Populære bibelvers fra Zlr 9

Del

Ka Lazglafta ta ghəŋa tsa mantsa: « Wana yu ta magaftá ŋizla dzratá wa ɗa nda kaghuni, nda ya nda inda skwi nda hafu mida kawadaga nda kaghuni ha zivira zivir. Tsa ŋizla ya, dakwambuhwali ya fam yu ma ghwayak ŋa mara dzratá wa ɗa mataba ɗa nda haɗik.

Ma ghwayak dzaʼa zlagapta tsa dakwambuhwali ya ŋa nghay ɗa, ŋa havakta ɗa ta dzratá wi dzraf iʼi Lazglafta nda inda mndəra skwiha nda hafu mida ta haɗik. Tsa dzratá wi ya, ŋa ɗekɗek nzakwa ni. »

Ka pghiŋ pgha mndu ta usa mndu katsi, mndu dzaʼa pghiŋtá usa tsa mndu ya guli, kabga magaf maga Lazglafta ta mndu ŋa gara vgha nda tsatsi.

Tahula tsa tama, ka tfanavatá Lazglafta ta wi ta Nuhu nda zwana ni, kaʼa mantsa: « Yawa ya ta yaku, ka nuta kuni tusak, ka ndəghanafta kuni ta haɗik.

Ta vlaghuna vla yu ndana ta inda skwiha nda hafu mida ta gigiɗa vgha ŋa zay ghuni, manda ya vlaghuna yu ta kuzuŋ ya.

Katakata dzaʼa zləŋa inda rini nda nimtak, nda inda ɗyakha nda zarakha ta ndaraku ta luwa, nda inda skwiha ta mbaɗa nda huɗi ta haɗik, nda inda klipiha ma drəf tani ta kaghuni. Vlaghuna vla yu ŋa gay ghuni ta mgham ta ghəŋa taŋ.

Kaghuni, yawa ya ta yaku, ka nuta kuni tusak, ka ndəghanafta kuni ta haɗik, ka yafta kuni katakata tida, » kaʼa.