<div class="version vid3823 iso6393akl" data-vid="3823" data-iso6393="akl">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Mga Mapinuslanon nga mga Pamisaea Parti sa Rayang Sueat</span></div><div class="ip"><span class="content">Daya hay isaea pa gid nga pagsaysay parti sa kabuhi ni Jesus tag nag-adto imaw iya sa kalibutan. Ro nagsueat kara hay si Juan nga ginapatihan it kaeabanan nga si Juan nga isaea sa 12 ka sumueunod ni Jesus. Kon amat, owa tanan ginadaeha ni Jesus ro anang 12 ka sumueunod kundi ro 3 eang ag isaea eon si Juan sa 3 ngaron (Mar 5:37, 9:2 ag 14:33). Isaea man imaw sa mga nakasaksi ku kamatayon ni Jesus sa krus (Juan 19:35). Kon amat, may ginsambit si Juan parti sa sangka sumueunod ni Jesus pero owa nana ginhingadli (Juan 13:23-25, 20:2-8 ag 21:20-24). Kaeabanan sa mga mangin-aeamon sa Bibliya hay nagapati nga ro ay Juan nga ginapatungdan kato hay ro ana man mismo nga kaugalingon.</span></div><div class="ip"><span class="content">Ro pilang ka istorya nga ginsueat dikara sa Juan hay pareho man sa mga ginsueat sa Mateo, Marcos ag Lucas, pero kaeabanan ku nasueat dikara hay owa sa ibang mga libro ngaron. Sangkiri ea't-a nga mga milagro nga ginhimo ni Jesus ro ginsueat ni Juan kompara sa ginsueat ku iba. Ro rason karon hay dahil nga mas gusto ni Juan nga isueat kon sin-o gid si Jesus ag kon ano ro anang ginaturo kaysa sa kon ano ro anang mga ginhimo. Ginsueat ni Juan rayang pagsaysay ku kabuhi ni Jesus &#8220;agod magpati kamo nga si Jesus hay imaw ro Maneueuwas nga ginpromisa it Dyos ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan paagi sa inyong maeueot nga kaangtanan kana.&#8221; (20:31).</span></div><div class="ip"><span class="content">Gusto gid ni Juan nga masayran it mga tawo nga si Jesus hay bukon eang it tawo kundi Dyos nga nagpakatawo (1:14). Bago pa imaw nagpakatawo, imaw hay &#8220;kaibahan eon it Dyos&#8221; ag Dyos imaw (1:1). May eangitnon imaw nga pagkadaeayawon nga tanda nga imaw ro Owa Gid it Kapareho nga ginpadaea iya it Dyos Ama (1:14). Gin-ako ni Jesus nga ana gid mismo nga ama ro Dyos ag katupong imaw it Dyos (5:18). Ginsueat man ni Juan ro 7 ka &#8220;Ako ro&#8221; nga tawag ni Jesus sa anang kaugalingon:</span></div><div class="ili"><span class="content">Ako ro pagkaon nga nagatao it minatuod nga kabuhi (6:35).</span></div><div class="ili"><span class="content">Ako ro iwag nga nagatao it kahayag sa paino-ino it mga tawo iya sa kalibutan (8:12).</span></div><div class="ili"><span class="content">Ako ro pwertahan (10:9).</span></div><div class="ili"><span class="content">Ako ro mayad nga manogbantay nga nagadipara gid ku akong mga karnero (10:11).</span></div><div class="ili"><span class="content">Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan (11:25).</span></div><div class="ili"><span class="content">Ako mismo ro daean paadto sa Ama. Ako man ro gapahayag kon ano ro matuod parti sa Dyos ag Ako ro gatao it kabuhi nga owa it katapusan (14:6).</span></div><div class="ili"><span class="content">Ako ro puno it ubas (15:5).</span></div><div class="ip"><span class="content">Ag syempre, ro pinakabantog nga bersikulo sa Bibliya (Juan 3:16) hay iya sa rayang sueat: &#8220;Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.