Text: © Mision Nuevas Tribus, 2006 Audio: ℗ 2008 Hosanna

Ese Ejja - 2006 Edition (NT)

<div class="version vid576 iso6393ese" data-vid="576" data-iso6393="ese">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Esohui ehuohui&#42892;yo echacomeejji jjadasiaquia cuajo</div><div class="p"> 1Jesosaa o shajja&#42892;ajjajji cuana jama huohuime aca cua ba&#42892;a: &#8212;Oe emeshi mese quea bejjo huiso nee aninaje. Ohuaya shajja&#42892;ajja canaje ojaya echacomeejjiya sii cani ojaya aquiana. 2Jamajjeya huohui&#42892;ajja canaje ojaya echacomeejji jama ba&#42892;a: &#8220;Pea cuaa eya huohui canaje miya siipojji cuani. &#191;A&#42892;a cuae jja miya siipojji nei so&#42892;o? &#161;Huohui po&#42892;ajja socue! Jamajjeya miya ecuea echacomeejji nei pojjeama. &#161;Yecue ma papenijo etehue&#42892;yo jaa ebajjani cuana!</div><div class="p"> 3&#8212;Majoya aje echacomeejji jjashahuabaquinaje jama ba&#42892;a: &#8220;De, chama&#42892;yo tii ca ecua echacojji cuaje&#42892;yo, ecuea emeshi meseya eya cajaa aca&#42892;yonaje, de. Eya jjeya quea aa mano echacochacojji, de. Eya ca i&#241;a eme huo sa po ajja quea bicho jjejojo. 4E&#42892;e de, jjeya nei ca i&#241;a jjashahuabaquinaje pea dejja cuanaja sosequia&#42892;yo jjimajo. Eyaya oe pojji sosejjesheje&#42892;yo. Majoya eya ecuea emeshi meseya huoojea cajo pea cuaa ba&#42892;e meesahua caje, enijje quea bihui cuaje. E&#42892;e de, eyaya tehueje o&#42892;oya ojja&#241;a echacojji cuanaja emeshi mese sosequia jjima; oe pojji aje&#42892;yo&#8221; jamaya echacomeejji jjashahuabaquinaje. 5Jamajjeya ohuaya pea dejja cuana iyaa canaje emimijji, ache huiso onajaya sosequia&#42892;yo jjima ebajji. Ohuaya jama huohui&#42892;ajjame acanaje ba&#42892;a: &#191;Ache sose huiso acuae miquea sosequia&#42892;yo jjima so&#42892;o? 6Oe dejjaa jama saja&#42892;ame acanaje ba&#42892;a: &#8220;Ecuea sosequia&#42892;yo jjima mahuiso ba&#42892;a: ecuea esei 100 natame, quea huiso nee nee eyaya jjeshenaje, de&#8221;. Majoya echacomeejji jama cuanaje ba&#42892;a: &#8220;E&#42892;e de, e&#42892;e jojo nei miquea papeni yani ecue tehue. Jjeya ca ca miquea sosequia&#42892;yo jjima nequi 50 natame, jamaya eyaya tehueje o&#42892;oya pea papenijo oe pojji esosequia&#42892;yojji&#8221;. 7Majoya ohuaya pea dejja acanaje jama ba&#42892;a: &#8220;&#191;Ache huiso acuae miquea sosequia&#42892;yo jjima so&#42892;o?&#8221; Oya jama cuanaje ba&#42892;a: &#8220;Quea huiso nee nee, 100 natame anoso ai, de&#8221;. Echacomeejji jama cuanaje ba&#42892;a: &#8220;E&#42892;e de, jjeya ca ca papenijo tehueje o&#42892;oya 80 natame esosequia&#42892;yojji&#8221; jamaya cuanaje echacomeejji dejja cuana nijje, onijje quea bei epojji.