Populære bibelvers fra Yuh 14

Del

« Zɗaku ya ta zlaghunaŋta yu. Zɗakwa ɗa ya ta vlaghunata yu. Vla a yu ŋa ghuni manda ya ta vlə mnduha ma ghəŋa haɗik wa. Yaha ŋuɗufa ghuni da tɗu, yaha kuni da zləŋ.

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Ka *Yesu nda duhwalha ni kay guli mantsa: « Yaha ŋuɗufa ghuni da tɗu, fafwa fa ta ghəŋa ghuni ta Lazglafta faf kuni guli ta ghəŋa ghuni ta iʼi.

Tsa mnda kata mndu dzaʼa saha ya, Sulkum nda ghuɓa ya dzaʼa ghunagata Da nda hga ɗa. Tsatsi dzaʼa taghaghunaftá inda skwi, ŋa havaghunaktá inda gwaɗa managhuna yu.

« Ka ŋana ŋa mndu ta zlahuha ɗa ka snata, tsaya mndu ta ɗvutá iʼi. Dzaʼa ɗvu ɗva Da ɗa ta tsa mndu ta ɗvutá iʼi ya. Iʼi guli dzaʼa ɗvu ɗva yu ŋa maranaŋta ɗa ta nzakwa ɗa, » kaʼa.

Iʼi, dzaʼa ɗaway yu da Da ta sana mndu ŋa ghunəgaghunatani ŋa nzata ni ŋa ɗekɗek kawadaga nda kaghuni ŋa kata kaghuni. Tsa mndu ya ná, Sulkuma kligiŋtá kahwathwata ya. Laviŋ a mndu ma ghəŋa haɗik ta tsuʼafta wa. Laviŋ a həŋ ta snaŋta guli wa. Kaghuni nda sna kaghuni, kabga ta gɗata kawadaga nda kaghuni, dzaʼa gɗava gɗa ŋa ɗekɗek ma ŋuɗufa ghuni.

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ. Ka ɗawaŋ ɗawa kuni ta sana skwi nda hga ɗa, dzaʼa magay yu, » kaʼa.

« Ka ɗvu ɗva kuni ta iʼi, dzaʼa sna sna kuni ta zlahuha ɗa.

Nda ndəgha vla nzaku ma həga ga Da ɗa, ka má haɗ tsi mantsa wu, má mnaghuna mna yu. Dzaʼa nda sliʼa yu da payaghunatá vli.

Tahula laghwa ɗa ka payaghunatá vli, dzaʼa vraga vra yu, ŋa hlay ɗa ta kaghuni ta vata iʼi. Ŋa mutsafta kaghuni guli ta nzaku ma vli dzaʼa nzata iʼi, kaʼa.

Ka Tuma mantsa: « Mghama ɗa, sna a ŋni ta vli ta dzaʼa ka wu, waká aŋni dzaʼa snaŋtá tvi? » kaʼa nda tsi.