Tembo - 2017 WBT (NT) Non Drama

<div class="version vid3997 iso6393tbt" data-vid="3997" data-iso6393="tbt">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Yesu a&#769;lamya emubenzi-benzi</div><div class="r">(Mar 1:40-45; Luk 5:12-16)</div><div class="p"> 1Era nyuma se'bi, Yesu era kwa&#770;ndaala kwe'i ndulungu. A&#769;bere era a&#770;ndaala'ko, bandu banene busese bera kumukulikira.</div><div class="p"> 2Mwo'lu, mubenzi-benzi muuma era kumuikira. Oyu mubenzi-benzi, era kukoma emafi era muhondo sa Yesu. Era kumubura mbu: &#171;Enawetu! Akaba uho&#769;njire, u&#768;nganyilamya.&#187; 3Yesu era kunanula ekuboko na a&#769;muuma'ko. Era kumubura mbu: &#171;Nechi! Na&#769;honda ula&#769;me!&#187; Unao-unao, ola mubenzi-benzi kuna kulama. 4Chasinda, Yesu era kumuchichika mbu: &#171;Ume&#769;nyaa! U&#768;taereresaa wa&#769;bura mundu asibya kwe'i myasi! Si uya&#769;a kuchilosa era mwa kuhanyi, wa&#769;na&#770;na ne'mitulo* kwa kulosa kwa wala&#769;mire mira, kukulikana no'kwa Mwaso wa Musa atu&#769;la a&#768;techire.&#187;#8:4 Akaba emundu ala&#769;misibwe ebibenzi, oyu mundu e&#769;ndee a&#769;ya kulosa ebakuhanyi kwa ala&#769;mire mira. E&#769;ndee a&#769;ira bacha, chasiya ba&#768;mwe&#770;merere ahu&#769;be kuba ala'uma ne'banji bandu. Somaa Balawi 13:45-46; 14:1-32. </div><div class="s">Ebwemeresi bwe'mukulu-kulu we'basula be'Baroma</div><div class="r">(Luk 7:1-10)</div><div class="p"> 5Mango Yesu a&#769;baa era e&#770;ngirira mwa musi we'Kaperinaumu, kwera kuulukira mukulu-kulu muuma we'basula be'Baroma. Oyu mukulu-kulu, era kuika kwe&#769;ma Yesu mbu a&#768;muasaa. Era kumubura mbu: 6&#171;Enawetu! Emukosi wanyi a&#768;remere, na mwe'chine chihangi, kuonjira ku ana&#769;onjire mwa nyumba, bushi a&#769;libuka busese.&#187; 7Yesu era kumwa&#780;kula mbu: &#171;Nyinga&#769;ika kumulamya.&#187; 8Si oyu mukulu-kulu nai mbu: &#171;Na&#770;nga Enawetu! Nde&#769;te kwa nyi&#768;ri kwa ku&#768;ngatuma we&#770;ngirira mwa mwanyi. Rero Waliya, woyo una&#769;tetaa chinwa chiuma osha&#770;o, ne'mukosi wanyi anga&#769;lama. 9Bushi nanyi, nyi&#768;ri era bufuli sa banji bakulu-kulu. Nye&#769;te na basula ba batu&#769;la era bufuli sanyi. Ne&#769;nde na&#769;nabura muuma mbu: &#8249;E&#769;ndaa!&#8250; Nai, unao-unao a&#769;naenda. Na&#769;nabura ne'unji mbu: &#8249;Ba&#768;haa!&#8250; Nai, unao-unao a&#769;nabaha. Ne'mukosi wanyi nai, kwa nana&#769;mubwirire ku e&#769;nde a&#769;naira.&#187;</div><div class="p"> 10Yesu o&#770;mvire bacha, era kusanwa busese. Era kwire a&#769;bura ebandu ba ba&#769;baa bamu&#769;kulikire mbu: &#171;Kubinali! Na&#769;babura kwa mwa Baisiraeli boshi, nda&#768;furaa kulola chiro ne'uma kwo'la we&#768;te bwemeresi bungana nge'bono Muroma! 11Ndababisha, bandu banene baka&#769;tengera mwa bisiki byoshi, kwa kwi&#770;ngirira mwa Bwami bo'kwa nguba. Abu bandu, baka&#769;lya ala'uma na Aburahamu, na Isaka, na Yakobo. 12Si ba bachi&#769;rembaa mbu bu baka&#769;ba besha obu Bwami, baka&#769;umwa era butala mwa musimya munene. Na mwo'yu musimya, baka&#769;lira na kulola kwa kasibu.&#187;</div><div class="p"> 13Chasinda, Yesu era kubura oyu mukulu-kulu mbu: &#171;Endaa! Kwa bwemeresi bwao bu&#768;li, ku binga&#769;naba.&#187; Mwechi chihangi chine'chi, ola mukosi wai, kuna kulama.</div><div class="s">Yesu a&#769;lamya balwala banene</div><div class="r">(Mar 1:29-34; Luk 4:38-41)</div><div class="p"> 14Era nyuma se'bi, Yesu era kwe&#770;ngirira mwa mwa Petero. Era kubuana nasala wa Petero a&#768;chila&#769;mbikire kwa njingo bushi a&#769;baa asi&#769;mbirwe ne'hushira. 15Yesu era kumuuma kwa mino, unao-unao era hushira kuna kulama. Oyu mukasi era kubatuka na a&#769;ya kumutekera ebiryo.