Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">O Jesus un o Zacheo</div><div class="p"> 1Un o Jesus djas an o foro Jericho. 2Kote his i biboldo, ko his i pralstuno pral kolende, kai lenna i biboldendar lowe i Remarjenge dren. Leskro lab his Zacheo. 3Job kamas o Jesuses te dikell, un nai dikas les gar. Job his tikno, un bud menshe his trul o Jesuseste. 4Doleske nashas lo glan i menshende, un djas ap i ruk, te dikell lo feteder.</div><div class="p"> 5Un o Jesus was koi un dikas pre, un penas ap leste: &#8220;Zacheo, am sik koi tele! Kau diwes hunte wap me an tiro kheer.&#8221;</div><div class="p"> 6Un o Zacheo was sik o rukestar tele, un las o Jesuses an peskro kheer dren, un his bachtelo.</div><div class="p"> 7Har jon kowa dikan, his jon chojemen un penan: &#8220;Pash i pale-tchiddo djal job an o kheer.&#8221;</div><div class="p"> 8O Zacheo his koi tardo un penas ap o Jesuseste: &#8220;Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.&#8221;</div><div class="p"> 9Penas o Jesus ap leste: &#8220;Kau diwes las o Dewel i menshen an kau kheer dran o tchilatchepen win. Ninna kawa rom hi o Abrahameskro tchawo.</div><div class="p"> 10O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.&#8221;</div><div class="s1">I triin budepangre</div><div class="p"> 11O Jesus his gar dur o forestar Jerusalem, un i menshe patsan, kai ko tsiro kanna kai hi, kai o Dewel sikrella, te hi lo o rai pral i tseli phub.</div><div class="p">Koi penas o Jesus lenge laba, kai i khatedo tchatchepen dren hi, 12un penas: &#8220;I pralstuno kamas te well lo baro rai pral peskro them. Doleske djas lo pash koleste, kai hi o wast pral bud themma, te krell kowa les baro rai. Un pal kowa kamas lo an peskro them pale te djal. 13Un job das deesh peskre budepangren gole, das hakeneste i sheel rupene beme, un penas: Budrenn kol lowentsa jaake rah har me gar kai hom. Un job djas peske. 14I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!</div><div class="p"> 15Ko mursh was baro rai, un was an peskro them pale. Koi das lo kol budepangren gole, kolen job kol lowe das. Un job kamas dikell, hoi jon kol lowentsa kran.</div><div class="p"> 16I budepaskro was pash leste un penas: Mo rai, me budrom kol lowentsa, hoi tu man dal. Un kanna hi man deesh kope jaake bud.</div><div class="p"> 17Penas lo ap koleste: Kowa kral tu mishto. Tu hal o latcho budepaskro. Me tchiwom i tikno koowa an tire wasta, un tu kral i bari budi koleha. Doleske kamau, te wess tu o pralstuno pral deesh forja.</div><div class="p"> 18Ko duito was pash ko rajeste, un penas: Mo rai, me budrom kol lowentsa, hoi tu man dal. Un kanna hi man pantch kope jaake bud.</div><div class="p"> 19Ap koleste penas lo ninna: Tu weh o pralstuno pral pantch forja.</div><div class="p"> 20Ko triinto was un penas: Mo rai, ake, tire sheel rupene beme. Me khatrom len an i diklo. 21Me darom tutar. Tut hi i dji dran bar. Tu leh, kai dal tchi. Un hoi i wawar ap i kotar phub tchiwas, leh tu lestar krik, te was kowa bares.</div><div class="p"> 22Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro. 23Hoske anal tu mire lowe gar pash kolende, kai i lowe win patsenna? Un te woms me pale, loms budeder lowe pale, har tu len dal.</div><div class="p"> 24Un job penas ap kolende, kai koi pashel tardo hi: Lenn kol sheel rupene beme lestar krik, un denn kol lowe koleste, kai hi les deesh kope budeder!</div><div class="p"> 25Un jon penan ap o rajeste: Rai, koles hi deesh kope jaake bud!</div><div class="p"> 26Koi penas o rai: Kones bud hi, kowa lell budeder. Un kowa, kai hi les gar bud, kolestar well kowa ninna krik lino.</div><div class="p"> 27Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!&#8221;</div><div class="s1">O Jesus wella pash o foro Jerusalem</div><div class="p"> 28Har o Jesus kowa penas, djas lo glan lende ap o drom, kai djal an o foro Jerusalem. 29Un job was pash kol gaba Betfage un Betani. Kal gaba his ap koi berga tchiddo, hoi kharella djeteskri berga. Un job bitchras dui peskre malendar glan-wi un penas lenge: 30&#8220;Djan an o gab koi wergel. Kote hatsenn tumer i terni esla pandlo, ap koleste his gomme kek beshdo. Pandenn lat tele, un anenn lat pash mande! 31Un te putchell jek tumendar: Hoske pandenn lat tele? penenn leske: Hi maro rajeske, te beshell job ap late.&#8221;</div><div class="p"> 32Un kol dui djan an ko gab, un lauter his jaake, har o Jesus lenge penas. 33Har jon koja terni esla tele pandan, putchas lendar ko mursh, koleske koi esla his: &#8220;Hoske pandenn tumer koi terni esla tele?&#8221;</div><div class="p"> 34Un jon penan leske: &#8220;Hi maro rajeske, te beshell job ap late.&#8221;</div><div class="p"> 35Koi anan jon koi esla pash o Jesuseste, un tchiwan pengre koola ap late. Un o Jesus beshas pes pral pre.</div><div class="p"> 36Ap o drom, har job an o foro Jerusalem klissas#19:36 klissell, ap gadjkenes: reitet , tchiwan i menshe pengre koola ap o drom, te nashte klissas job pral wergel.</div><div class="p"> 37Har jon kote wan, kai djal o drom o djeteskri berga tele, dan leskre mala bari gole i bachtjatar, un sharan o Debles pral ko baro koowa, hoi job mashkral lende kras.</div><div class="p"> 38Un jon penan: &#8220;Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!&#8221;</div><div class="p"> 39Koi his ninna Farisarja mashkral i menshende ap o drom. Kolla penan: &#8220;Rai, pen ap tire malende, te mukenn le tele!&#8221;</div><div class="p"> 40Penas o Jesus ap lende: &#8220;Me penau tumenge: Jon te rikrenn pengre muja, palle denn i barra gole.&#8221;</div><div class="s1">O Jesus rowella pral i menshende an o foro Jerusalem</div><div class="p"> 41Un har o Jesus pash o foro Jerusalem was, rowas lo pral i menshende an kau foro, 42un penas: &#8220;Bachtelo wans tumer, te djinans tumer kau diwes, koon anell tumenge o Debleskri bacht! Tumer han korelo. Tumer dikenn les gar. 43Ko bibachtelo diwes wella, kai lurde wenna dran i wawar themma. Jon tchiwenn bare barra trul tumaro foro, te wenn tumer buder gar win. 44Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.&#8221;</div><div class="s1">O Jesus hi an o Debleskro baro kheer</div><div class="p"> 45Un o Jesus djas an o Debleskro baro kheer un tradas kol bikepangren win, 46un penas lenge: &#8220;An o Debleskro lab hi tchinlo: O Dewel penella: Miro kheer te well i kheer, kai sharenn man i menshe un mangenn man an. Tumer kran lestar i kheer, kai i menshe chochenna un randenna.&#8221; </div><div class="p"> 47Hako diwes djas o Jesus an o Debleskro baro kheer un sikras i menshende o Debleskro drom. I bare rashaja, i biboldengre tchatchepangre un i wawar pralstune rodan i drom, te marenn le les. 48Jon djinan gar, har nai tapran le les. Bud menshe his trul leste, un kaman hako lab te shunell, hoi job penas.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Un o Jesus djas an o foro Jericho. Kote his i biboldo, ko his i pralstuno pral kolende, kai lenna i biboldendar lowe i Remarjenge dren. Leskro lab his Zacheo. Job kamas o Jesuses te dikell, un nai dikas les gar. Job his tikno, un bud menshe his trul o Jesuseste. Doleske nashas lo glan i menshende, un djas ap i ruk, te dikell lo feteder.
Un o Jesus was koi un dikas pre, un penas ap leste: “Zacheo, am sik koi tele! Kau diwes hunte wap me an tiro kheer.”
Un o Zacheo was sik o rukestar tele, un las o Jesuses an peskro kheer dren, un his bachtelo.
Har jon kowa dikan, his jon chojemen un penan: “Pash i pale-tchiddo djal job an o kheer.”
O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”
Penas o Jesus ap leste: “Kau diwes las o Dewel i menshen an kau kheer dran o tchilatchepen win. Ninna kawa rom hi o Abrahameskro tchawo.
O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