</div><div class="p"> 8&#8212;E&#42892;e de, quijje pishana emeshi meseya ojaya echacomeejji ae po ani shai ba canaje. Ba majje jama cuanaje ba&#42892;a: &#8220;E&#42892;e de, ohuaya eya dasia canaje. Jamatii oya jjashahuaba neineiqui&#42892;yonaje. Oya quea epeejji huiso nee nee po sa cuanaje o ba&#42892;e meesahuajji epojji&#8221;. Mahuisoya jiquio esohui &#8212;Jesosa cua&#8212;. 9&#161;Miquianaya ca ca jjashahuaba neineiquicue quea bame epojji pea cuana nijje! Jamajjeya miya Eyacui&#241;ajjiya ba&#42892;e meesahua caje. Majoya miquianaya mano&#42892;yajo, ohuaya dobiqui mee caje&#42892;yo eyahuasijje eba&#42892;e tiitii&#42892;yojji.</div><div class="p"> 10&#8212;Miquianaaya jjeya oe pojji aquiana jaahuana neineia&#241;a, miquianaya quea bame po majje quijje eyajo miquianaya quea huiso jaahuana neineije&#42892;yo. Miquianaya oe pojji jjadasiaquiani quijje miquianaya jjadasiaquijji nei nei cuaje. 11Miquianaya oe pojji aquiana jiquiojo jaahuana jjima a&#241;a, Eyacui&#241;ajjiya miquianaya aquiana quia jjima acaje&#42892;yo eyajo. 12E&#42892;e de, miquianaya pea cuanaja aquiana jaahuana jjima a&#241;ajo Eyacui&#241;ajjiya miquianajaya aquiana quia jjima acaje&#42892;yo eyajo &#8212;jamaya Jesosa cua.</div><div class="p"> 13&#8212;E&#42892;e de, &#161;miquianaya jja ca oe Eyacui&#241;ajjijo jjashahuaba majamajaquicue! &#161;Oe nei neijo oe jjashahuabaquicue, aquianajo pojjeama! Jamaya oe Eyacui&#241;ajji nijje jjapeequi sa cuanijo, &#161;a&#42892;a aquianajo jjashahuabaqui majamajajji! &#8212;jamaya cua Jesosa.</div><div class="p"> 14Paniseo dejja cuana ma esohui shajja&#42892;ajja majje mimijajia cua Jesosa nijje bejjo quea huiso sa cuanijo. 15Jamajjeya aje Jesosaa jama tecueame aca cua ba&#42892;a: &#8212;Miquianaya jjashahuaba taiquiani miquianaya oe dejjaya quea bame ba&#42892;yani poso cuani. Dejja cuaa ca ca oe miquianaya quea bame poso acani. Miquianaaya dejja cuana dasia&#241;a. Miquianaaya ca ca oe Eyacui&#241;ajji dasia jjima a&#241;a, ojaya miquianaya eba nei nei, de. Miquianaya jama cuani boti&#42892;ama. E&#42892;e, joya miquianaaya quea bame poso a&#241;a Eyacui&#241;ajjija boti&#42892;ama &#8212;jamaya Jesosa cua.</div><div class="s">Eyacui&#241;ajjija esohui ma ani tiitii&#42892;yome cuaje</div><div class="p"> 16&#8212;Yahuajo nei nei Eyacui&#241;ajjija esohui huohuijji cuaa huohui ca cua Moisesija etehue&#42892;yojo. Jama cua ba&#42892;a: &#8220;Quijje Eyacui&#241;ajjija huoojea&#42892;yo ojja&#241;a jaahuanajji Emeshi Mese oe nei cueje&#8221;. Jjeya nei ca ca Huaniya enajo ona besameejji cuanaje huohui canaje Eyacui&#241;ajjija pea esohui jama ba&#42892;a: &#8220;Quito ojja&#241;aja Emeshi Mese cueje jjeya nei&#8221;. Jamajjeya quea huiso nee nee dejja cuana jjapeequi sa cuani Eyacui&#241;ajji nijje. 