</div><div class="p"> 16A&#769;bere lwera luolo-olo, bera kuretera Yesu bandu banene. Abu bandu, ba&#769;baa bas&#237;mbirwange na bihwasi. Ebi bihwasi, Yesu era kunde a&#770;mbula'bi mwa kunateta osha&#770;o. Ne'balwala boshi nabo, era kunde a&#769;nabalamya.</div><div class="p"> 17Bya&#769;baa bacha, chasiya cha chinwa chibe&#769;rere, cha murebi* Isaya a&#769;tetaa mbu: &#171;E&#770;kaa emalibuko metu moshi, era kwe&#770;ka ne'malwala metu.&#187;#8:17 Somaa Isaya 53:4. </div><div class="s">Yesu a&#770;na eano kwa'ba ba&#769;honda kumukulikira</div><div class="r">(Luk 9:57-62)</div><div class="p"> 18Mango Yesu a&#769;lolaa bandu banene bamu&#769;sungwire, era kubura ebanafunzi* bai mbu baha&#769;bukiraa kwa unji mushirirya we'nyanja.</div><div class="p"> 19Mwo'lu, mukangirisi muuma we'Mwaso era kuchifunda ofu nai. Era kumubura mbu: &#171;Mukangirisi! Chira era unge&#769;nde wa&#769;naya, nanyi nyinge&#769;nde na&#769;kukulikira.&#187; 20Yesu era kumwa&#780;kula mbu: &#171;Emitereri itu&#769;sa nyikunda, ne'milonge itu&#769;sa matu. Si nyi Mwana we'Mundu nyeke, ndatu&#769;sa chiro na chisiki cha kuonjira'mo!&#187;</div><div class="p"> 21Chasinda, unji mwanafunzi* muuma wa Yesu nai era kumubura mbu: &#171;Enawetu! U&#768;nyirekaa tanga nyi&#769;ye kutaba tata.&#187; 22Yesu era kumwa&#780;kula mbu: &#171;Re&#769;kaa ebafu be&#769;nde ba&#769;taba bafu balikabo. Si woyo, unyi&#769;kulikiraa!&#187;</div><div class="s">Yesu a&#769;kaliira emulaba</div><div class="r">(Mar 4:35-41; Luk 8:22-25)</div><div class="p"> 23Era nyuma se'bi, Yesu era kwe&#769;rukira mwa bwato, ebanafunzi* bai bera kuenda nai.</div><div class="p"> 24A&#769;bere bai&#769;ka kwa nyanja, kwera kuulukira mulaba munene. Bushi no'ku, emeshi mera kutangirisa ma&#769;chiumanga mwo'bu bwato. Si mwe'chi chihangi, Yesu yeke a&#769;baa a&#768;onjire.</div><div class="p"> 25Abu banafunzi* bai, bera kwire ba&#769;ya kumususa. Bera kumubura mbu: &#171;Enawetu! Twa&#769;sika, u&#768;tulamyaa!&#187; 26Nai mbu: &#171;Era! Chi cha&#769;tuma mwo&#770;baa? Kubinali, ebwemeresi bwenyu bu&#768;keire!&#187; Era kwire e&#770;manga, na a&#769;kaliira oyu mulaba ne'meshi. Era nyanja, kuna kuorera.</div><div class="p"> 27Abu bandu, bera kusanwa busese. Bera kutangirisa ba&#769;teta mbu: &#171;Ewashe! Mundu muchiye ono? Ola mulaba ne'nyanja nabi bya&#769;mutunda!&#187; </div><div class="s">Yesu a&#769;lamya bandu babiri ba ba&#769;baa basi&#769;mbirwe ne'bihwasi</div><div class="r">(Mar 5:1-20; Luk 8:26-39)</div><div class="p"> 28Mango Yesu a&#769;baa era a&#768;habukaa enyanja, era kuika mwa chio che'Baketari. Era kubuana bandu babiri ba ba&#769;baa ba&#769;tengera kwa shinda. Abu bandu, ba&#769;baa basi&#769;mbirwe na bihwasi. Ebi bihwasi, byera kubai&#769;ra ba&#769;kali busese. Bushi no'ku, kwa&#769;baa kutachiri mundu asibya ola we&#769;ndee wa&#769;ereresa a&#769;renga ofu nabo. 29Abu bandu bera kutangirisa ba&#769;chilakangira mbu: &#171;Eu Mwenyi Ongo! Chi wa&#769;tuhonda'ko? Tu&#769;buraa, wai&#769;kire kutulibusa era muhondo se'suku se'buchinjibusi?&#187;</div><div class="p"> 30Ofu ne'chi chisiki, a&#769;baa a&#769;kerera buso bunene bwa ngulube. 31Ebi bihwasi, byera kwire bye&#769;ma Yesu mbu: &#171;Akaba wa&#769;twambula, utu&#769;tumaa mwo'bu buso bwe'ngulube.&#187; 32Nai mbu: &#171;Muya&#769;a'mo!&#187; Ebi bihwasi kuna kubatenga'ko na bya&#769;chiuma mwe'sa ngulube. Bwa buso boshi, unao-unao kuna kw&#226;ndaalira mwa nyanja, na sa&#769;sikira'mo.</div><div class="p"> 33Ebangere be'si ngulube ba&#769;lolire bacha, bera kuhaira kwa musi. Bera kubalira ebandu kwa myasi yoshi era Yesu a&#768;korere ba bandu babiri ba&#769;baa basi&#769;mbirwe ne'bihwasi.</div><div class="p"> 34Chasinjire, besha mwa musi boshi, bera kulibichira era Yesu a&#769;baa a&#768;li. Ba&#769;mulolire'ko, bera kumwe&#780;ma busese mbu ate&#769;ngaa mwa chio chabo.</div>
 </div>
 </div>
</div>

