Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">E Iesu e kato haniga poutsi a katuun a matekata</div><div class="r">(Mak 2:1-12, Luk 5:17-26)</div><div class="p"> 1Be Iesu e osana tara tolaala, me kopis sila poutsuna i hapalana a ramun a perperere mena tukuna tara taun hamatsk&#246; i tanen. 2Ba u katuun e s&#246;ata menarimei a katuun a matekata i tanen, e op&#246;ma tara p&#246;ap&#246;a. A p&#246;ata te tareia e Iesu u nihamana i taren, ba nonei e poeiena tara katuun a matekata, &#8220;A tsi pien, a torim&#246;l&#246; e tatei tagolala poutsuna. A man markato a man omi i tam&#246;l&#246; e luba hakapa nalila.&#8221; 3Ba palair u tson hihatuts tara Lo e hakats tunur me poeier, &#8220;A katuun teka e katsin gulena a nitsunono tere Sunahan.&#8221;</div><div class="p"> 4Kaba e Iesu e atei sil hakapi u hakhakats i taren me poeiena, &#8220;Taraha tsiponi ba limiou te ka memiou u hakats homi i torimilimiou? 5Alimiou ema hanigami te poei mena gulei lia, &#8216;A markato a omi i tam&#246;l&#246; e luba nalila?&#8217; Tsi alia go pei aha? &#8216;Al&#246; go takei bate lam?&#8217; 6Alia e har&#246;to ragi limiou u mirakol teka, alia tu butun Katunuma e ka has megu a nitagala i puta teka tego luba menai lia a man markato a man omi.&#8221; Be Iesu e poeiena tara katuun a matekata, &#8220;Al&#246; go takei bate s&#246;atem a p&#246;ap&#246;a i tam&#246;l&#246; ba l&#246; te lam i han.&#8221;</div><div class="p"> 7Ba nonei e takeina me lauana i han i tanen. 8P&#246;ata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e t&#246;an soloseier e Sunahan.</div><div class="s">E Iesu e ng&#246;i e Matiu</div><div class="r">(Mak 2:13-17, Luk 5:27-32)</div><div class="p"> 9A p&#246;ata te tataalaia e Iesu ba nonei e tareiena a t&#246;a katuun a solonen e Matiu bate gumna tara luman lulu takis. Be Iesu e poeiena i tanen, &#8220;Al&#246; go kukutie mou lia.&#8221; Ba nonei e takeina me kukutienen. 10Be Iesu ena nou gono meraiena u katuun u parpara koru ti ron lului a takis na palair u katuun has i luma tere Matiu. Ba nori e gum gono mer e Iesu na u katunun tsitsilo i tanen me nou gono meraren. 11Ba p&#246;ata ti tareia u Parasi a ka teka ba nori e poeier turu katunun tsitsilo tere Iesu, &#8220;E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?&#8221; 12Kaba e Iesu e hengoe a ka teka me poeiena i taren, &#8220;U katuun te moar ta siki ema tatei la uari tere dokta. E m&#246;a. U katuun lasi te ka mer a siki te tatei la uar tere dokta. 13Alimiou gona lue mia ta niatei temar mouna uana u raranga teka turu Buku u G&#246;agono: &#8216;Alia ema ngilegi u haats tuun. Alia e ngilegu u katuun egi taatagin a taina katuun.&#8217; Alia uma la silemei tegomi ng&#246; merai u katuun u niga. Alia u la silema tegomi ng&#246; merai u katuun u omi.&#8221;</div><div class="s">A markato te agono menari a kannou</div><div class="r">(Mak 2:18-22, Luk 5:33-39)</div><div class="p"> 14Tara p&#246;ata teka ba u katunun tsitsilo tere Jon a Tsonun Baptais e la uarima tere Iesu memi poeier, &#8220;Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tam&#246;l&#246; tema agonori?&#8221; 15Ba e Iesu e ranga palis ranen me poeiena, &#8220;U katuun te karia tara hahit&#246;l, e tatei taatagi hasir tara p&#246;ata te kagono merien a tson te hit&#246;luna? Kaba e kamena a man lan e la nama romana ba tson te hit&#246;luna te luba rarien. Ba nori te t&#246;an agonor romana.&#8221;</div><div class="p"> 16Be Iesu e poeiena, &#8220;A katuun ema tatei hasamapenei a makumun labalaba a tsi tsimus tara tabutu turu labalaba u toutounei. Te markato uanen teka ba p&#246;ata te galuse rien ba makumun labalaba a tsimus te roropitsina bate takis ba nena a makumun labalaba a toutounei, ba tabutu te pan koru len talanou. 