O Jesus his gar dur o forestar Jerusalem, un i menshe patsan, kai ko tsiro kanna kai hi, kai o Dewel sikrella, te hi lo o rai pral i tseli phub.
Koi penas o Jesus lenge laba, kai i khatedo tchatchepen dren hi, un penas: “I pralstuno kamas te well lo baro rai pral peskro them. Doleske djas lo pash koleste, kai hi o wast pral bud themma, te krell kowa les baro rai. Un pal kowa kamas lo an peskro them pale te djal. Un job das deesh peskre budepangren gole, das hakeneste i sheel rupene beme, un penas: Budrenn kol lowentsa jaake rah har me gar kai hom. Un job djas peske. I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!
Ko mursh was baro rai, un was an peskro them pale. Koi das lo kol budepangren gole, kolen job kol lowe das. Un job kamas dikell, hoi jon kol lowentsa kran.
I budepaskro was pash leste un penas: Mo rai, me budrom kol lowentsa, hoi tu man dal. Un kanna hi man deesh kope jaake bud.
Penas lo ap koleste: Kowa kral tu mishto. Tu hal o latcho budepaskro. Me tchiwom i tikno koowa an tire wasta, un tu kral i bari budi koleha. Doleske kamau, te wess tu o pralstuno pral deesh forja.
Ko duito was pash ko rajeste, un penas: Mo rai, me budrom kol lowentsa, hoi tu man dal. Un kanna hi man pantch kope jaake bud.
Ap koleste penas lo ninna: Tu weh o pralstuno pral pantch forja.
Ko triinto was un penas: Mo rai, ake, tire sheel rupene beme. Me khatrom len an i diklo. Me darom tutar. Tut hi i dji dran bar. Tu leh, kai dal tchi. Un hoi i wawar ap i kotar phub tchiwas, leh tu lestar krik, te was kowa bares.
Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro. Hoske anal tu mire lowe gar pash kolende, kai i lowe win patsenna? Un te woms me pale, loms budeder lowe pale, har tu len dal.
Un job penas ap kolende, kai koi pashel tardo hi: Lenn kol sheel rupene beme lestar krik, un denn kol lowe koleste, kai hi les deesh kope budeder!
Un jon penan ap o rajeste: Rai, koles hi deesh kope jaake bud!
Koi penas o rai: Kones bud hi, kowa lell budeder. Un kowa, kai hi les gar bud, kolestar well kowa ninna krik lino.
Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”

