Populære bibelvers fra Yahiya 1

Del

Saguwaꞌ sine-sine nayimaꞌ Lapalin duk makahagad si iyehin, urunganne siye kapatut manjari meꞌ anak Tuhanin.

Gaꞌ pe dunya inin pinapanjari asal andang ne Lapalin. Lapalin magdambuwaꞌ duk Tuhanin duk Lapalin Tuhanin ne.

Dantaꞌ inin ninag dem kalindeman duk dantaꞌin gaꞌi teꞌed tapalem weꞌ lindemin.

Manjari, Lapalin palahil tuꞌu si dunya taga baran manusiyaꞌ duk patennaꞌ diyaleman manusiyaꞌ. Kēmon lasa duk bennal laꞌi si iye. Takite kami balakatnen duk sahayanen, duk balakatne duk sahayane inin talep si iye peggeꞌ iye Anak Tuhan dambuwaꞌ-buwaꞌin.

Kēmon-kēmonin pinapanjari weꞌ Lapalin amban pangandaꞌakan Tuhanin. Gaꞌ niyaꞌ pinapanjari bisan ine tuꞌu dem alam inin bang dumaꞌin amban Lapalin. Lapalin asal poꞌon umulin duk umul inin mangurung dantaꞌ si pikilan manusiyaꞌin.

Pagsasumuhin, kite Yahiya si Isa pī patudju si iye. Pagkitene si Isa, paꞌin Yahiya si meꞌ aꞌa malaꞌihin, “Iye ne hep inin dalil gantiꞌ bili-bili pangurung Tuhanin pagkuluban para si manusiyaꞌ. Iye inin mamuwasan duse manusiyaꞌin kēmon.

Saguwaꞌ bisan ne Lapalin tuꞌu si dunya duk pinapanjari hep weꞌ ne dunyahin, gaꞌ du Lapalin takilale weꞌ meꞌ aꞌa si dunyahin. Pitu iye si lahatne, saguwaꞌ gaꞌ iye tinayimaꞌ weꞌ bangsanen.

Dantaꞌ mabennal inin, hātinen Lapalin, tiyaꞌ ne pitu si dunya ngurung dantaꞌ si pikilan manusiyaꞌin kēmon.

Saraꞌ Tuhanin pinasampay si manusiyaꞌ weꞌ si Musa, saguwaꞌ lasa Tuhanin duk bennalin pinangurung si manusiyaꞌ weꞌ Isa Almasi, iye inēnan Lapal Tuhanin.