If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch31" data-usfm="GEN.31">
 <div class="label">31</div><div class="s">Yaxuba yi siga Kanan yamanani</div><div class="p"> 1Na waxatini Yaxuba bata yi Laban ma diine xuiin m&#603; e yi naxan falama, e naxa, &#8220;Seen naxan birin findixi en baba gbeen na, Yaxuba bata e birin tongo. Na nan a toxi a bata findi nafulu kanna ra.&#8221; 2Yaxuba yatin yi a kolon, a a marafanna mi fa Laban yi s&#596;n&#596;n alo a f&#596;l&#596;ni.</div><div class="p"> 3Alatala yi a fala Yaxuba xa, a naxa, &#8220;X&#603;t&#603; i baba nun i bari bodene b&#596;x&#596;ni i kelixi d&#603;naxan yi. N luma n&#603;n i x&#596;n.&#8221; 4Yaxuba yi Rakeli nun Leya xili. E yi a xuruseene rabama. 5A yi a fala e xa, a naxa, &#8220;N bata a kolon n ma marafanna mi fa &#603; baba yi s&#596;n&#596;n alo a f&#596;l&#596;ni, koni n babaa Ala bata lu n x&#596;n. 6&#400; a kolon yati, n bata wali &#603; baba xa n fangan birin na. 7A bata n mayenden a n saranna max&#603;t&#603; san&#626;a yi fu, koni Ala mi tin a fe &#626;axin liga n na. 8Xa &#603; baba fa a fala, a naxa, &#8216;F&#596;r&#603; f&#596;r&#603;ne xuruseen naxanye ma, ne nan findima i gbeen na,&#8217; xuruseene birin yi diin xalima n&#603;n f&#596;r&#603; f&#596;r&#603;ne naxanye ma. Xa &#603; baba fa a fala, a naxa, &#8216;Ma&#626;ingin xuruseen naxanye ma, ne nan findima i gbeen na,&#8217; xuruseene birin yi dii ma&#626;ingixin nan xalima. 9Ala bata &#603; babaa xuruseene ba a yii, a yi e fi n tan ma.&#8221;</div><div class="p"> 10&#8220;Xuruseene yi tema e bode ra waxatin naxan yi, n bata a to xiyeni, xuruse x&#603;m&#603;n naxanye texi xuruse gil&#603;ne ra, ne ma&#626;ingixi, e maf&#596;r&#596; f&#596;r&#596;xi e nun e makatun katunxi. 11N ma xiyeni, Ala a malekan yi n xili, a naxa, &#8216;Yaxuba.&#8217; N yi a ratin, n naxa, &#8216;N tan ni i ra.&#8217; 12A yi a fala, a naxa, &#8216;I xunna rakeli, a mato. Xuruse x&#603;m&#603;n naxanye birin texi xuruse gil&#603;ne ra, ne ma&#626;ingixi, e maf&#596;r&#596; f&#596;r&#596;xi e nun e makatun katunxi, bayo Laban naxan birin ligaxi i ra, n na toxi. 13N tan nan Ala ra naxan fa i ma Bet&#603;li yi, i g&#603;m&#603;n tixi taxamasenna ra d&#603;naxan yi i layirin tongoxi n xa d&#603;naxan yi. Iki, keli b&#596;x&#596;ni ito ma. I siga na b&#596;x&#596;ni i barixi d&#603;naxan yi.&#8217; &#8221;</div><div class="p"> 14Rakeli nun Leya yi Yaxuba yabi, e naxa, &#8220;Nxu baba mi k&#603;&#603; yo luxi nxu tan xa! 15X&#596;&#626;&#603;n xa mi nxu ra nxu baba konni? A bata nxu mati, a m&#596;n bata nx&#596; gbetin fan don. 16Ala h&#603;risig&#603;n naxan birin baxi nxu baba yii, a x&#603;t&#603;ma n&#603;n nxu ma e nun nx&#596; diine. Iki Ala feen naxan birin falaxi i xa, na birin liga.