Era nyuma se'bi, Yesu era kwândaala kwe'i ndulungu. Ábere era ândaala'ko, bandu banene busese bera kumukulikira.
Mwo'lu, mubenzi-benzi muuma era kumuikira. Oyu mubenzi-benzi, era kukoma emafi era muhondo sa Yesu. Era kumubura mbu: «Enawetu! Akaba uhónjire, ùnganyilamya.» Yesu era kunanula ekuboko na ámuuma'ko. Era kumubura mbu: «Nechi! Náhonda uláme!» Unao-unao, ola mubenzi-benzi kuna kulama. Chasinda, Yesu era kumuchichika mbu: «Uményaa! Ùtaereresaa wábura mundu asibya kwe'i myasi! Si uyáa kuchilosa era mwa kuhanyi, wánâna ne'mitulo* kwa kulosa kwa walámire mira, kukulikana no'kwa Mwaso wa Musa atúla àtechire.»


Mango Yesu ábaa era êngirira mwa musi we'Kaperinaumu, kwera kuulukira mukulu-kulu muuma we'basula be'Baroma. Oyu mukulu-kulu, era kuika kwéma Yesu mbu àmuasaa. Era kumubura mbu: «Enawetu! Emukosi wanyi àremere, na mwe'chine chihangi, kuonjira ku anáonjire mwa nyumba, bushi álibuka busese.» Yesu era kumwǎkula mbu: «Nyingáika kumulamya.» Si oyu mukulu-kulu nai mbu: «Nânga Enawetu! Ndéte kwa nyìri kwa kùngatuma wêngirira mwa mwanyi. Rero Waliya, woyo unátetaa chinwa chiuma oshâo, ne'mukosi wanyi angálama. Bushi nanyi, nyìri era bufuli sa banji bakulu-kulu. Nyéte na basula ba batúla era bufuli sanyi. Nénde nánabura muuma mbu: ‹Éndaa!› Nai, unao-unao ánaenda. Nánabura ne'unji mbu: ‹Bàhaa!› Nai, unao-unao ánabaha. Ne'mukosi wanyi nai, kwa nanámubwirire ku énde ánaira.»
Yesu ômvire bacha, era kusanwa busese. Era kwire ábura ebandu ba bábaa bamúkulikire mbu: «Kubinali! Nábabura kwa mwa Baisiraeli boshi, ndàfuraa kulola chiro ne'uma kwo'la wète bwemeresi bungana nge'bono Muroma! Ndababisha, bandu banene bakátengera mwa bisiki byoshi, kwa kwîngirira mwa Bwami bo'kwa nguba. Abu bandu, bakálya ala'uma na Aburahamu, na Isaka, na Yakobo. Si ba bachírembaa mbu bu bakába besha obu Bwami, bakáumwa era butala mwa musimya munene. Na mwo'yu musimya, bakálira na kulola kwa kasibu.»
Chasinda, Yesu era kubura oyu mukulu-kulu mbu: «Endaa! Kwa bwemeresi bwao bùli, ku bingánaba.» Mwechi chihangi chine'chi, ola mukosi wai, kuna kulama.