17Jamatii Eyacui&#241;ajjija esohui e&#42892;e jojo nei cuani, quea bame cuani. Quijje ojja&#241;a meshi cuana majameta cuana chama&#42892;yo tii cuaje, de. Eyacui&#241;ajjija esohui ca ca ma ani tiitii&#42892;yome cuaje &#8212;jamaya Jesosa cua.</div><div class="s">Esohui ejjahueiquijjijo</div><div class="r">(Mateo 19.1-12; Macoso 10.1-12)</div><div class="p"> 18Jesosaa esohui jama huohuime aca cua ba&#42892;a: &#8212;Oe dejjaja ehuanase huei cuani pea ehuana&#42892;yojji jamaya pea cojjojji cuani. Oe dejja oe epona ehuei huana&#42892;yo majje pea cojjojji cuani pea&#42892;ai. Epona yahue hueijji cuani pea cojjojji pea&#42892;ai cuani. Jamajjeya dejja cuaa &#161;a&#42892;a ehuanase hueijji, eponaa pea&#42892;ai a&#42892;a miquea yahue hueijji! &#8212;jamaya Jesosa cua.</div><div class="s">Ehuohui&#42892;yo oe dejja quea aquiana huiso nee neejo Nasanojo pea&#42892;ai</div><div class="p"> 19Jesosaa pea esohui jama huohuime aca cua ba&#42892;a: &#8212;Oe dejja quea bejjo huiso nee nee cuanaje. Ojaya daqui quea bame nee; quea nahue nee nee oja jjeshe huosho caninaje. Bobi quea huiso aninaje ojaya equijo; ijjia&#42892;ijjia majamajanaje. 20Pea dejja ca aema&#42892; cuanaje Nasano bajjani. Oya chiji nei nei po&#42892;yonaje; oya quea mano cuanaje. Jamatii Nasano dejja quea bejjo huisoja esecuejjani pejjejo ani&#241;aquinequinaje. 21Jamatii ojaya chiji i&#241;ahuehuaa sio canaje. Oya jama po&#42892;ajja aninaje ba&#42892;a: &#8220;&#161;Chemo bobi quiacue joya miquea ijjia shaa ani!&#8221; jamaya Nasano po&#42892;ajja aninaje. 22Nasano Eyacui&#241;ajjija epeejji cuanaje, jamajjeya mano&#42892;yo majje Eyacui&#241;ajji ani yasijje poqui&#42892;yonaje. Nasano ani&#42892;yonaje Amajama pejjejo, Jodioja etiiquiana pejjejo. Majoya aje ma dejja quea aquiana huiso mano&#42892;yonaje pea&#42892;ai. Ohuajea canaje cuaa. 23Oya Eyacui&#241;ajjija epeejji pojjeama, jamajjeya emano&#42892;yo ojja&#241;a eshahuaja epeejji cuana poqui caquijje poquinaje cuaqui yasijje. Jomajo oya quea nee nee po&#42892;yoqui. Jomajo ohuaya Nasano, Amajama pea&#42892;ai ba canaje eyajo quea huesha nee nee. 24Oya jama taaame cuanaje ba&#42892;a: &#8220;Amajama ecuea etiiquiana, &#161;che oe ejo jjashahuabaquicue! Eya quea quiyo nee nee po&#42892;yoqui jiquiojo, de. &#161;Che jjo yana chopeshihuacue! &#161;Huoojeacue Nasano ecue yana chopeshiya eya quea naba taja nee nee acue!&#8221; jamaya ma dejja quea aquiana huiso cuaquijo nequi cuanaje Amajama nijje. Nasano ca oe poqui jjima cuanaje.