Populære bibelvers fra Yohane 10

Del

Kobu mama ŋei eŋe yemo kine kine mane bile mayakane mi sarimaike, eŋe yemo lama kobu ebu more enguyakane, so matali qetali ebuyakaneka sarimaike. Na yemo lama eŋe gegeene wakongi, gege togon so Asu Koboboine eŋano wat watko paki geulukkei, eya wane na sarikole.

“Na noŋom yemo lama eŋane ware ware maine, lama ware ware maine eŋe lama eŋane raki paki, gegeine maine qaisikka more seukeyake.

Naŋane lama eŋe naŋane donne detokanmami, na eŋe detonmaile, eŋe na mogatnane ŋadeno sari okanmami.

Na gege togon ebon okanmailane, eŋe mi seukkei, eŋe gege togon ge arikei, geu ŋei maneŋo naŋane meteno ŋine mi neuma ebu ariyake.

Na madet, eya wane ŋei mane eŋe naŋanoka sariki paki, sen koto wakesiyake, eŋe baŋ Kaisaleŋo mayake, paki eŋe baŋ ululuŋ sari sakesiyake, so waket ariyake, yale okane, Asu wane ŋara moriyan maine marat kayake.

Na lama eŋane ware ware maine, na lama magukopne na eŋe detluk onmaile, ŋo lama magukopne eŋe yalewaka na maine detluk nanmami.

Maganeŋo ŋei magu more ninge, eya yemo manerop kakapa suwaine kine kine natne korop yuwanka waremaike, wane ŋei maneŋo Maganane metino ŋine maine mi oma nane ebu ariyake. Magane so na ŋere mo kinese weku, ŋere koso wiri etke mi okanmaite.”

Rokop yale waka Magak eŋe na detluk-nanmaike, eya wane na lama eŋane ra more gegene qik kaikale, so lamakopne qesiŋ-onikale.

Ŋei maneŋo naŋane gege maine mi maki mida leleyake, midakaka, na nae similenane noŋomka gegene qaisikka ebonikale. Na gegene qaisik kakalane zonom pa ninmaike, so na gegene koso manerop makalane zonom weneŋ pa ninmaike. Magakŋo na yale wa okangalane raki paki nolatke.”

Paki, Yesu eŋe koso manerop edane rake, “Na ŋidanbe detpi, welekakatne na noŋom lama eŋane madet

Ŋo ŋei eŋe lewine qolekaikei wane raki paki, eŋe lama maine mi ware oniyake, so oŋo lama eŋane magak maine zok mida, yewa wane eŋe kaki, kasi zubaine mane sariyakeo, eŋe kakakka more, lama qeliŋongi paki, kaet ariyake paki, kasi zubaine eŋe lotke more, lama eya korop edore more esopongi, yau yaup ket giŋ qiririŋ ari warekei.

Yesuŋo koso takotke more rake, “Na welekakatne ŋidanbe detpi, ŋei mane eŋe lama eŋane sen koto madetkoka mi wakesiyake, eŋe yaup tewinoka sen yuwane wakesiyake, eŋe kobu ŋei so ŋei mane wane aboŋ kine kine kobu teba waraŋ ŋei.