&#8221;</div><div class="p"> 17Yaxuba yi a &#626;axanle nun a diine rate &#626;&#596;g&#596;m&#603;ne fari. 18A xuruseen nun h&#603;risig&#603;n naxan birin s&#596;t&#596; Padan-Arami yi, a yi keli, a yi e birin xali a baba Isiyaga konni Kanan b&#596;x&#596;ni. 19Laban yi a xuruseene xabene maxabama e ma waxatin naxan yi, Rakeli yi a babaa suxurene mu&#626;a.</div><div class="p"> 20Yaxuba yi Arami kaan Laban mayenden. A siga a mi sese fala a xa. 21A yi a gi, e nun seen naxan birin findi a gbeen na. A yi Efirati baani gidi. Na xanbi ra, a yi siga Galadi geyaan mabinni.</div><div class="p"> 22A xii saxande l&#596;x&#596;ni, muxuna nde yi a fala Laban xa fa fala Yaxuba bata a gi. 23Laban yi a ngaxakedenne tongo, e yi mini Yaxuba fendeni xii solofere bun ma. E yi e li Galadi geyane binna ra. 24Koni k&#596;&#603;&#603;n na, Ala yi a y&#603;t&#603; yita Arami kaan Laban na xiyeni. A yi a fala a xa, a naxa, &#8220;I y&#603;t&#603; ratanga feen sifan birin fala feen na Yaxuba ma.&#8221;</div><div class="p"> 25Laban yi Yaxuba li. A bubun tixi geyaan fari. Laban nun a ngaxakedenne fan yi e gbeen ti Galadi geyaan fari. 26Laban yi a fala Yaxuba xa, a naxa, &#8220;I nanse ligaxi ito ra? Nanfera i n mayendenxi? I bata n ma diine xali alo muxu suxine y&#603;ng&#603;ni. 27Nanfera i gixi luxunni? I bata yanfantenyaan liga n na. I mi sese falaxi n xa. Xa i yi n nakolon nun, n yi i matima n&#603;n s&#603;wa sigine yi, tanbanna nun konden xuiin na. 28Koni i mi a lu yati n xa n ma diine nun n mamandenne sunbu, n yi n &#626;ungu e ma. I bata feen liga alo xaxilitarena. 29N yi n&#596;&#603; fe kobin lig&#603; &#603; ra n&#603;n, koni i babaa Ala bata a fala n xa to k&#596;&#603;&#603;n na, a naxa, &#8216;I y&#603;t&#603; ratanga feen sifan birin fala feen na Yaxuba ma.&#8217; 30Na bata lan, i sigaxi n&#603;n bayo i yi kunfaxi siga feen na i baba konni, koni nanfera i n ma suxurene mu&#626;axi n ma?&#8221;</div><div class="p"> 31Yaxuba yi Laban yabi, a naxa, &#8220;N gaxu n&#603;n n miriyani alogo i nama i ya diine rasuxu n na. 32Koni i na i ya suxurene to n ma muxu yo yii, n na kanna faxama n&#603;n. Ngaxakedenne birin y&#603;&#603; x&#596;ri, n ma goronna birin mato. Naxan birin findixi i gbeen na, i xa a xali.&#8221; Na waxatini Yaxuba mi yi a kolon xa Rakeli a babaa suxurene tongoxi.</div><div class="p"> 33Laban yi Yaxubaa bubune kui to e nun Leya konni e nun konyi firinne konni, koni a mi sese to. A to mini Leyaa bubuni, a yi so Rakeli fan konni. 34Rakeli nan yati suxureni itoe tongoxi. A yi e luxun kirixan bun ma naxan sama &#626;&#596;g&#596;m&#603;n fari, a fa d&#596;x&#596; a fari. Laban yi bubun kui to, a mi sese to na kui. 35Rakeli yi a fala a baba xa, a naxa, &#8220;N baba i nama x&#596;l&#596; n ma xa n mi fa keli i y&#603;tagi. N kike wanla nin.&#8221; Laban fenna sifan birin ti n&#603;n, koni a mi suxurene to.