17Na tegi osuleia uain u tsimus tara pikpik&#246;na meme a toutounei. Ba pikpik&#246;na meme te takalana ba uain te tatsuna ba pikpik&#246;na meme te omi hasina. Kaba te osule mial&#246; a uain a tsimus tara kaan osul a tsimus, ba huol te ka haniga habotor.&#8221; </div><div class="s">A pien tahol tara tson pepeito na tahol te hasebeleia turu hasob&#246; tere Iesu</div><div class="r">(Mak 5:21-43, Luk 8:40-56)</div><div class="p"> 18P&#246;ata te ranga noa naien a manka teka, ba t&#246;a tson pepeito turu Jiu e tasu nama me hatukunna i matanen me poeiena, &#8220;A pien tahol i tar e mate lala eni tuun. Kaba l&#246; gona hatakopeia a limam&#246;l&#246; i tanen ba nonei te t&#246;at&#246;a poutsuna.&#8221; 19Be Iesu e takeina me la gono menen na u katunun tsitsilo has i tanen.</div><div class="p"> 20Ba t&#246;a tahol te posa nit&#246;an u rahatsing turu t&#246;a u maloto na u huol u hiningal e la silanama i murina e Iesu me sebelena a runguna u hasob&#246; i tanen. 21A tahol e mar ranga uu teka turu hakats i tanen pouts, &#8220;Te sebele tuun goua lia turu hasob&#246; tere Iesu balia te niga pouts gou.&#8221; 22Be Iesu e habiritsina me tara uana i tanen me poeiena, &#8220;E nigana, u nihamana i tam&#246;l&#246; e kato haniga poutse lalou l&#246;.&#8221; Ba nonei tara tsi p&#246;ata puku has teka ba tahol e niga poutsuna.</div><div class="p"> 23A p&#246;ata te tasuia e Iesu i luma tara tson pepeito me hengoena ti tabe uu katuun bate getar. 24Ba nonei e poeiena, &#8220;Laiam. A pien tahol ema mate nei. Nonei e soho tununa.&#8221; P&#246;ata ti hengoeien temar ranga uu e Iesu teka, ba nori e golgol sileren. 25Kaba p&#246;ata ti halakasa merai u katuun ielesala, be Iesu e tasuna me luena a limana pien tahol, ba pien tahol e takeina be niga poutsuna. 26Ba u bulungana tara ka teka e tasata uana tara mamana han.</div><div class="s">E Iesu e kato haniga poutsi a huol a katuun a matakiou</div><div class="p"> 27A p&#246;ata te la ba naia e Iesu a han teka, ba huol a katuun a matakiou e kukutie ren me ku hapanir me poeier, &#8220;A Hatutubunei tere Devit al&#246; go taatagi ramou lam!&#8221; 28Be Iesu e tasuna tara luma ba u matakiou e la uarima i tanen ba nonei e poeiena i taren, &#8220;Alimiou e hamanemiou, alia e antunan kato negu a ka te ngile milimiou?&#8221; Ba nori e poeier i tanen, &#8220;Aa, O Tsunono.&#8221;</div><div class="p"> 29Ba nonei e sebeleiena a mataren me poeiena, &#8220;E tatei mar butu uana turu nihamana i tamilimiou.&#8221; 30Ba man mata i taren e takalatana! Be Iesu e ranga hatagala mera nen me poeiena, &#8220;E m&#246;a tegona hatei mena milimiou ta katuun a ka teka!&#8221; 31Kaba nori i lala mena habulungana laner e Iesu tara mamana a man han hoboto.</div><div class="s">E Iesu e kato haniga poutsi a katuun a biru</div><div class="p"> 32A p&#246;ata ti lalen, ba u katuun emi piou ner a t&#246;a katuun a biru te kamei a liliahanei, tere Iesu. 33Be Iesu e tsuga ba nena a liliahanei a omi ba katuun e t&#246;an ranga poutsuna. Ba u katuun e asingoto korur me poeier, &#8220;E m&#246;a koru ta t&#246;a ta marka teka tego butu noa buia i Israel!&#8221; 34Kaba u Parasi i ranga me poeier, &#8220;A tsunono turu liliahanei te haleien a nitagala tego tsuga ba meraien u liliahanei u omi!&#8221;</div><div class="s">E Iesu e taatagir u katuun</div><div class="p"> 35E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki. 36P&#246;ata te tara raien u katuun u parpara ti gonogono, ba nonei te taatagi koru ranen, taraha nori i kaan tutu here rai u sipsip te m&#246;a ta katunun taratarakap i taren. 37Be Iesu e poeiena turu katunun tsitsilo i tanen, &#8220;A kannou a parpara koru te tangohona, kaba e m&#246;a ta katunun kui ta parpara tega hagaleien. 38Nonei tego singo beiam limiou tara katuun te hatamana nena a kui, bate halane nama ta katunun kui tega gono beien a kannou.&#8221;</div>
 </div>
 </div>
</div>