&#8221;</span></div><div class="is"><span class="content">Pagpaathag kon paalin ro paghuyap ni Juan it oras sa rayang anang ginsueat:</span></div><div class="ip"><span class="content">Sa mga ginsueat sa Mateo, Marcos ag Lucas, ro gin-gamit sa paghuyap it oras hay pareho sa paghuyap it mga Judio. Gaumpisa sanda it paghuyap halin sa alas 6 it agahon, ngani ro alas 7 hay ginatawag nanda nga &#8220;sa primerong oras&#8221; ag ro truadlaw hay &#8220;sa ika-6 nga oras&#8221; ag iba pa. Ro mga Romano hay naggamit man kara, pero kon amat hay pareho sa atong paghuyap ro andang ginagamit, kapin gid sa mga dokumento. Gaumpisa sanda it paghuyap halin sa alas 12 it tungang gabii o alas 12 it udtruadlaw. Kon makaruyon ro paghuyap, ro &#8220;sa primerong oras&#8221; hay ala una it aga-aga o ala una it hapon, ro &#8220;sa ika-6 nga oras&#8221; hay alas 6 it agahon o alas 6 it gabii. Dahil abo nga mga dinag-on nga nag-istar si Juan sa guwa it nasyon nanda nga mga Judio (pareho sa Efeso ag sa Isla it Patmos), may mga mangin-aeamon nga nagapati nga ro anang gin-gamit sa paghuyap it oras sa rayang anang ginsueat hay ana it mga Romano. Ro sangka halimbawa kara hay sa 19:14, kon siin gin-gamit nana ro &#8220;sa ika-6 nga oras&#8221; tag gintugyan ni Pilato si Jesus sa mga soldado agod nga ieansang sa krus. Pero klaro sa Marcos 15:25 nga alas 9 it agahon gineansang si Jesus sa krus. Ngani tungod ginsueat ni Juan sa 19:14 nga si Jesus hay idto pa't-a sa atubang ni Pilato sa ika-6 nga oras, nagakahueugan nga ro anang gin-gamit dikato sa paghuyap hay ana it mga Romano, nga alas 6 it agahon. Bukon it posible nga ana ra it Judio nga paghuyap dahil kon sa andang paghuyap hay udtruadlaw eo't-a ra.</span></div>
      </div>
   </div>
</div>

2024 (Active) Wycliffe Bible Translators, Inc.

Mga Mapinuslanon nga mga Pamisaea Parti sa Rayang Sueat
Daya hay isaea pa gid nga pagsaysay parti sa kabuhi ni Jesus tag nag-adto imaw iya sa kalibutan. Ro nagsueat kara hay si Juan nga ginapatihan it kaeabanan nga si Juan nga isaea sa 12 ka sumueunod ni Jesus. Kon amat, owa tanan ginadaeha ni Jesus ro anang 12 ka sumueunod kundi ro 3 eang ag isaea eon si Juan sa 3 ngaron (Mar 5:37, 9:2 ag 14:33). Isaea man imaw sa mga nakasaksi ku kamatayon ni Jesus sa krus (Juan 19:35). Kon amat, may ginsambit si Juan parti sa sangka sumueunod ni Jesus pero owa nana ginhingadli (Juan 13:23-25, 20:2-8 ag 21:20-24). Kaeabanan sa mga mangin-aeamon sa Bibliya hay nagapati nga ro ay Juan nga ginapatungdan kato hay ro ana man mismo nga kaugalingon.
Ro pilang ka istorya nga ginsueat dikara sa Juan hay pareho man sa mga ginsueat sa Mateo, Marcos ag Lucas, pero kaeabanan ku nasueat dikara hay owa sa ibang mga libro ngaron. Sangkiri ea't-a nga mga milagro nga ginhimo ni Jesus ro ginsueat ni Juan kompara sa ginsueat ku iba. Ro rason karon hay dahil nga mas gusto ni Juan nga isueat kon sin-o gid si Jesus ag kon ano ro anang ginaturo kaysa sa kon ano ro anang mga ginhimo. Ginsueat ni Juan rayang pagsaysay ku kabuhi ni Jesus “agod magpati kamo nga si Jesus hay imaw ro Maneueuwas nga ginpromisa it Dyos ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan paagi sa inyong maeueot nga kaangtanan kana.” (20:31).