</div><div class="p"> 36Yaxuba yi x&#596;l&#596;, a yi fala x&#596;l&#603;n ti Laban ma, a naxa, &#8220;N gbalon mundun ligaxi, n hak&#603;n mundun ligaxi naxan a ligama i xa mini n fendeni kiini ito yi? 37I bata n ma goronna birin kui to. I gbee seen mundun toxi e kui? A yita n na ngaxakedenne y&#603;&#603; x&#596;ri e nun i fan ngaxakedenne y&#603;&#603; x&#596;ri alogo e xa kitin sa en tagi. 38N &#626;&#603;&#603; m&#596;x&#596;&#626;&#603; nan tixi i konni, koni i ya y&#603;x&#603;&#603;n nun sii dii keden mi diin xalixi a faxa n yii. N m&#596;n mi i ya xuruse yo donxi. 39N mi faxi xuruse ra i f&#603;ma burunna subene naxan faxaxi. Naxanye yi mu&#626;ama k&#596;&#603;&#603;n nun yanyin na, ne b&#596;n&#596;n yi luma n tan nan xa bayo i yi e &#626;&#596;x&#596;n maxilima n na. 40L&#596;x&#596; yo l&#596;x&#596; kuye wolonna yi n t&#596;r&#596;ma n&#603;n yanyin na, xunbenla yi n t&#596;r&#596; k&#596;&#603;&#603;n na, n y&#603;t&#603;&#603;n mi yi n&#596;&#603; xiy&#603;. 41N bata &#626;&#603;&#603; m&#596;x&#596;&#626;&#603; ti i yii. N &#626;&#603;&#603; fu nun naanin wanla k&#603;xi n&#603;n alogo n xa i ya dii t&#603;m&#603; firinne d&#596;x&#596;. N m&#596;n yi &#626;&#603;&#603; sennin fan sa a fari i ya xuruseene kantandeni. Koni i bata n saranna max&#603;t&#603; d&#596;x&#596;&#626;a ma fu. 42Xa n ta&#626;e Iburahimaa Ala, n baba Isiyaga gaxun naxan y&#603;&#603; ra, xa na mi yi a ra nun, n yi kelima n&#603;n be n yii genla. Koni Ala bata n ma marayarabin to, e nun n yi wali x&#596;d&#603;x&#603;n naxanye ligama, k&#596;&#603; danguxini ito yi, a bata n ma kitin sa.&#8221;</div><div class="p"> 43Laban yi Yaxuba yabi, a naxa, &#8220;I ya &#626;axanle, n ma diine nan ne ra. E diine, n gbeen nan ne ra. Xuruseni itoe n gbeen nan e ra, n naxan birin toma ito ra, n tan nan gbee e ra. Koni to xanbi ra, n n&#596;&#603; nanse lig&#603; n ma diine nun n mamandenne xa? 44Iki, en xa layiri tongo. Sereyaan xa lu en tagi.&#8221; 45Yaxuba yi g&#603;m&#603;n tongo, a yi a ti taxamasenna ra.</div><div class="p"> 46Na xanbi ra, Yaxuba yi a fala a ngaxakedenne xa, a e xa g&#603;m&#603;ne matongo. E yi e matongo, e e malan yire kedenni. E yi e d&#603;ge na g&#603;m&#603; malanxine fari. 47Laban yi na m&#603;nna xili sa Yegara-Sahaduta. Yaxuba yi m&#603;n xili sa Galadi.#31.47 Yegara Sahaduta nun Galadi bunna n&#603;&#603;n fa fala &#8220;Sere Se Malanxine.&#8221; 48Laban yi a fala, a naxa, &#8220;G&#603;m&#603; malanxini itoe findixi seren nan na i tan nun n tan tagi.&#8221; Na nan a toxi m&#603;nna xili saxi Galadi. 49M&#603;n m&#596;n xili n&#603;n &#8220;Misipa.&#8221;#31.49 Misipa bunna n&#603;n fa fala &#8220;Gbengbena.&#8221; Laban m&#596;n yi a fala, a naxa, &#8220;Alatala xa a yengi d&#596;x&#596; en tan firinna a fe x&#596;n ma, hali en fata xanbini. 50Xa i n ma diine t&#596;r&#596;, xa na mi a ra i &#626;axalan gb&#603;t&#603; d&#596;x&#596;, i lanma i xa xaxinla s&#596;t&#596;, bayo muxun xa mi en tagi seren na. Ala nan yati en firinna seren na.