Populære bibelvers fra Evangelium e Matejestar 2

Del

Thaj dindoj andre ano kher, dikhle e ćhavore e Marijaja dija lesera, thaj pele pe čanga pe lese, ta putarindoj e sobe ple pašarde leske e dindime: sumnakaj, tamjano thaj izmirna.

A kana o Isus bijandilo ano Vitlejem judejsko ano dive e Irodose e thagarese, dikh, ale e gođavarutne kotar o Istok ano Jerusalim thaj vakerde: Kaj si o thagar e judejesko savo bijandilo? Kaj dikhljam lesiri čeren ko Istok thaj avilam lese te pera ko čanga.

A kana dikhle e čeren, pherdile lengere vile but bare lošalimasa.

Thaj lindoj ano suno o vakeripe te na irinen pe e Irodoske, avere dromeja đele ani pli phuv. A kana on đele, a odova o phakalo e Devljutnesoro mothovđape e Josifese ano suno thaj phenđa: Ušti, le e ćhavore thaj e dija lesera, ta naš ano Egipat, thaj ov odothe đikaj tuke ni phenav: kaj o Irod ka rodel e ćhavore te xasarel.