Be Iesu e osana tara tolaala, me kopis sila poutsuna i hapalana a ramun a perperere mena tukuna tara taun hamatskö i tanen. Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.” Ba palair u tson hihatuts tara Lo e hakats tunur me poeier, “A katuun teka e katsin gulena a nitsunono tere Sunahan.”
Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou? Alimiou ema hanigami te poei mena gulei lia, ‘A markato a omi i tamölö e luba nalila?’ Tsi alia go pei aha? ‘Alö go takei bate lam?’ Alia e haröto ragi limiou u mirakol teka, alia tu butun Katunuma e ka has megu a nitagala i puta teka tego luba menai lia a man markato a man omi.” Be Iesu e poeiena tara katuun a matekata, “Alö go takei bate söatem a pöapöa i tamölö ba lö te lam i han.”
Ba nonei e takeina me lauana i han i tanen. Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.


A pöata te tataalaia e Iesu ba nonei e tareiena a töa katuun a solonen e Matiu bate gumna tara luman lulu takis. Be Iesu e poeiena i tanen, “Alö go kukutie mou lia.” Ba nonei e takeina me kukutienen. Be Iesu ena nou gono meraiena u katuun u parpara koru ti ron lului a takis na palair u katuun has i luma tere Matiu. Ba nori e gum gono mer e Iesu na u katunun tsitsilo i tanen me nou gono meraren. Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?” Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta. Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”


Tara pöata teka ba u katunun tsitsilo tere Jon a Tsonun Baptais e la uarima tere Iesu memi poeier, “Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tamölö tema agonori?” Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”
Be Iesu e poeiena, “A katuun ema tatei hasamapenei a makumun labalaba a tsi tsimus tara tabutu turu labalaba u toutounei. Te markato uanen teka ba pöata te galuse rien ba makumun labalaba a tsimus te roropitsina bate takis ba nena a makumun labalaba a toutounei, ba tabutu te pan koru len talanou. Na tegi osuleia uain u tsimus tara pikpiköna meme a toutounei. Ba pikpiköna meme te takalana ba uain te tatsuna ba pikpiköna meme te omi hasina. Kaba te osule mialö a uain a tsimus tara kaan osul a tsimus, ba huol te ka haniga habotor.”


Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.” Be Iesu e takeina me la gono menen na u katunun tsitsilo has i tanen.
Ba töa tahol te posa nitöan u rahatsing turu töa u maloto na u huol u hiningal e la silanama i murina e Iesu me sebelena a runguna u hasobö i tanen. A tahol e mar ranga uu teka turu hakats i tanen pouts, “Te sebele tuun goua lia turu hasobö tere Iesu balia te niga pouts gou.” Be Iesu e habiritsina me tara uana i tanen me poeiena, “E nigana, u nihamana i tamölö e kato haniga poutse lalou lö.” Ba nonei tara tsi pöata puku has teka ba tahol e niga poutsuna.
A pöata te tasuia e Iesu i luma tara tson pepeito me hengoena ti tabe uu katuun bate getar. Ba nonei e poeiena, “Laiam. A pien tahol ema mate nei. Nonei e soho tununa.” Pöata ti hengoeien temar ranga uu e Iesu teka, ba nori e golgol sileren. Kaba pöata ti halakasa merai u katuun ielesala, be Iesu e tasuna me luena a limana pien tahol, ba pien tahol e takeina be niga poutsuna. Ba u bulungana tara ka teka e tasata uana tara mamana han.

A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!” Be Iesu e tasuna tara luma ba u matakiou e la uarima i tanen ba nonei e poeiena i taren, “Alimiou e hamanemiou, alia e antunan kato negu a ka te ngile milimiou?” Ba nori e poeier i tanen, “Aa, O Tsunono.”
Ba nonei e sebeleiena a mataren me poeiena, “E tatei mar butu uana turu nihamana i tamilimiou.” Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!” Kaba nori i lala mena habulungana laner e Iesu tara mamana a man han hoboto.

A pöata ti lalen, ba u katuun emi piou ner a töa katuun a biru te kamei a liliahanei, tere Iesu. Be Iesu e tsuga ba nena a liliahanei a omi ba katuun e töan ranga poutsuna. Ba u katuun e asingoto korur me poeier, “E möa koru ta töa ta marka teka tego butu noa buia i Israel!” Kaba u Parasi i ranga me poeier, “A tsunono turu liliahanei te haleien a nitagala tego tsuga ba meraien u liliahanei u omi!”

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki. Pöata te tara raien u katuun u parpara ti gonogono, ba nonei te taatagi koru ranen, taraha nori i kaan tutu here rai u sipsip te möa ta katunun taratarakap i taren. Be Iesu e poeiena turu katunun tsitsilo i tanen, “A kannou a parpara koru te tangohona, kaba e möa ta katunun kui ta parpara tega hagaleien. Nonei tego singo beiam limiou tara katuun te hatamana nena a kui, bate halane nama ta katunun kui tega gono beien a kannou.”

Lyt til Matiu 9