&#8221;</div><div class="p"> 51Na xanbi ra, Laban yi a fala Yaxuba xa, a naxa, &#8220;I y&#603;&#603;n ti g&#603;m&#603; malanxini itoe ra. Taxamaseri g&#603;m&#603;ni ito mato n naxan tixi en tagi. 52G&#603;m&#603; malanxini itoe nun taxamaseri g&#603;m&#603;ni ito findixi serene nan na. N mi lan n xa dangu be ra i ya fe &#626;axina n kui. I fan mi lan i xa dangu g&#603;m&#603; malanxini itoe nun taxamaseri g&#603;m&#603;ni ito ra n ma fe &#626;axina i kui. 53Iburahimaa Ala nun Nahori a Ala xa findi en tan firinna makitimaan na.&#8221; Na waxatini Yaxuba yi a k&#596;l&#596; Ala yi a baba Isiyaga gaxun naxan y&#603;&#603; ra. 54Yaxuba yi saraxan ba geyaan fari. A yi a ngaxakedenne birin xili, e xa sa e d&#603;ge. E to yelin e d&#603;g&#603;, e yi xi geyaan fari.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Na waxatini Yaxuba bata yi Laban ma diine xuiin mɛ e yi naxan falama, e naxa, “Seen naxan birin findixi en baba gbeen na, Yaxuba bata e birin tongo. Na nan a toxi a bata findi nafulu kanna ra.” Yaxuba yatin yi a kolon, a a marafanna mi fa Laban yi sɔnɔn alo a fɔlɔni.
Alatala yi a fala Yaxuba xa, a naxa, “Xɛtɛ i baba nun i bari bodene bɔxɔni i kelixi dɛnaxan yi. N luma nɛn i xɔn.” Yaxuba yi Rakeli nun Leya xili. E yi a xuruseene rabama. A yi a fala e xa, a naxa, “N bata a kolon n ma marafanna mi fa ɛ baba yi sɔnɔn alo a fɔlɔni, koni n babaa Ala bata lu n xɔn. Ɛ a kolon yati, n bata wali ɛ baba xa n fangan birin na. A bata n mayenden a n saranna maxɛtɛ sanɲa yi fu, koni Ala mi tin a fe ɲaxin liga n na. Xa ɛ baba fa a fala, a naxa, ‘Fɔrɛ fɔrɛne xuruseen naxanye ma, ne nan findima i gbeen na,’ xuruseene birin yi diin xalima nɛn fɔrɛ fɔrɛne naxanye ma. Xa ɛ baba fa a fala, a naxa, ‘Maɲingin xuruseen naxanye ma, ne nan findima i gbeen na,’ xuruseene birin yi dii maɲingixin nan xalima. Ala bata ɛ babaa xuruseene ba a yii, a yi e fi n tan ma.”
“Xuruseene yi tema e bode ra waxatin naxan yi, n bata a to xiyeni, xuruse xɛmɛn naxanye texi xuruse gilɛne ra, ne maɲingixi, e mafɔrɔ fɔrɔxi e nun e makatun katunxi. N ma xiyeni, Ala a malekan yi n xili, a naxa, ‘Yaxuba.’ N yi a ratin, n naxa, ‘N tan ni i ra.’ A yi a fala, a naxa, ‘I xunna rakeli, a mato. Xuruse xɛmɛn naxanye birin texi xuruse gilɛne ra, ne maɲingixi, e mafɔrɔ fɔrɔxi e nun e makatun katunxi, bayo Laban naxan birin ligaxi i ra, n na toxi. N tan nan Ala ra naxan fa i ma Betɛli yi, i gɛmɛn tixi taxamasenna ra dɛnaxan yi i layirin tongoxi n xa dɛnaxan yi. Iki, keli bɔxɔni ito ma. I siga na bɔxɔni i barixi dɛnaxan yi.’ ”
Rakeli nun Leya yi Yaxuba yabi, e naxa, “Nxu baba mi kɛɛ yo luxi nxu tan xa! Xɔɲɛn xa mi nxu ra nxu baba konni? A bata nxu mati, a mɔn bata nxɔ gbetin fan don. Ala hɛrisigɛn naxan birin baxi nxu baba yii, a xɛtɛma nɛn nxu ma e nun nxɔ diine. Iki Ala feen naxan birin falaxi i xa, na birin liga.”