Gusto gid ni Juan nga masayran it mga tawo nga si Jesus hay bukon eang it tawo kundi Dyos nga nagpakatawo (1:14). Bago pa imaw nagpakatawo, imaw hay “kaibahan eon it Dyos” ag Dyos imaw (1:1). May eangitnon imaw nga pagkadaeayawon nga tanda nga imaw ro Owa Gid it Kapareho nga ginpadaea iya it Dyos Ama (1:14). Gin-ako ni Jesus nga ana gid mismo nga ama ro Dyos ag katupong imaw it Dyos (5:18). Ginsueat man ni Juan ro 7 ka “Ako ro” nga tawag ni Jesus sa anang kaugalingon:
Ako ro pagkaon nga nagatao it minatuod nga kabuhi (6:35).
Ako ro iwag nga nagatao it kahayag sa paino-ino it mga tawo iya sa kalibutan (8:12).
Ako ro pwertahan (10:9).
Ako ro mayad nga manogbantay nga nagadipara gid ku akong mga karnero (10:11).
Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan (11:25).
Ako mismo ro daean paadto sa Ama. Ako man ro gapahayag kon ano ro matuod parti sa Dyos ag Ako ro gatao it kabuhi nga owa it katapusan (14:6).
Ako ro puno it ubas (15:5).
Ag syempre, ro pinakabantog nga bersikulo sa Bibliya (Juan 3:16) hay iya sa rayang sueat: “Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.”
Pagpaathag kon paalin ro paghuyap ni Juan it oras sa rayang anang ginsueat:
Sa mga ginsueat sa Mateo, Marcos ag Lucas, ro gin-gamit sa paghuyap it oras hay pareho sa paghuyap it mga Judio. Gaumpisa sanda it paghuyap halin sa alas 6 it agahon, ngani ro alas 7 hay ginatawag nanda nga “sa primerong oras” ag ro truadlaw hay “sa ika-6 nga oras” ag iba pa. Ro mga Romano hay naggamit man kara, pero kon amat hay pareho sa atong paghuyap ro andang ginagamit, kapin gid sa mga dokumento. Gaumpisa sanda it paghuyap halin sa alas 12 it tungang gabii o alas 12 it udtruadlaw. Kon makaruyon ro paghuyap, ro “sa primerong oras” hay ala una it aga-aga o ala una it hapon, ro “sa ika-6 nga oras” hay alas 6 it agahon o alas 6 it gabii. Dahil abo nga mga dinag-on nga nag-istar si Juan sa guwa it nasyon nanda nga mga Judio (pareho sa Efeso ag sa Isla it Patmos), may mga mangin-aeamon nga nagapati nga ro anang gin-gamit sa paghuyap it oras sa rayang anang ginsueat hay ana it mga Romano. Ro sangka halimbawa kara hay sa 19:14, kon siin gin-gamit nana ro “sa ika-6 nga oras” tag gintugyan ni Pilato si Jesus sa mga soldado agod nga ieansang sa krus. Pero klaro sa Marcos 15:25 nga alas 9 it agahon gineansang si Jesus sa krus. Ngani tungod ginsueat ni Juan sa 19:14 nga si Jesus hay idto pa't-a sa atubang ni Pilato sa ika-6 nga oras, nagakahueugan nga ro anang gin-gamit dikato sa paghuyap hay ana it mga Romano, nga alas 6 it agahon. Bukon it posible nga ana ra it Judio nga paghuyap dahil kon sa andang paghuyap hay udtruadlaw eo't-a ra.

Lyt til Juan Mga Mapinuslanon nga mga Pamisaea Parti sa Rayang Sueat