النسخة العربية الحجازية الجديدة Hijazi New Arabic Version ‪This work is made available under the Creative Commons Attribution-ShareAlike 4‪.0 International License (CC BY-SA). To view a copy of this license, visit http://creativecommons.org/licenses/by-sa/4‪.0 or send a letter to Creative Commons, PO Box 1866, Mountain View, CA 94042, USA. ‪If this work is desired as a source text for modification, alternative dialect translation or other derivative work, permission must be sought from Strategic Resource Group. All such derivative work must indicate what changes have been made and attribute the work as follows: “The original work by Strategic Resource Group is available for free on YouVersion and www.Bible.com." ‪You must also make your derivative work available under the same license (CC BY-SA). Strategic Resource Group may be contacted at info@srginc.org.

Hijazi New Arabic Version

و انتو كمان كنتو زمان ميتين بذنوبكم و خطاياكم، اللي كنتو تمشو فيها على حسب طرق هذا العالم، تمشوا ورا رئيس قوات الهوا، هاذي الروح اللي تلبس أولاد العصيان، اللي بينهم احنا كمان زمان كنا نمشي ورا شهوات جسدنا، نسوي اللي يبغاه الجسد و الافكار، و كنا بالطبيعة زي باقي عيال الغضب كمان. بس الله هو غني في الرحمة، و بسبب محبتو العظيمة اللي حبنا بيها، ولمَّن كنا نحنا كمان اموات بالذنوب، عَيّْشنا مع المسيح، و بالنعمة انتو مخلَّصين ، وعيَّشنا معاه و خلانا معاه في السموات في المسيح يسوع. وذا عشان يعرض في الأيام الجايه كيف نعمتو غنيه، اللي مره لطيف بيها علينا في المسيح يسوع. و انتو بالنعمة كان خلاصكم، بالايمان، و ذا مو منكم. هو نعمة مِنَ عند اللهِ، مو على أساس الاعمال، عشان ولا أحد يشوف نفسه. احنا عمل الله، وخلقنا بالمسيح يسوع عشان أعمال صالحة هو سواها من قبل عشان نمشي عليها.

عشان كذا انتو حالتكم السابقة ياللي مختونين دحين و تقولوا على الناس مو مختونين مع أنه هذا الختان ينعمل باليد في الجسم في ذاك الوقت انتو كنتو من غير مسيح، غريبين عن جماعة اسرائيل، وغربا عن العهود الموعودة، مافي رجا لكم وتنكروا الله في العالم. بس دحين ، وفي المسيح يسوع، انتو اللي كنتو بعيدين صرتوا قريبين بدم المسيح. هو السلام حقنا، اللي جمع الكل وخلانا واحد و هدم الجدار اللي كان يفصل بيننا، اللي هي العداوة: و بجسدو ابطل شريعة الوصايا حقت الفرايض، عشان يكون من الفريقين انسان واحد و جديد، وبعدها صار بينهم سلام، وعشان يصالحهم ببعض في جسد واحد مع الله بالصليب اللي بيه انقتلت العداوة. بعدين جا و بشركم بالسلام انتو البعيدين، (زي ما بشر بالسلام) دولاك القريبين. وفيه لنا كلنا قرب للأب بروح واحده. اذاً، انتو مو غريبين دحين، انتو مننا مع القدييسن و من ضمن عيلة الله، و كبرتو على أساس الرسل والانبياء، و المسيح يسوع هو نفسو حجر الزاوية الاساس، اللي فيه يكتمل البناء كلو ويصير هيكل مقدس في الرب. واللي فيه انتو كمان كبرتو مع بعض و صرتو مسكن لله بوجود الروح.

Lyt til أفسس 2