Yaxuba yi a ɲaxanle nun a diine rate ɲɔgɔmɛne fari. A xuruseen nun hɛrisigɛn naxan birin sɔtɔ Padan-Arami yi, a yi keli, a yi e birin xali a baba Isiyaga konni Kanan bɔxɔni. Laban yi a xuruseene xabene maxabama e ma waxatin naxan yi, Rakeli yi a babaa suxurene muɲa.
Yaxuba yi Arami kaan Laban mayenden. A siga a mi sese fala a xa. A yi a gi, e nun seen naxan birin findi a gbeen na. A yi Efirati baani gidi. Na xanbi ra, a yi siga Galadi geyaan mabinni.
A xii saxande lɔxɔni, muxuna nde yi a fala Laban xa fa fala Yaxuba bata a gi. Laban yi a ngaxakedenne tongo, e yi mini Yaxuba fendeni xii solofere bun ma. E yi e li Galadi geyane binna ra. Koni kɔɛɛn na, Ala yi a yɛtɛ yita Arami kaan Laban na xiyeni. A yi a fala a xa, a naxa, “I yɛtɛ ratanga feen sifan birin fala feen na Yaxuba ma.”
Laban yi Yaxuba li. A bubun tixi geyaan fari. Laban nun a ngaxakedenne fan yi e gbeen ti Galadi geyaan fari. Laban yi a fala Yaxuba xa, a naxa, “I nanse ligaxi ito ra? Nanfera i n mayendenxi? I bata n ma diine xali alo muxu suxine yɛngɛni. Nanfera i gixi luxunni? I bata yanfantenyaan liga n na. I mi sese falaxi n xa. Xa i yi n nakolon nun, n yi i matima nɛn sɛwa sigine yi, tanbanna nun konden xuiin na. Koni i mi a lu yati n xa n ma diine nun n mamandenne sunbu, n yi n ɲungu e ma. I bata feen liga alo xaxilitarena. N yi nɔɛ fe kobin ligɛ ɛ ra nɛn, koni i babaa Ala bata a fala n xa to kɔɛɛn na, a naxa, ‘I yɛtɛ ratanga feen sifan birin fala feen na Yaxuba ma.’ Na bata lan, i sigaxi nɛn bayo i yi kunfaxi siga feen na i baba konni, koni nanfera i n ma suxurene muɲaxi n ma?”
Yaxuba yi Laban yabi, a naxa, “N gaxu nɛn n miriyani alogo i nama i ya diine rasuxu n na. Koni i na i ya suxurene to n ma muxu yo yii, n na kanna faxama nɛn. Ngaxakedenne birin yɛɛ xɔri, n ma goronna birin mato. Naxan birin findixi i gbeen na, i xa a xali.” Na waxatini Yaxuba mi yi a kolon xa Rakeli a babaa suxurene tongoxi.
Laban yi Yaxubaa bubune kui to e nun Leya konni e nun konyi firinne konni, koni a mi sese to. A to mini Leyaa bubuni, a yi so Rakeli fan konni. Rakeli nan yati suxureni itoe tongoxi. A yi e luxun kirixan bun ma naxan sama ɲɔgɔmɛn fari, a fa dɔxɔ a fari. Laban yi bubun kui to, a mi sese to na kui. Rakeli yi a fala a baba xa, a naxa, “N baba i nama xɔlɔ n ma xa n mi fa keli i yɛtagi. N kike wanla nin.” Laban fenna sifan birin ti nɛn, koni a mi suxurene to.