</div><div class="p"> 25&#8212;Amajamaa eyajo jama huohuime acanaje ba&#42892;a: &#8220;De, miyaya pajea&#42892;yonaje pojja&#42892;a. Miya esheahua quea aquiana huiso ba&#42892;enaje meshijo. Jamatii Eyacui&#241;ajji nijje jjapeequi jjima cuanaje. Nasano ca ca aema&#42892; quea mano po&#42892;yonaje pea&#42892;ai. Oya ca ca Eyacui&#241;ajjija epeejji cuanaje. Jamajjeya Eyacui&#241;ajjiya oya quea jaji nee nequi mee ca&#42892;yani. Miya ca mi ca oe quea yeno nequi&#42892;yo, quea quiyo nequi&#42892;yo. 26Eyacui&#241;ajjiya miya cue mee jjima acani ecuana nequi yasijje ojaya epeejji pojjeama cuanajejojo. Ecuana mi que poqui mee jjima acani pea&#42892;ai&#8221; jamaya cuanaje Amajama.</div><div class="p"> 27&#8212;Ma dejjaya cuaqui dojjojo nequi jama taaame po nequinaje ba&#42892;a: &#8220;&#161;Che jjo oe ecue huapa pojjeama meshijo ba&#42892;e jjashahuabaqui meecue Eyacui&#241;ajjijo! &#161;Huoojeacue Nasano ecue chiija equi yasijje huohuiya! 28&#161;Ecue chahua me oejje huiso tiiya jjashahuabaqui meecue Eyacui&#241;ajjijo acue! Eyacui&#241;ajji nijje cajjapeequiahua cuaqui yasijje mi cueje&#42892;yo acue&#8221;.</div><div class="p"> 29&#8212;Majoya aje Amajama jama huohuime aca o&#42892;oyanaje ba&#42892;a: &#8220;Yani aje jja ca Eyacui&#241;ajjija esohui etehue&#42892;yo, Moisesiya tehue ca cua yahuajo nei nei. Pea cuaa tehue ca cua pea&#42892;ai yahuajo nei nei, de. Ma esohui oya cuaa cashajja&#42892;ajja cahua. Esohui shajja&#42892;ajja majje poqui&#42892;yo ajja cuaqui yasijje, mi jayojja epo&#42892;yojji pojjeama&#8221; jamaya cuanaje Amajama.</div><div class="p"> 30&#8212;Majoya aje ma dejja cuaquijo nequi jama cua ba&#42892;a: &#8220;Chojja de, oya cuana jjashajja&#42892;ajjaqui ajja. Ma esohui etehue&#42892;yojo jjashahuabaqui ajja. &#161;Huoojeacue oe emano&#42892;yojaa shequi o&#42892;oya esohui huohuiya! Majoya quea bame cuaje, de. Onaaya emano&#42892;yojaa shequi o&#42892;oyajo ba majje jjashahuaba neineiquije Eyacui&#241;ajjija esohuijo. Jjapeequije&#42892;yo Eyacui&#241;ajji nijje, de&#8221; cuanaje ma dejja cuaquijo nequi.</div><div class="p"> 31&#8212;Majoya aje Amajama jama cuanaje ba&#42892;a: &#8220;Chojja de, jjashajja&#42892;ajjaqui ajja Moisesija etehue&#42892;yojo, Eyacui&#241;ajjija esohuijo, jamaya ohuaya shajja&#42892;ajja jjima acaje emano&#42892;yojaa shequi o&#42892;oya ca Eyacui&#241;ajjija epeejji epojji. Chojja, eyaya oya emano&#42892;yojaa huoojea&#42892;yojji pojjeama esohui huohuiya&#8221; jamaya cuanaje Amajama eyajo nequi. E&#42892;e de, mahuiso &#8212;jamaya Jesosa cua.</div>
 </div>
 </div>
</div>

Jesosaa o shajjaꞌajjajji cuana jama huohuime aca cua baꞌa: —Oe emeshi mese quea bejjo huiso nee aninaje. Ohuaya shajjaꞌajja canaje ojaya echacomeejjiya sii cani ojaya aquiana. Jamajjeya huohuiꞌajja canaje ojaya echacomeejji jama baꞌa: “Pea cuaa eya huohui canaje miya siipojji cuani. ¿Aꞌa cuae jja miya siipojji nei soꞌo? ¡Huohui poꞌajja socue! Jamajjeya miya ecuea echacomeejji nei pojjeama. ¡Yecue ma papenijo etehueꞌyo jaa ebajjani cuana!