Har o Jesus kowa penas, djas lo glan lende ap o drom, kai djal an o foro Jerusalem. Un job was pash kol gaba Betfage un Betani. Kal gaba his ap koi berga tchiddo, hoi kharella djeteskri berga. Un job bitchras dui peskre malendar glan-wi un penas lenge: “Djan an o gab koi wergel. Kote hatsenn tumer i terni esla pandlo, ap koleste his gomme kek beshdo. Pandenn lat tele, un anenn lat pash mande! Un te putchell jek tumendar: Hoske pandenn lat tele? penenn leske: Hi maro rajeske, te beshell job ap late.”
Un kol dui djan an ko gab, un lauter his jaake, har o Jesus lenge penas. Har jon koja terni esla tele pandan, putchas lendar ko mursh, koleske koi esla his: “Hoske pandenn tumer koi terni esla tele?”
Un jon penan leske: “Hi maro rajeske, te beshell job ap late.”
Koi anan jon koi esla pash o Jesuseste, un tchiwan pengre koola ap late. Un o Jesus beshas pes pral pre.
Ap o drom, har job an o foro Jerusalem klissas, tchiwan i menshe pengre koola ap o drom, te nashte klissas job pral wergel.
Har jon kote wan, kai djal o drom o djeteskri berga tele, dan leskre mala bari gole i bachtjatar, un sharan o Debles pral ko baro koowa, hoi job mashkral lende kras.
Un jon penan: “Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!”
Koi his ninna Farisarja mashkral i menshende ap o drom. Kolla penan: “Rai, pen ap tire malende, te mukenn le tele!”
Penas o Jesus ap lende: “Me penau tumenge: Jon te rikrenn pengre muja, palle denn i barra gole.”

Un har o Jesus pash o foro Jerusalem was, rowas lo pral i menshende an kau foro, un penas: “Bachtelo wans tumer, te djinans tumer kau diwes, koon anell tumenge o Debleskri bacht! Tumer han korelo. Tumer dikenn les gar. Ko bibachtelo diwes wella, kai lurde wenna dran i wawar themma. Jon tchiwenn bare barra trul tumaro foro, te wenn tumer buder gar win. Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.”

Un o Jesus djas an o Debleskro baro kheer un tradas kol bikepangren win, un penas lenge: “An o Debleskro lab hi tchinlo: O Dewel penella: Miro kheer te well i kheer, kai sharenn man i menshe un mangenn man an. Tumer kran lestar i kheer, kai i menshe chochenna un randenna.”
Hako diwes djas o Jesus an o Debleskro baro kheer un sikras i menshende o Debleskro drom. I bare rashaja, i biboldengre tchatchepangre un i wawar pralstune rodan i drom, te marenn le les. Jon djinan gar, har nai tapran le les. Bud menshe his trul leste, un kaman hako lab te shunell, hoi job penas.

Lyt til Luka 19