Yaxuba yi xɔlɔ, a yi fala xɔlɛn ti Laban ma, a naxa, “N gbalon mundun ligaxi, n hakɛn mundun ligaxi naxan a ligama i xa mini n fendeni kiini ito yi? I bata n ma goronna birin kui to. I gbee seen mundun toxi e kui? A yita n na ngaxakedenne yɛɛ xɔri e nun i fan ngaxakedenne yɛɛ xɔri alogo e xa kitin sa en tagi. N ɲɛɛ mɔxɔɲɛ nan tixi i konni, koni i ya yɛxɛɛn nun sii dii keden mi diin xalixi a faxa n yii. N mɔn mi i ya xuruse yo donxi. N mi faxi xuruse ra i fɛma burunna subene naxan faxaxi. Naxanye yi muɲama kɔɛɛn nun yanyin na, ne bɔnɔn yi luma n tan nan xa bayo i yi e ɲɔxɔn maxilima n na. Lɔxɔ yo lɔxɔ kuye wolonna yi n tɔrɔma nɛn yanyin na, xunbenla yi n tɔrɔ kɔɛɛn na, n yɛtɛɛn mi yi nɔɛ xiyɛ. N bata ɲɛɛ mɔxɔɲɛ ti i yii. N ɲɛɛ fu nun naanin wanla kɛxi nɛn alogo n xa i ya dii tɛmɛ firinne dɔxɔ. N mɔn yi ɲɛɛ sennin fan sa a fari i ya xuruseene kantandeni. Koni i bata n saranna maxɛtɛ dɔxɔɲa ma fu. Xa n taɲe Iburahimaa Ala, n baba Isiyaga gaxun naxan yɛɛ ra, xa na mi yi a ra nun, n yi kelima nɛn be n yii genla. Koni Ala bata n ma marayarabin to, e nun n yi wali xɔdɛxɛn naxanye ligama, kɔɛ danguxini ito yi, a bata n ma kitin sa.”
Laban yi Yaxuba yabi, a naxa, “I ya ɲaxanle, n ma diine nan ne ra. E diine, n gbeen nan ne ra. Xuruseni itoe n gbeen nan e ra, n naxan birin toma ito ra, n tan nan gbee e ra. Koni to xanbi ra, n nɔɛ nanse ligɛ n ma diine nun n mamandenne xa? Iki, en xa layiri tongo. Sereyaan xa lu en tagi.” Yaxuba yi gɛmɛn tongo, a yi a ti taxamasenna ra.
Na xanbi ra, Yaxuba yi a fala a ngaxakedenne xa, a e xa gɛmɛne matongo. E yi e matongo, e e malan yire kedenni. E yi e dɛge na gɛmɛ malanxine fari. Laban yi na mɛnna xili sa Yegara-Sahaduta. Yaxuba yi mɛn xili sa Galadi. Laban yi a fala, a naxa, “Gɛmɛ malanxini itoe findixi seren nan na i tan nun n tan tagi.” Na nan a toxi mɛnna xili saxi Galadi. Mɛn mɔn xili nɛn “Misipa.” Laban mɔn yi a fala, a naxa, “Alatala xa a yengi dɔxɔ en tan firinna a fe xɔn ma, hali en fata xanbini. Xa i n ma diine tɔrɔ, xa na mi a ra i ɲaxalan gbɛtɛ dɔxɔ, i lanma i xa xaxinla sɔtɔ, bayo muxun xa mi en tagi seren na. Ala nan yati en firinna seren na.”
Na xanbi ra, Laban yi a fala Yaxuba xa, a naxa, “I yɛɛn ti gɛmɛ malanxini itoe ra. Taxamaseri gɛmɛni ito mato n naxan tixi en tagi. Gɛmɛ malanxini itoe nun taxamaseri gɛmɛni ito findixi serene nan na. N mi lan n xa dangu be ra i ya fe ɲaxina n kui. I fan mi lan i xa dangu gɛmɛ malanxini itoe nun taxamaseri gɛmɛni ito ra n ma fe ɲaxina i kui. Iburahimaa Ala nun Nahori a Ala xa findi en tan firinna makitimaan na.” Na waxatini Yaxuba yi a kɔlɔ Ala yi a baba Isiyaga gaxun naxan yɛɛ ra. Yaxuba yi saraxan ba geyaan fari. A yi a ngaxakedenne birin xili, e xa sa e dɛge. E to yelin e dɛgɛ, e yi xi geyaan fari.

Lyt til Dunuɲa Fɔlɔna 31