—Majoya aje echacomeejji jjashahuabaquinaje jama baꞌa: “De, chamaꞌyo tii ca ecua echacojji cuajeꞌyo, ecuea emeshi meseya eya cajaa acaꞌyonaje, de. Eya jjeya quea aa mano echacochacojji, de. Eya ca iña eme huo sa po ajja quea bicho jjejojo. Eꞌe de, jjeya nei ca iña jjashahuabaquinaje pea dejja cuanaja sosequiaꞌyo jjimajo. Eyaya oe pojji sosejjeshejeꞌyo. Majoya eya ecuea emeshi meseya huoojea cajo pea cuaa baꞌe meesahua caje, enijje quea bihui cuaje. Eꞌe de, eyaya tehueje oꞌoya ojjaña echacojji cuanaja emeshi mese sosequia jjima; oe pojji ajeꞌyo” jamaya echacomeejji jjashahuabaquinaje. Jamajjeya ohuaya pea dejja cuana iyaa canaje emimijji, ache huiso onajaya sosequiaꞌyo jjima ebajji. Ohuaya jama huohuiꞌajjame acanaje baꞌa: ¿Ache sose huiso acuae miquea sosequiaꞌyo jjima soꞌo? Oe dejjaa jama sajaꞌame acanaje baꞌa: “Ecuea sosequiaꞌyo jjima mahuiso baꞌa: ecuea esei 100 natame, quea huiso nee nee eyaya jjeshenaje, de”. Majoya echacomeejji jama cuanaje baꞌa: “Eꞌe de, eꞌe jojo nei miquea papeni yani ecue tehue. Jjeya ca ca miquea sosequiaꞌyo jjima nequi 50 natame, jamaya eyaya tehueje oꞌoya pea papenijo oe pojji esosequiaꞌyojji”. Majoya ohuaya pea dejja acanaje jama baꞌa: “¿Ache huiso acuae miquea sosequiaꞌyo jjima soꞌo?” Oya jama cuanaje baꞌa: “Quea huiso nee nee, 100 natame anoso ai, de”. Echacomeejji jama cuanaje baꞌa: “Eꞌe de, jjeya ca ca papenijo tehueje oꞌoya 80 natame esosequiaꞌyojji” jamaya cuanaje echacomeejji dejja cuana nijje, onijje quea bei epojji.
—Eꞌe de, quijje pishana emeshi meseya ojaya echacomeejji ae po ani shai ba canaje. Ba majje jama cuanaje baꞌa: “Eꞌe de, ohuaya eya dasia canaje. Jamatii oya jjashahuaba neineiquiꞌyonaje. Oya quea epeejji huiso nee nee po sa cuanaje o baꞌe meesahuajji epojji”. Mahuisoya jiquio esohui —Jesosa cua—. ¡Miquianaya ca ca jjashahuaba neineiquicue quea bame epojji pea cuana nijje! Jamajjeya miya Eyacuiñajjiya baꞌe meesahua caje. Majoya miquianaya manoꞌyajo, ohuaya dobiqui mee cajeꞌyo eyahuasijje ebaꞌe tiitiiꞌyojji.
—Miquianaaya jjeya oe pojji aquiana jaahuana neineiaña, miquianaya quea bame po majje quijje eyajo miquianaya quea huiso jaahuana neineijeꞌyo. Miquianaya oe pojji jjadasiaquiani quijje miquianaya jjadasiaquijji nei nei cuaje. Miquianaya oe pojji aquiana jiquiojo jaahuana jjima aña, Eyacuiñajjiya miquianaya aquiana quia jjima acajeꞌyo eyajo. Eꞌe de, miquianaya pea cuanaja aquiana jaahuana jjima añajo Eyacuiñajjiya miquianajaya aquiana quia jjima acajeꞌyo eyajo —jamaya Jesosa cua.
