ya ga aza vinya ɓa gye.

Agmada n aza aba nɓa bugba gyi-gyi-yi, ntu ge ɓa ɓei gye Shekwoyi.

Agmada n aza aba n mikun gn ɓa, nuwan mikun yi wo ɓa n tu ɓefyece ɓo gama nubwo ɓei ku ɓa fu.

Ama ma ci ge, ye nha nuwun-yi yi. Zhin aduwa ntu naza ɓo nɓa ga ho wahala!

Wa gna, “Aza n ɓa gba ɓahim tukwo ɓa ku gode, ntu ge eshe ebemi zhin ɓa nya nu.”

Agmada n aza aba n ɓa zan bugbafu shin, aɓa yi ɓa ge Shekwoyi aɓi.

Aza nɓa n bugba zhi-zhiyi ɓa ku gode, ntuge a ɓa zhin ɓa atna.

Agmada n aza aba na ga ɓa wahala ntu ɓe manayi zhin ɓo, Eshe ebe mi zhin ɓa nya nu.

Agmada n aza aba n ɓa zhin ɓe manayi n sun-sun gye yi, ntu ge aɓa gye ɓahin sun-sun.

“Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo. Fye zhin bugba bui-bui! A da fye, ntu ge lada dnagmayi shi lo kwoi pmi fye n ʼshe. Fye pa ge anabi kwo-kwoyi ɓo ku wahala sin lo nu ce.

A hankuri zhin yi na tukwo gbayi yi ɓa ku gode ntu ge anyi vinya zhin ɓa nya nu.

“Fye nu zhin sankpegye anyi nya, N fya fye dada ya, kniyi nu ɓa zhin anyi a? Efyehin nkasun a ɓa ya fye a kpe fye apita ntu ge fye to ye napma yi lon.

Ama kwo bmiya fya ze aza nunuyi, ngye shi efye Dada n wo dna n ʼshe nyi, wo zhin nunuyi nu.”

Bwa ho nya ci ge, ‘E, nɓa zhin’ kwo ‘Awo, mi ta zhin m.’ Kwo la kun. N ha mi ho ɓeda gni n nyasi yi, kwo wu nu ge enya dna lo.

Musa owa gna, ‘N eza bi ho ewye ya hohin ha bi wo nya ya. N nyikna nu, ha ka wo kpeya.’ Ama ma ci ge, To gba ɓe nukwoyi ta m. N eza ce ho epmi n na gnayi, ha wu wo bayi.

Ntu ce nu, ndei oho wye kwo oho wye manayi nu n kwoyi-ɓa zhin ha wo shakpe, bikwo ya. Goma oho wye kwo wunya, n jdei nho ɓa lo anapyi n ho nayi vinya nyi. Ndei oho bwa-kwo bwai-zhe nu-ɓa zhin ho ha zhin laifi, ha zun kwo ya Goma n kwo zun-zun ya yi n doyi n ho ɓa lo anapyi n ho nayi vinya nyi.