Populære bibelvers fra MARKA 13

Del

zai a ji ziegene ’nteumena ne ningnui je ngaugailak ku lei, kane hetûn riâ liechanglube kau â ring gu lei.

’Ntîng le lau, kuâ’mmi lau; chipau nehî wangrabe ting ze ningnui chî mak daseu.

Zai ningnui je penui ne nîm lu samrambeki ge kai dezai ningnui ’ndaikau sa ra mei be, ’nninghereu’ntua se lau; kane chipau nehî ge ningnui je peigai-gaibe luigum ze ningnui sa lau, chize â ningnui ne sarabe mak se, kane Herui Ka’nchibe ne sa ra daseu.

Ting benai kedei â ga gu, kane a sam ramme â ga ra mak lei.

“Kane chipau tingnaimikpui benai panehî â mî de chî me lei, tinggîm ge angelme ’nsangdu chî me lei, zai pe Na du chî me lei, kane Bepeu runne chi lei.

Kahereibe benai herei rasam ramme ningnui seu dezai helung keheu ze bam se lau; aize â wangchang sing gu de lei, kane hetûn â mak kerei lei.

Chidaze kuâ’mmi lau—heki’mpaupeu hegî ge mei, muisum ge mei, nune ’nruikuabe hî ge mei nune hechua ge mei, ’ndaitewbe hî ge wang gu mei be ningnui chî mak daseu — makchai â, luakatne pa wang ze ningnui jeilaleube ngau gu de lei. Zai I ne ningnui dage sabe ze ’nteumena dage salia lau: Rak ze piekua bam lau,” ze acheu zeu.

Heramzat kat ne kêdabe heramzat je ’nggi gu, zai heguangram kat ne kêdabe heguangram je ’nggi gu lei; pebâm gechâm-châmbe ge kedei-kaketeibe ramme, zai herakûm ramme wang gu lei; kane aize â hereurabe hang putchube runne gerei lei.

Zai heramzatme leine dage sam keyibe pau gai raî himchang gu lei.

Misonggame ne a ji gene ‘I ze pa de lei!’ acheu ze wang gu lei, zai penui ne misonggame je ngualietat ku lei.

“Kane ningnui runne ’ntîngchi ze bam lau; samrambe bâm ramme ge ningnui je penui ne peipat kai gu daseu; zai ka’nduibeki ramme ge ningnui je lakgetie gu lei; zai a ziegene laksaibe ramme benai heguangme suage ningnui sap ku lei, penui suage ningnui sakkitewrabe hangge zeu.

Krista karasa kau ramme benai kemeume karasa kau ramme pat ze ka’nchetbe ramme benai mi ningdaulakbe zat ramme teilia gu lei, changdui zaine â kelânglume je ngualietat ra hangge zeu.

“Kane chi kahereube châng, chipau ting dezai naimik muî du lei, zai hekêu ne pa’mbi pei ra mak lei, zai hegi ramme tinggîm ’mbene ’ngngaîkeu gu lei, zai tingkehube ge tâtewchibe rezie bambe ramme gechuî’ngngai gai bu lei.