Populære bibelvers fra Hinangan 11

Del

Pagkasuwaꞌne iye, binoꞌo iye weꞌ ne balik hap Antiyok. Niyaꞌ siye dan tahun laꞌi duwangan patennaꞌ si meꞌ masandel pu si Isa si Antiyokin duk magusihat siye si meꞌ aꞌa banes teꞌed. Laꞌi hep si Antiyok miyaꞌan tagnaꞌ inēnan meꞌ tindeg si Isahin, meꞌ aꞌa Almasi.

Pagtekka Barnabas laꞌi, takitene meꞌ hininang Tuhan si meꞌ aꞌahin sabab lasane duk aseꞌne si siyehin. Hangkan kēgan iye duk tinoloꞌan siye weꞌ ne weꞌ subey siye pateteg pu si Isa, Panuhutanin, ateyden dambūs-būs. Si Barnabas inin, aꞌa hāp addatnen. Pagbayaꞌan iye weꞌ Niyawa Sutsihin duk basag teꞌed sandelnen. Ekka aꞌa si Antiyok taboꞌo weꞌ ne sandel pu si Isa, Panuhutanin.

Na,” paꞌin si Petros, “asal pastiꞌ ne weꞌ pinangurung isab weꞌ Tuhanin si meꞌ aꞌa dumaꞌin Yahudi Niyawanen, lasa-lasahan pinangurungne si kite bi meꞌ Yahudihin, pagsandel ne kite bi pu Isa Almasi, Panuhutanin. Hangkan gaꞌi tasaggaꞌku Tuhanin.” Pagkale meꞌ Yahudihin inin, gaꞌ ne niyaꞌ bissāde. Bisan miyaꞌan pinudji weꞌ de Tuhanin. Paꞌinde, “Bang sa īꞌ, pinapikilan du isab weꞌ Tuhanin meꞌ kabangsahan dumaꞌin Yahudihin supaya pinda pagateyden duk taga umul siye salama-lama.”