Era nyuma se'bi, Yesu era kwêngirira mwa mwa Petero. Era kubuana nasala wa Petero àchilámbikire kwa njingo bushi ábaa asímbirwe ne'hushira. Yesu era kumuuma kwa mino, unao-unao era hushira kuna kulama. Oyu mukasi era kubatuka na áya kumutekera ebiryo.
Ábere lwera luolo-olo, bera kuretera Yesu bandu banene. Abu bandu, bábaa basímbirwange na bihwasi. Ebi bihwasi, Yesu era kunde âmbula'bi mwa kunateta oshâo. Ne'balwala boshi nabo, era kunde ánabalamya.
Byábaa bacha, chasiya cha chinwa chibérere, cha murebi* Isaya átetaa mbu: «Êkaa emalibuko metu moshi, era kwêka ne'malwala metu.»


Mango Yesu álolaa bandu banene bamúsungwire, era kubura ebanafunzi* bai mbu bahábukiraa kwa unji mushirirya we'nyanja.
Mwo'lu, mukangirisi muuma we'Mwaso era kuchifunda ofu nai. Era kumubura mbu: «Mukangirisi! Chira era ungénde wánaya, nanyi nyingénde nákukulikira.» Yesu era kumwǎkula mbu: «Emitereri itúsa nyikunda, ne'milonge itúsa matu. Si nyi Mwana we'Mundu nyeke, ndatúsa chiro na chisiki cha kuonjira'mo!»
Chasinda, unji mwanafunzi* muuma wa Yesu nai era kumubura mbu: «Enawetu! Ùnyirekaa tanga nyíye kutaba tata.» Yesu era kumwǎkula mbu: «Rékaa ebafu bénde bátaba bafu balikabo. Si woyo, unyíkulikiraa!»


Era nyuma se'bi, Yesu era kwérukira mwa bwato, ebanafunzi* bai bera kuenda nai.
Ábere baíka kwa nyanja, kwera kuulukira mulaba munene. Bushi no'ku, emeshi mera kutangirisa máchiumanga mwo'bu bwato. Si mwe'chi chihangi, Yesu yeke ábaa àonjire.
Abu banafunzi* bai, bera kwire báya kumususa. Bera kumubura mbu: «Enawetu! Twásika, ùtulamyaa!» Nai mbu: «Era! Chi chátuma mwôbaa? Kubinali, ebwemeresi bwenyu bùkeire!» Era kwire êmanga, na ákaliira oyu mulaba ne'meshi. Era nyanja, kuna kuorera.
Abu bandu, bera kusanwa busese. Bera kutangirisa báteta mbu: «Ewashe! Mundu muchiye ono? Ola mulaba ne'nyanja nabi byámutunda!»


Mango Yesu ábaa era àhabukaa enyanja, era kuika mwa chio che'Baketari. Era kubuana bandu babiri ba bábaa bátengera kwa shinda. Abu bandu, bábaa basímbirwe na bihwasi. Ebi bihwasi, byera kubaíra bákali busese. Bushi no'ku, kwábaa kutachiri mundu asibya ola wéndee wáereresa árenga ofu nabo. Abu bandu bera kutangirisa báchilakangira mbu: «Eu Mwenyi Ongo! Chi wátuhonda'ko? Túburaa, waíkire kutulibusa era muhondo se'suku se'buchinjibusi?»
Ofu ne'chi chisiki, ábaa ákerera buso bunene bwa ngulube. Ebi bihwasi, byera kwire byéma Yesu mbu: «Akaba wátwambula, utútumaa mwo'bu buso bwe'ngulube.» Nai mbu: «Muyáa'mo!» Ebi bihwasi kuna kubatenga'ko na byáchiuma mwe'sa ngulube. Bwa buso boshi, unao-unao kuna kwândaalira mwa nyanja, na sásikira'mo.
Ebangere be'si ngulube bálolire bacha, bera kuhaira kwa musi. Bera kubalira ebandu kwa myasi yoshi era Yesu àkorere ba bandu babiri bábaa basímbirwe ne'bihwasi.
Chasinjire, besha mwa musi boshi, bera kulibichira era Yesu ábaa àli. Bámulolire'ko, bera kumwěma busese mbu aténgaa mwa chio chabo.

Lyt til Matayo 8