Populære bibelvers fra Yahiya 14

Del

Paꞌin si Isa pe, “Iye pangambanku si kaꞌamin atey sanyang. Kasanyangan inin amban aku duk gaꞌi inin magsaliꞌ duk kasanyangan si dunyahin. Hangkan daꞌa kaꞌam suse dem ateybi duk daꞌa kaꞌam tinalew.

Paꞌin si Isa si iye, “Aku inin lān tudju Tuhanin, aku poꞌon sasuku mabennalin, duk aku poꞌon umulin. Gaꞌ niyaꞌ tapī si Samaku Tuhanin bang dumaꞌin aku palabeyannen.

Paꞌin si Isa si meꞌ tindegnen, “Daꞌa kaꞌam suse dem ateybi sabab meꞌ pinaꞌinku miyaꞌan. Sandel kaꞌam si Tuhan duk sandel isab kaꞌam si aku.

Saguwaꞌ papitu Samakun du si kaꞌam manabangin, gantiꞌku. Iye Niyawa Sutsihin. Toloꞌanne du kaꞌam kēmon-kēmonin duk paꞌessebanne kaꞌam kēmon bakas panoloꞌku si kaꞌamin.”

Sine-sine nayimaꞌ meꞌ pangandaꞌakankun duk tuhutne du, iye iyan aꞌa asal mamalasa si akuhin. Aꞌa mamalasa si akuhin kinalasahan du iye weꞌ Samakun. Duk kalasahanku isab iye duk pahātiku du dikun si iye.”

Pākuku du si Samakun duk kaꞌam urunganne seddili nabangan kaꞌam gantiꞌku. Luꞌu du iye si kaꞌam salama-lama. Manabang inin, Niyawa Tuhanin. Iye magaka mabennalin sabab Tuhanin. Saguwaꞌ meꞌ aꞌa manggaꞌi manuhut Tuhanin, gaꞌi tatayimaꞌde Niyawa Tuhanin peggeꞌ gaꞌi iye tahātide duk gaꞌi iye kataꞌuhande. Saguwaꞌ kaꞌam, kataꞌuhanbi du Niyawa Tuhanin peggeꞌ luꞌu iye si kaꞌam duk pateteg du iye dem ateybi.

Ine-ine pākubi si Samakun sabab sandelbi si akuhin, hinangku si kaꞌam supaya tapudji Samakun sabab hininangkun. Ine-ine pākubi si aku sabab sandelbi si akuhin, hinangku si kaꞌam.”

Paꞌin si Isa pe, “Bang bennal ku kalasahanbi, bugtuꞌ tuhutbi meꞌ pangandaꞌakanku si kaꞌamin.

Laꞌi si lahat Samaku Tuhanin, ekka patennaꞌan. Bang inin gaꞌi toꞌo gaꞌi kaꞌam akahanku. Pī ku manyap patennaꞌanbin.

Manjari bang ubus ne ku magpanyap patennaꞌanbin, balik du ku pitu ngeddoꞌ kaꞌam duk boꞌote kaꞌam pī si patennaꞌankun duk kite bi magdambuwaꞌ patennaꞌan.

Paꞌin si Tomas si iye, “Tuwan, gaꞌi kataꞌuhan kami bang tungan papīhannun. Saꞌingge pangataꞌu kami lān hap pīhin?”