—Eꞌe de, ¡miquianaya jja ca oe Eyacuiñajjijo jjashahuaba majamajaquicue! ¡Oe nei neijo oe jjashahuabaquicue, aquianajo pojjeama! Jamaya oe Eyacuiñajji nijje jjapeequi sa cuanijo, ¡aꞌa aquianajo jjashahuabaqui majamajajji! —jamaya cua Jesosa.
Paniseo dejja cuana ma esohui shajjaꞌajja majje mimijajia cua Jesosa nijje bejjo quea huiso sa cuanijo. Jamajjeya aje Jesosaa jama tecueame aca cua baꞌa: —Miquianaya jjashahuaba taiquiani miquianaya oe dejjaya quea bame baꞌyani poso cuani. Dejja cuaa ca ca oe miquianaya quea bame poso acani. Miquianaaya dejja cuana dasiaña. Miquianaaya ca ca oe Eyacuiñajji dasia jjima aña, ojaya miquianaya eba nei nei, de. Miquianaya jama cuani botiꞌama. Eꞌe, joya miquianaaya quea bame poso aña Eyacuiñajjija botiꞌama —jamaya Jesosa cua.

—Yahuajo nei nei Eyacuiñajjija esohui huohuijji cuaa huohui ca cua Moisesija etehueꞌyojo. Jama cua baꞌa: “Quijje Eyacuiñajjija huoojeaꞌyo ojjaña jaahuanajji Emeshi Mese oe nei cueje”. Jjeya nei ca ca Huaniya enajo ona besameejji cuanaje huohui canaje Eyacuiñajjija pea esohui jama baꞌa: “Quito ojjañaja Emeshi Mese cueje jjeya nei”. Jamajjeya quea huiso nee nee dejja cuana jjapeequi sa cuani Eyacuiñajji nijje. Jamatii Eyacuiñajjija esohui eꞌe jojo nei cuani, quea bame cuani. Quijje ojjaña meshi cuana majameta cuana chamaꞌyo tii cuaje, de. Eyacuiñajjija esohui ca ca ma ani tiitiiꞌyome cuaje —jamaya Jesosa cua.


Jesosaa esohui jama huohuime aca cua baꞌa: —Oe dejjaja ehuanase huei cuani pea ehuanaꞌyojji jamaya pea cojjojji cuani. Oe dejja oe epona ehuei huanaꞌyo majje pea cojjojji cuani peaꞌai. Epona yahue hueijji cuani pea cojjojji peaꞌai cuani. Jamajjeya dejja cuaa ¡aꞌa ehuanase hueijji, eponaa peaꞌai aꞌa miquea yahue hueijji! —jamaya Jesosa cua.

Jesosaa pea esohui jama huohuime aca cua baꞌa: —Oe dejja quea bejjo huiso nee nee cuanaje. Ojaya daqui quea bame nee; quea nahue nee nee oja jjeshe huosho caninaje. Bobi quea huiso aninaje ojaya equijo; ijjiaꞌijjia majamajanaje. Pea dejja ca aemaꞌ cuanaje Nasano bajjani. Oya chiji nei nei poꞌyonaje; oya quea mano cuanaje. Jamatii Nasano dejja quea bejjo huisoja esecuejjani pejjejo aniñaquinequinaje. Jamatii ojaya chiji iñahuehuaa sio canaje. Oya jama poꞌajja aninaje baꞌa: “¡Chemo bobi quiacue joya miquea ijjia shaa ani!” jamaya Nasano poꞌajja aninaje. Nasano Eyacuiñajjija epeejji cuanaje, jamajjeya manoꞌyo majje Eyacuiñajji ani yasijje poquiꞌyonaje. Nasano aniꞌyonaje Amajama pejjejo, Jodioja etiiquiana pejjejo. Majoya aje ma dejja quea aquiana huiso manoꞌyonaje peaꞌai. Ohuajea canaje cuaa. Oya Eyacuiñajjija epeejji pojjeama, jamajjeya emanoꞌyo ojjaña eshahuaja epeejji cuana poqui caquijje poquinaje cuaqui yasijje. Jomajo oya quea nee nee poꞌyoqui. Jomajo ohuaya Nasano, Amajama peaꞌai ba canaje eyajo quea huesha nee nee. Oya jama taaame cuanaje baꞌa: “Amajama ecuea etiiquiana, ¡che oe ejo jjashahuabaquicue! Eya quea quiyo nee nee poꞌyoqui jiquiojo, de. ¡Che jjo yana chopeshihuacue! ¡Huoojeacue Nasano ecue yana chopeshiya eya quea naba taja nee nee acue!” jamaya ma dejja quea aquiana huiso cuaquijo nequi cuanaje Amajama nijje. Nasano ca oe poqui jjima cuanaje.
—Amajamaa eyajo jama huohuime acanaje baꞌa: “De, miyaya pajeaꞌyonaje pojjaꞌa. Miya esheahua quea aquiana huiso baꞌenaje meshijo. Jamatii Eyacuiñajji nijje jjapeequi jjima cuanaje. Nasano ca ca aemaꞌ quea mano poꞌyonaje peaꞌai. Oya ca ca Eyacuiñajjija epeejji cuanaje. Jamajjeya Eyacuiñajjiya oya quea jaji nee nequi mee caꞌyani. Miya ca mi ca oe quea yeno nequiꞌyo, quea quiyo nequiꞌyo. Eyacuiñajjiya miya cue mee jjima acani ecuana nequi yasijje ojaya epeejji pojjeama cuanajejojo. Ecuana mi que poqui mee jjima acani peaꞌai” jamaya cuanaje Amajama.
—Ma dejjaya cuaqui dojjojo nequi jama taaame po nequinaje baꞌa: “¡Che jjo oe ecue huapa pojjeama meshijo baꞌe jjashahuabaqui meecue Eyacuiñajjijo! ¡Huoojeacue Nasano ecue chiija equi yasijje huohuiya! ¡Ecue chahua me oejje huiso tiiya jjashahuabaqui meecue Eyacuiñajjijo acue! Eyacuiñajji nijje cajjapeequiahua cuaqui yasijje mi cuejeꞌyo acue”.
—Majoya aje Amajama jama huohuime aca oꞌoyanaje baꞌa: “Yani aje jja ca Eyacuiñajjija esohui etehueꞌyo, Moisesiya tehue ca cua yahuajo nei nei. Pea cuaa tehue ca cua peaꞌai yahuajo nei nei, de. Ma esohui oya cuaa cashajjaꞌajja cahua. Esohui shajjaꞌajja majje poquiꞌyo ajja cuaqui yasijje, mi jayojja epoꞌyojji pojjeama” jamaya cuanaje Amajama.
—Majoya aje ma dejja cuaquijo nequi jama cua baꞌa: “Chojja de, oya cuana jjashajjaꞌajjaqui ajja. Ma esohui etehueꞌyojo jjashahuabaqui ajja. ¡Huoojeacue oe emanoꞌyojaa shequi oꞌoya esohui huohuiya! Majoya quea bame cuaje, de. Onaaya emanoꞌyojaa shequi oꞌoyajo ba majje jjashahuaba neineiquije Eyacuiñajjija esohuijo. Jjapeequijeꞌyo Eyacuiñajji nijje, de” cuanaje ma dejja cuaquijo nequi.
—Majoya aje Amajama jama cuanaje baꞌa: “Chojja de, jjashajjaꞌajjaqui ajja Moisesija etehueꞌyojo, Eyacuiñajjija esohuijo, jamaya ohuaya shajjaꞌajja jjima acaje emanoꞌyojaa shequi oꞌoya ca Eyacuiñajjija epeejji epojji. Chojja, eyaya oya emanoꞌyojaa huoojeaꞌyojji pojjeama esohui huohuiya” jamaya cuanaje Amajama eyajo nequi. Eꞌe de, mahuiso —jamaya Jesosa cua.

Lyt til Noca 16